(১) পচ্চুপ্পন্নৰারো

(ক) অনুলোমপুগ্গলো

৫০. (ক) যস্স রূপক্খন্ধো উপ্পজ্জতি তস্স ৰেদনাক্খন্ধো উপ্পজ্জতীতি?

অসঞ্ঞসত্তং উপপজ্জন্তানং তেসং রূপক্খন্ধো উপ্পজ্জতি, নো চ তেসং ৰেদনাক্খন্ধো উপ্পজ্জতি. পঞ্চৰোকারং উপপজ্জন্তানং তেসং রূপক্খন্ধো চ উপ্পজ্জতি ৰেদনাক্খন্ধো চ উপ্পজ্জতি.

(খ) যস্স ৰা পন ৰেদনাক্খন্ধো উপ্পজ্জতি তস্স রূপক্খন্ধো উপ্পজ্জতীতি?

অরূপং উপপজ্জন্তানং তেসং ৰেদনাক্খন্ধো উপ্পজ্জতি, নো চ তেসং রূপক্খন্ধো উপ্পজ্জতি. পঞ্চৰোকারং উপপজ্জন্তানং তেসং ৰেদনাক্খন্ধো চ উপ্পজ্জতি রূপক্খন্ধো চ উপ্পজ্জতি.

(খ) অনুলোমওকাসো

৫১. (ক) যত্থ রূপক্খন্ধো উপ্পজ্জতি তত্থ ৰেদনাক্খন্ধো উপ্পজ্জতীতি?

অসঞ্ঞসত্তে তত্থ রূপক্খন্ধো উপ্পজ্জতি, নো চ তত্থ ৰেদনাক্খন্ধো উপ্পজ্জতি. পঞ্চৰোকারে তত্থ রূপক্খন্ধো চ উপ্পজ্জতি ৰেদনাক্খন্ধো চ উপ্পজ্জতি.

(খ) যত্থ ৰা পন ৰেদনাক্খন্ধো উপ্পজ্জতি তত্থ রূপক্খন্ধো উপ্পজ্জতীতি?

অরূপে তত্থ ৰেদনাক্খন্ধো উপ্পজ্জতি, নো চ তত্থ রূপক্খন্ধো উপ্পজ্জতি. পঞ্চৰোকারে তত্থ ৰেদনাক্খন্ধো চ উপ্পজ্জতি রূপক্খন্ধো চ উপ্পজ্জতি.

(গ) অনুলোমপুগ্গলোকাসা

৫২. (ক) যস্স যত্থ রূপক্খন্ধো উপ্পজ্জতি তস্স তত্থ ৰেদনাক্খন্ধো উপ্পজ্জতীতি?

অসঞ্ঞসত্তং উপপজ্জন্তানং তেসং তত্থ রূপক্খন্ধো উপ্পজ্জতি, নো চ তেসং তত্থ ৰেদনাক্খন্ধো উপ্পজ্জতি. পঞ্চৰোকারং উপপজ্জন্তানং তেসং তত্থ রূপক্খন্ধো চ উপ্পজ্জতি ৰেদনাক্খন্ধো চ উপ্পজ্জতি.

(খ) যস্স ৰা পন যত্থ ৰেদনাক্খন্ধো উপ্পজ্জতি তস্স তত্থ রূপক্খন্ধো উপ্পজ্জতীতি?

অরূপং উপপজ্জন্তানং তেসং তত্থ ৰেদনাক্খন্ধো উপ্পজ্জতি, নো চ তেসং তত্থ রূপক্খন্ধো উপ্পজ্জতি. পঞ্চৰোকারং উপপজ্জন্তানং তেসং তত্থ ৰেদনাক্খন্ধো চ উপ্পজ্জতি রূপক্খন্ধো চ উপ্পজ্জতি.

(ঘ) পচ্চনীকপুগ্গলো

৫৩. (ক) যস্স রূপক্খন্ধো নুপ্পজ্জতি তস্স ৰেদনাক্খন্ধো নুপ্পজ্জতীতি?

অরূপং উপপজ্জন্তানং তেসং রূপক্খন্ধো নুপ্পজ্জতি, নো চ তেসং ৰেদনাক্খন্ধো নুপ্পজ্জতি. সব্বেসং চৰন্তানং তেসং রূপক্খন্ধো চ নুপ্পজ্জতি ৰেদনাক্খন্ধো চ নুপ্পজ্জতি.

(খ) যস্স ৰা পন ৰেদনাক্খন্ধো নুপ্পজ্জতি তস্স রূপক্খন্ধো নুপ্পজ্জতীতি?

অসঞ্ঞসত্তং উপপজ্জন্তানং তেসং ৰেদনাক্খন্ধো নুপ্পজ্জতি, নো চ তেসং রূপক্খন্ধো নুপ্পজ্জতি. সব্বেসং চৰন্তানং তেসং ৰেদনাক্খন্ধো চ নুপ্পজ্জতি রূপক্খন্ধো চ নুপ্পজ্জতি.

(ঙ) পচ্চনীকওকাসো

৫৪. (ক) যত্থ রূপক্খন্ধো নুপ্পজ্জতি তত্থ ৰেদনাক্খন্ধো নুপ্পজ্জতীতি? উপ্পজ্জতি.

(খ) যত্থ ৰা পন ৰেদনাক্খন্ধো নুপ্পজ্জতি তত্থ রূপক্খন্ধো নুপ্পজ্জতীতি? উপ্পজ্জতি.

(চ) পচ্চনীকপুগ্গলোকাসা

৫৫. (ক) যস্স যত্থ রূপক্খন্ধো নুপ্পজ্জতি তস্স তত্থ ৰেদনাক্খন্ধো নুপ্পজ্জতীতি?

অরূপং উপপজ্জন্তানং তেসং তত্থ রূপক্খন্ধো নুপ্পজ্জতি, নো চ তেসং তত্থ ৰেদনাক্খন্ধো নুপ্পজ্জতি. সব্বেসং চৰন্তানং তেসং তত্থ রূপক্খন্ধো চ নুপ্পজ্জতি ৰেদনাক্খন্ধো চ নুপ্পজ্জতি.

(খ) যস্স ৰা পন যত্থ ৰেদনাক্খন্ধো নুপ্পজ্জতি তস্স তত্থ রূপক্খন্ধো নুপ্পজ্জতীতি?

অসঞ্ঞসত্তং উপপজ্জন্তানং তেসং তত্থ ৰেদনাক্খন্ধো নুপ্পজ্জতি, নো চ তেসং তত্থ রূপক্খন্ধো নুপ্পজ্জতি. সব্বেসং চৰন্তানং তেসং তত্থ ৰেদনাক্খন্ধো চ নুপ্পজ্জতি রূপক্খন্ধো চ নুপ্পজ্জতি.