(৩) অনাগতৰারো

(ক) অনুলোমপুগ্গলো

৬২. (ক) যস্স রূপক্খন্ধো উপ্পজ্জিস্সতি তস্স ৰেদনাক্খন্ধো উপ্পজ্জিস্সতীতি? আমন্তা.

(খ) যস্স ৰা পন ৰেদনাক্খন্ধো উপ্পজ্জিস্সতি তস্স রূপক্খন্ধো উপ্পজ্জিস্সতীতি?

যে অরূপং উপপজ্জিত্ৰা পরিনিব্বাযিস্সন্তি তেসং ৰেদনাক্খন্ধো উপ্পজ্জিস্সতি, নো চ তেসং রূপক্খন্ধো উপ্পজ্জিস্সতি. ইতরেসং তেসং ৰেদনাক্খন্ধো চ উপ্পজ্জিস্সতি রূপক্খন্ধো চ উপ্পজ্জিস্সতি.

(খ) অনুলোমওকাসো

৬৩. (ক) যত্থ রূপক্খন্ধো উপ্পজ্জিস্সতি তত্থ ৰেদনাক্খন্ধো উপ্পজ্জিস্সতীতি?

অসঞ্ঞসত্তে তত্থ রূপক্খন্ধো উপ্পজ্জিস্সতি, নো চ তত্থ ৰেদনাক্খন্ধো উপ্পজ্জিস্সতি. পঞ্চৰোকারে তত্থ রূপক্খন্ধো চ উপ্পজ্জিস্সতি ৰেদনাক্খন্ধো চ উপ্পজ্জিস্সতি.

(খ) যত্থ ৰা পন ৰেদনাক্খন্ধো উপ্পজ্জিস্সতি তত্থ রূপক্খন্ধো উপ্পজ্জিস্সতীতি?

অরূপে তত্থ ৰেদনাক্খন্ধো উপ্পজ্জিস্সতি, নো চ তত্থ রূপক্খন্ধো উপ্পজ্জিস্সতি. পঞ্চৰোকারে তত্থ ৰেদনাক্খন্ধো চ উপ্পজ্জিস্সতি রূপক্খন্ধো চ উপ্পজ্জিস্সতি.

(গ) অনুলোমপুগ্গলোকাসা

৬৪. (ক) যস্স যত্থ রূপক্খন্ধো উপ্পজ্জিস্সতি তস্স তত্থ ৰেদনাক্খন্ধো উপ্পজ্জিস্সতীতি?

অসঞ্ঞসত্তানং তেসং তত্থ রূপক্খন্ধো উপ্পজ্জিস্সতি, নো চ তেসং তত্থ ৰেদনাক্খন্ধো উপ্পজ্জিস্সতি. পঞ্চৰোকারানং তেসং তত্থ রূপক্খন্ধো চ উপ্পজ্জিস্সতি ৰেদনাক্খন্ধো চ উপ্পজ্জিস্সতি.

(খ) যস্স ৰা পন যত্থ ৰেদনাক্খন্ধো উপ্পজ্জিস্সতি তস্স তত্থ রূপক্খন্ধো উপ্পজ্জিস্সতীতি?

অরূপানং তেসং তত্থ ৰেদনাক্খন্ধো উপ্পজ্জিস্সতি, নো চ তেসং তত্থ রূপক্খন্ধো উপ্পজ্জিস্সতি. পঞ্চৰোকারানং তেসং তত্থ ৰেদনাক্খন্ধো চ উপ্পজ্জিস্সতি রূপক্খন্ধো চ উপ্পজ্জিস্সতি.

(ঘ) পচ্চনীকপুগ্গলো

৬৫. (ক) যস্স রূপক্খন্ধো নুপ্পজ্জিস্সতি তস্স ৰেদনাক্খন্ধো নুপ্পজ্জিস্সতীতি?

যে অরূপং উপপজ্জিত্ৰা পরিনিব্বাযিস্সন্তি তেসং রূপক্খন্ধো নুপ্পজ্জিস্সতি, নো চ তেসং ৰেদনাক্খন্ধো নুপ্পজ্জিস্সতি. পচ্ছিমভৰিকানং তেসং রূপক্খন্ধো চ নুপ্পজ্জিস্সতি ৰেদনাক্খন্ধো চ নুপ্পজ্জিস্সতি.

(খ) যস্স ৰা পন ৰেদনাক্খন্ধো নুপ্পজ্জিস্সতি তস্স রূপক্খন্ধো নুপ্পজ্জিস্সতীতি? আমন্তা.

(ঙ) পচ্চনীকওকাসো

৬৬. (ক) যত্থ রূপক্খন্ধো নুপ্পজ্জিস্সতি তত্থ ৰেদনাক্খন্ধো নুপ্পজ্জিস্সতীতি? উপ্পজ্জিস্সতি.

(খ) যত্থ ৰা পন ৰেদনাক্খন্ধো নুপ্পজ্জিস্সতি তত্থ রূপক্খন্ধো নুপ্পজ্জিস্সতীতি? উপ্পজ্জিস্সতি.

(চ) পচ্চনীকপুগ্গলোকাসা

৬৭. (ক) যস্স যত্থ রূপক্খন্ধো নুপ্পজ্জিস্সতি তস্স তত্থ ৰেদনাক্খন্ধো নুপ্পজ্জিস্সতীতি?

অরূপানং তেসং তত্থ রূপক্খন্ধো নুপ্পজ্জিস্সতি, নো চ তেসং তত্থ ৰেদনাক্খন্ধো নুপ্পজ্জিস্সতি. পচ্ছিমভৰিকানং তেসং তত্থ রূপক্খন্ধো চ নুপ্পজ্জিস্সতি ৰেদনাক্খন্ধো চ নুপ্পজ্জিস্সতি.

(খ) যস্স ৰা পন যত্থ ৰেদনাক্খন্ধো নুপ্পজ্জিস্সতি তস্স তত্থ রূপক্খন্ধো নুপ্পজ্জিস্সতীতি?

অসঞ্ঞসত্তানং তেসং তত্থ ৰেদনাক্খন্ধো নুপ্পজ্জিস্সতি, নো চ তেসং তত্থ রূপক্খন্ধো নুপ্পজ্জিস্সতি. পচ্ছিমভৰিকানং তেসং তত্থ ৰেদনাক্খন্ধো চ নুপ্পজ্জিস্সতি রূপক্খন্ধো চ নুপ্পজ্জিস্সতি.