(৪) পচ্চুপ্পন্নাতীতৰারো

(ক) অনুলোমপুগ্গলো

৬৮. (ক) যস্স রূপক্খন্ধো উপ্পজ্জতি তস্স ৰেদনাক্খন্ধো উপ্পজ্জিত্থাতি? আমন্তা.

(খ) যস্স ৰা পন ৰেদনাক্খন্ধো উপ্পজ্জিত্থ তস্স রূপক্খন্ধো উপ্পজ্জতীতি?

সব্বেসং চৰন্তানং অরূপং উপপজ্জন্তানং তেসং ৰেদনাক্খন্ধো উপ্পজ্জিত্থ, নো চ তেসং রূপক্খন্ধো উপ্পজ্জতি. পঞ্চৰোকারং উপপজ্জন্তানং অসঞ্ঞসত্তং উপপজ্জন্তানং তেসং ৰেদনাক্খন্ধো চ উপ্পজ্জিত্থ রূপক্খন্ধো চ উপ্পজ্জতি.

৬৯. (ক) যস্স ৰেদনাক্খন্ধো উপ্পজ্জতি তস্স সঞ্ঞাক্খন্ধো উপ্পজ্জিত্থাতি? আমন্তা.

(খ) যস্স ৰা পন সঞ্ঞাক্খন্ধো উপ্পজ্জিত্থ তস্স ৰেদনাক্খন্ধো উপ্পজ্জতীতি?

সব্বেসং চৰন্তানং অসঞ্ঞসত্তং উপপজ্জন্তানং তেসং সঞ্ঞাক্খন্ধো উপ্পজ্জিত্থ, নো চ তেসং ৰেদনাক্খন্ধো উপ্পজ্জতি. চতুৰোকারং পঞ্চৰোকারং উপপজ্জন্তানং তেসং সঞ্ঞাক্খন্ধো চ উপ্পজ্জিত্থ ৰেদনাক্খন্ধো চ উপ্পজ্জতি.

(খ) অনুলোমওকাসো

৭০. (ক) যত্থ রূপক্খন্ধো উপ্পজ্জতি তত্থ ৰেদনাক্খন্ধো উপ্পজ্জিত্থাতি?

অসঞ্ঞসত্তে তত্থ রূপক্খন্ধো উপ্পজ্জতি, নো চ তত্থ ৰেদনাক্খন্ধো উপ্পজ্জিত্থ. পঞ্চৰোকারে তত্থ রূপক্খন্ধো চ উপ্পজ্জতি ৰেদনাক্খন্ধো চ উপ্পজ্জিত্থ.

(খ) যত্থ ৰা পন ৰেদনাক্খন্ধো উপ্পজ্জিত্থ তত্থ রূপক্খন্ধো উপ্পজ্জতীতি?

অরূপে তত্থ ৰেদনাক্খন্ধো উপ্পজ্জিত্থ, নো চ তত্থ রূপক্খন্ধো উপ্পজ্জতি. পঞ্চৰোকারে তত্থ ৰেদনাক্খন্ধো চ উপ্পজ্জিত্থ রূপক্খন্ধো চ উপ্পজ্জতি.

৭১. (ক) যত্থ ৰেদনাক্খন্ধো উপ্পজ্জতি তত্থ সঞ্ঞাক্খন্ধো উপ্পজ্জিত্থাতি? আমন্তা.

(খ) যত্থ ৰা পন সঞ্ঞাক্খন্ধো উপ্পজ্জিত্থ তত্থ ৰেদনাক্খন্ধো উপ্পজ্জতীতি? আমন্তা.

(গ) অনুলোমপুগ্গলোকাসা

৭২. (ক) যস্স যত্থ রূপক্খন্ধো উপ্পজ্জতি তস্স তত্থ ৰেদনাক্খন্ধো উপ্পজ্জিত্থাতি?

সুদ্ধাৰাসং উপপজ্জন্তানং অসঞ্ঞসত্তং উপপজ্জন্তানং তেসং তত্থ রূপক্খন্ধো উপ্পজ্জতি, নো চ তেসং তত্থ ৰেদনাক্খন্ধো উপ্পজ্জিত্থ. ইতরেসং পঞ্চৰোকারং উপপজ্জন্তানং তেসং তত্থ রূপক্খন্ধো চ উপ্পজ্জতি ৰেদনাক্খন্ধো চ উপ্পজ্জিত্থ.

(খ) যস্স ৰা পন যত্থ ৰেদনাক্খন্ধো উপ্পজ্জিত্থ তস্স তত্থ রূপক্খন্ধো উপ্পজ্জতীতি?

পঞ্চৰোকারা চৰন্তানং অরূপানং তেসং তত্থ ৰেদনাক্খন্ধো উপ্পজ্জিত্থ, নো চ তেসং তত্থ রূপক্খন্ধো উপ্পজ্জতি. পঞ্চৰোকারং উপপজ্জন্তানং তেসং তত্থ ৰেদনাক্খন্ধো চ উপ্পজ্জিত্থ রূপক্খন্ধো চ উপ্পজ্জতি.

৭৩. (ক) যস্স যত্থ ৰেদনাক্খন্ধো উপ্পজ্জতি তস্স তত্থ সঞ্ঞাক্খন্ধো উপ্পজ্জিত্থাতি?

সুদ্ধাৰাসং উপপজ্জন্তানং তেসং তত্থ ৰেদনাক্খন্ধো উপ্পজ্জতি, নো চ তেসং তত্থ সঞ্ঞাক্খন্ধো উপ্পজ্জিত্থ. ইতরেসং চতুৰোকারং পঞ্চৰোকারং উপপজ্জন্তানং তেসং তত্থ ৰেদনাক্খন্ধো চ উপ্পজ্জতি সঞ্ঞাক্খন্ধো চ উপ্পজ্জিত্থ.

(খ) যস্স ৰা পন যত্থ সঞ্ঞাক্খন্ধো উপ্পজ্জিত্থ তস্স তত্থ ৰেদনাক্খন্ধো উপ্পজ্জতীতি?

চতুৰোকারা পঞ্চৰোকারা চৰন্তানং তেসং তত্থ সঞ্ঞাক্খন্ধো উপ্পজ্জিত্থ, নো চ তেসং তত্থ ৰেদনাক্খন্ধো উপ্পজ্জতি. চতুৰোকারং পঞ্চৰোকারং উপপজ্জন্তানং তেসং তত্থ সঞ্ঞাক্খন্ধো চ উপ্পজ্জিত্থ ৰেদনাক্খন্ধো চ উপ্পজ্জতি.

(ঘ) পচ্চনীকপুগ্গলো

৭৪. (ক) যস্স রূপক্খন্ধো নুপ্পজ্জতি তস্স ৰেদনাক্খন্ধো নুপ্পজ্জিত্থাতি? উপ্পজ্জিত্থ.

(খ) যস্স ৰা পন ৰেদনাক্খন্ধো নুপ্পজ্জিত্থ তস্স রূপক্খন্ধো নুপ্পজ্জতীতি? নত্থি.

৭৫. (ক) যস্স ৰেদনাক্খন্ধো নুপ্পজ্জতি তস্স সঞ্ঞাক্খন্ধো নুপ্পজ্জিত্থাতি? উপ্পজ্জিত্থ.

(খ) যস্স ৰা পন সঞ্ঞাক্খন্ধো নুপ্পজ্জিত্থ তস্স ৰেদনাক্খন্ধো নুপ্পজ্জতীতি? নত্থি.

(ঙ) পচ্চনীকওকাসো

৭৬. (ক) যত্থ রূপক্খন্ধো নুপ্পজ্জতি তত্থ ৰেদনাক্খন্ধো নুপ্পজ্জিত্থাতি? উপ্পজ্জিত্থ.

(খ) যত্থ ৰা পন ৰেদনাক্খন্ধো নুপ্পজ্জিত্থ তত্থ রূপক্খন্ধো নুপ্পজ্জতীতি? উপ্পজ্জতি.

৭৭. (ক) যত্থ ৰেদনাক্খন্ধো নুপ্পজ্জতি তত্থ সঞ্ঞাক্খন্ধো নুপ্পজ্জিত্থাতি? আমন্তা.

(খ) যত্থ ৰা পন সঞ্ঞাক্খন্ধো নুপ্পজ্জিত্থ তত্থ ৰেদনাক্খন্ধো নুপ্পজ্জতীতি? আমন্তা.

(চ) পচ্চনীকপুগ্গলোকাসা

৭৮. (ক) যস্স যত্থ রূপক্খন্ধো নুপ্পজ্জতি তস্স তত্থ ৰেদনাক্খন্ধো নুপ্পজ্জিত্থাতি?

পঞ্চৰোকারা চৰন্তানং অরূপানং তেসং তত্থ রূপক্খন্ধো নুপ্পজ্জতি, নো চ তেসং তত্থ ৰেদনাক্খন্ধো নুপ্পজ্জিত্থ. সুদ্ধাৰাসে পরিনিব্বন্তানং অসঞ্ঞসত্তা চৰন্তানং তেসং তত্থ রূপক্খন্ধো চ নুপ্পজ্জতি ৰেদনাক্খন্ধো চ নুপ্পজ্জিত্থ.

(খ) যস্স ৰা পন যত্থ ৰেদনাক্খন্ধো নুপ্পজ্জিত্থ তস্স তত্থ রূপক্খন্ধো নুপ্পজ্জতীতি?

সুদ্ধাৰাসং উপপজ্জন্তানং অসঞ্ঞসত্তং উপপজ্জন্তানং তেসং তত্থ ৰেদনাক্খন্ধো নুপ্পজ্জিত্থ, নো চ তেসং তত্থ রূপক্খন্ধো নুপ্পজ্জতি. সুদ্ধাৰাসে পরিনিব্বন্তানং অসঞ্ঞসত্তা চৰন্তানং তেসং তত্থ ৰেদনাক্খন্ধো চ নুপ্পজ্জিত্থ রূপক্খন্ধো চ নুপ্পজ্জতি.

৭৯. (ক) যস্স যত্থ ৰেদনাক্খন্ধো নুপ্পজ্জতি তস্স তত্থ সঞ্ঞাক্খন্ধো নুপ্পজ্জিত্থাতি?

চতুৰোকারা পঞ্চৰোকারা চৰন্তানং তেসং তত্থ ৰেদনাক্খন্ধো নুপ্পজ্জতি, নো চ তেসং তত্থ সঞ্ঞাক্খন্ধো নুপ্পজ্জিত্থ. সুদ্ধাৰাসে পরিনিব্বন্তানং অসঞ্ঞসত্তানং তেসং তত্থ ৰেদনাক্খন্ধো চ নুপ্পজ্জতি সঞ্ঞাক্খন্ধো চ নুপ্পজ্জিত্থ.

(খ) যস্স ৰা পন যত্থ সঞ্ঞাক্খন্ধো নুপ্পজ্জিত্থ তস্স তত্থ ৰেদনাক্খন্ধো নুপ্পজ্জতীতি?

সুদ্ধাৰাসং উপপজ্জন্তানং তেসং তত্থ সঞ্ঞাক্খন্ধো নুপ্পজ্জিত্থ, নো চ তেসং তত্থ ৰেদনাক্খন্ধো নুপ্পজ্জতি. সুদ্ধাৰাসে পরিনিব্বন্তানং অসঞ্ঞসত্তানং তেসং তত্থ সঞ্ঞাক্খন্ধো চ নুপ্পজ্জিত্থ ৰেদনাক্খন্ধো চ নুপ্পজ্জতি.