(২) অতীতৰারো

(ক) অনুলোমপুগ্গলো

৫৬. (ক) যস্স রূপক্খন্ধো উপ্পজ্জিত্থ তস্স ৰেদনাক্খন্ধো উপ্পজ্জিত্থাতি? আমন্তা.

(খ) যস্স ৰা পন ৰেদনাক্খন্ধো উপ্পজ্জিত্থ তস্স রূপক্খন্ধো উপ্পজ্জিত্থাতি? আমন্তা.

(খ) অনুলোমওকাসো

৫৭. (ক) যত্থ রূপক্খন্ধো উপ্পজ্জিত্থ তত্থ ৰেদনাক্খন্ধো উপ্পজ্জিত্থাতি?

অসঞ্ঞসত্তে তত্থ রূপক্খন্ধো উপ্পজ্জিত্থ, নো চ তত্থ ৰেদনাক্খন্ধো উপ্পজ্জিত্থ. পঞ্চৰোকারে তত্থ রূপক্খন্ধো চ উপ্পজ্জিত্থ ৰেদনাক্খন্ধো চ উপ্পজ্জিত্থ.

(খ) যত্থ ৰা পন ৰেদনাক্খন্ধো উপ্পজ্জিত্থ তত্থ রূপক্খন্ধো উপ্পজ্জিত্থাতি?

অরূপে তত্থ ৰেদনাক্খন্ধো উপ্পজ্জিত্থ, নো চ তত্থ রূপক্খন্ধো উপ্পজ্জিত্থ. পঞ্চৰোকারে তত্থ ৰেদনাক্খন্ধো চ উপ্পজ্জিত্থ রূপক্খন্ধো চ উপ্পজ্জিত্থ.

(গ) অনুলোমপুগ্গলোকাসা

৫৮. (ক) যস্স যত্থ রূপক্খন্ধো উপ্পজ্জিত্থ তস্স তত্থ ৰেদনাক্খন্ধো উপ্পজ্জিত্থাতি?

অসঞ্ঞসত্তানং তেসং তত্থ রূপক্খন্ধো উপ্পজ্জিত্থ, নো চ তেসং তত্থ ৰেদনাক্খন্ধো উপ্পজ্জিত্থ. পঞ্চৰোকারানং তেসং তত্থ রূপক্খন্ধো চ উপ্পজ্জিত্থ ৰেদনাক্খন্ধো চ উপ্পজ্জিত্থ.

(খ) যস্স ৰা পন যত্থ ৰেদনাক্খন্ধো উপ্পজ্জিত্থ তস্স তত্থ রূপক্খন্ধো উপ্পজ্জিত্থাতি?

অরূপানং তেসং তত্থ ৰেদনাক্খন্ধো উপ্পজ্জিত্থ, নো চ তেসং তত্থ রূপক্খন্ধো উপ্পজ্জিত্থ. পঞ্চৰোকারানং তেসং তত্থ ৰেদনাক্খন্ধো চ উপ্পজ্জিত্থ রূপক্খন্ধো চ উপ্পজ্জিত্থ.

(ঘ) পচ্চনীকপুগ্গলো

৫৯. (ক) যস্স রূপক্খন্ধো নুপ্পজ্জিত্থ তস্স ৰেদনাক্খন্ধো নুপ্পজ্জিত্থাতি? নত্থি.

(খ) যস্স ৰা পন ৰেদনাক্খন্ধো নুপ্পজ্জিত্থ তস্স রূপক্খন্ধো নুপ্পজ্জিত্থাতি? নত্থি.

(ঙ) পচ্চনীকওকাসো

৬০. (ক) যত্থ রূপক্খন্ধো নুপ্পজ্জিত্থ তত্থ ৰেদনাক্খন্ধো নুপ্পজ্জিত্থাতি? উপ্পজ্জিত্থ.

(খ) যত্থ ৰা পন ৰেদনাক্খন্ধো নুপ্পজ্জিত্থ তত্থ রূপক্খন্ধো নুপ্পজ্জিত্থাতি? উপ্পজ্জিত্থ.

(চ) পচ্চনীকপুগ্গলোকাসা

৬১. (ক) যস্স যত্থ রূপক্খন্ধো নুপ্পজ্জিত্থ তস্স তত্থ ৰেদনাক্খন্ধো নুপ্পজ্জিত্থাতি?

অরূপানং তেসং তত্থ রূপক্খন্ধো নুপ্পজ্জিত্থ, নো চ তেসং তত্থ ৰেদনাক্খন্ধো নুপ্পজ্জিত্থ. সুদ্ধাৰাসানং তেসং তত্থ রূপক্খন্ধো চ নুপ্পজ্জিত্থ ৰেদনাক্খন্ধো চ নুপ্পজ্জিত্থ.

(ক) যস্স ৰা পন যত্থ ৰেদনাক্খন্ধো নুপ্পজ্জিত্থ তস্স তত্থ রূপক্খন্ধো নুপ্পজ্জিত্থাতি?

অসঞ্ঞসত্তানং তেসং তত্থ ৰেদনাক্খন্ধো নুপ্পজ্জিত্থ, নো চ তেসং তত্থ রূপক্খন্ধো নুপ্পজ্জিত্থ. সুদ্ধাৰাসানং তেসং তত্থ ৰেদনাক্খন্ধো চ নুপ্পজ্জিত্থ রূপক্খন্ধো চ নুপ্পজ্জিত্থ.