৫০-১. পরামাসদুক-কুসলত্তিকং

১-৭. পটিচ্চৰারাদি

পচ্চযচতুক্কং

হেতুপচ্চযো

১. নোপরামাসং কুসলং ধম্মং পটিচ্চ নোপরামাসো কুসলো ধম্মো উপ্পজ্জতি হেতুপচ্চযা (সংখিত্তং).

২. হেতুযা একং, আরম্মণে একং…পে… অৰিগতে একং (সংখিত্তং).

(সহজাতৰারেপি…পে… পঞ্হাৰারেপি সব্বত্থ একং.)

৩. পরামাসং অকুসলং ধম্মং পটিচ্চ নোপরামাসো অকুসলো ধম্মো উপ্পজ্জতি হেতুপচ্চযা. (১)

নোপরামাসং অকুসলং ধম্মং পটিচ্চ নোপরামাসো অকুসলো ধম্মো উপ্পজ্জতি হেতুপচ্চযা… তীণি.

পরামাসং অকুসলঞ্চ নোপরামাসং অকুসলঞ্চ ধম্মং পটিচ্চ নোপরামাসো অকুসলো ধম্মো উপ্পজ্জতি হেতুপচ্চযা. (১) (সংখিত্তং.)

৪. হেতুযা পঞ্চ, আরম্মণে পঞ্চ…পে… অৰিগতে পঞ্চ (সংখিত্তং).

নহেতুযা একং, নঅধিপতিযা পঞ্চ, নপুরেজাতে পঞ্চ, নপচ্ছাজাতে পঞ্চ…পে… (সংখিত্তং). (সহজাতৰারম্পি…পে… সম্পযুত্তৰারম্পি ৰিত্থারেতব্বং.)

৫. নোপরামাসো অকুসলো ধম্মো নোপরামাসস্স অকুসলস্স ধম্মস্স হেতুপচ্চযেন পচ্চযো (সংখিত্তং).

৬. হেতুযা তীণি, আরম্মণে নৰ, অধিপতিযা নৰ…পে… অৰিগতে পঞ্চ (সংখিত্তং).

(যথা কুসলত্তিকে পঞ্হাৰারস্স অনুলোমম্পি পচ্চনীযম্পি অনুলোমপচ্চনীযম্পি পচ্চনীযানুলোমম্পি গণিতং, এৰং গণেতব্বং.)

৭. নোপরামাসং অব্যাকতং ধম্মং পটিচ্চ নোপরামাসো অব্যাকতো ধম্মো উপ্পজ্জতি হেতুপচ্চযা (সংখিত্তং).

৮. হেতুযা একং, আরম্মণে একং…পে… অৰিগতে একং (সংখিত্তং).

(সহজাতৰারেপি…পে… পঞ্হাৰারেপি সব্বত্থ একং.)

৫১-১. পরামট্ঠদুক-কুসলত্তিকং

১-৭. পটিচ্চৰারাদি

পচ্চযচতুক্কং

হেতুপচ্চযো

৯. পরামট্ঠং কুসলং ধম্মং পটিচ্চ পরামট্ঠো কুসলো ধম্মো উপ্পজ্জতি হেতুপচ্চযা. (১)

অপরামট্ঠং কুসলং ধম্মং পটিচ্চ অপরামট্ঠো কুসলো ধম্মো উপ্পজ্জতি হেতুপচ্চযা. (১) (সংখিত্তং.)

১০. হেতুযা দ্ৰে, আরম্মণে দ্ৰে…পে… অৰিগতে দ্ৰে (সংখিত্তং).

(সহজাতৰারোপি …পে… পঞ্হাৰারোপি ৰিত্থারেতব্বা.)

১১. পরামট্ঠং অকুসলং ধম্মং পটিচ্চ পরামট্ঠো অকুসলো ধম্মো উপ্পজ্জতি হেতুপচ্চযা (সংখিত্তং).

১২. হেতুযা একং, আরম্মণে একং…পে… অৰিগতে একং (সংখিত্তং).

(সহজাতৰারেপি…পে… পঞ্হাৰারেপি সব্বত্থ একং.)

১৩. পরামট্ঠং অব্যাকতং ধম্মং পটিচ্চ পরামট্ঠো অব্যাকতো ধম্মো উপ্পজ্জতি হেতুপচ্চযা. (১)

অপরামট্ঠং অব্যাকতং ধম্মং পটিচ্চ অপরামট্ঠো অব্যাকতো ধম্মো উপ্পজ্জতি হেতুপচ্চযা… তীণি.

পরামট্ঠং অব্যাকতঞ্চ অপরামট্ঠং অব্যাকতঞ্চ ধম্মং পটিচ্চ পরামট্ঠো অব্যাকতো ধম্মো উপ্পজ্জতি হেতুপচ্চযা. (১) (সংখিত্তং.)

১৪. হেতুযা পঞ্চ, আরম্মণে দ্ৰে…পে… আসেৰনে একং…পে… অৰিগতে পঞ্চ (সংখিত্তং). (সহজাতৰারম্পি…পে… পঞ্হাৰারম্পি ৰিত্থারেতব্বং.)

৫২-১. পরামাসসম্পযুত্তদুক-কুসলত্তিকং

১-৭. পটিচ্চৰারাদি

পচ্চযচতুক্কং

হেতুপচ্চযো

১৫. পরামাসৰিপ্পযুত্তং কুসলং ধম্মং পটিচ্চ পরামাসৰিপ্পযুত্তো কুসলো ধম্মো উপ্পজ্জতি হেতুপচ্চযা (সংখিত্তং).

১৬. হেতুযা একং, আরম্মণে একং…পে… অৰিগতে একং (সংখিত্তং).

(সহজাতৰারেপি …পে… পঞ্হাৰারেপি সব্বত্থ একং.)

১৭. পরামাসসম্পযুত্তং অকুসলং ধম্মং পটিচ্চ পরামাসসম্পযুত্তো অকুসলো ধম্মো উপ্পজ্জতি হেতুপচ্চযা. (১)

পরামাসৰিপ্পযুত্তং অকুসলং ধম্মং পটিচ্চ পরামাসৰিপ্পযুত্তো অকুসলো ধম্মো উপ্পজ্জতি হেতুপচ্চযা. (১) (সংখিত্তং.)

১৮. হেতুযা দ্ৰে, আরম্মণে দ্ৰে (সব্বত্থ দ্ৰে)…পে… অৰিগতে দ্ৰে (সংখিত্তং).

নহেতুযা একং, নঅধিপতিযা দ্ৰে (সব্বত্থ দ্ৰে)…পে… নৰিপ্পযুত্তে দ্ৰে (সংখিত্তং). (সহজাতৰারোপি…পে… সম্পযুত্তৰারোপি ৰিত্থারেতব্বা.)

১৯. পরামাসসম্পযুত্তো অকুসলো ধম্মো পরামাসসম্পযুত্তস্স অকুসলস্স ধম্মস্স হেতুপচ্চযেন পচ্চযো. (১)

পরামাসৰিপ্পযুত্তো অকুসলো ধম্মো পরামাসৰিপ্পযুত্তস্স অকুসলস্স ধম্মস্স হেতুপচ্চযেন পচ্চযো. (১) (সংখিত্তং.)

২০. হেতুযা দ্ৰে, আরম্মণে চত্তারি, অধিপতিযা চত্তারি (মজ্ঝিমে চ অন্তে চ আরম্মণাধিপতি), অনন্তরে দ্ৰে…পে… সহজাতে দ্ৰে…পে… উপনিস্সযে চত্তারি, আসেৰনে দ্ৰে, কম্মে দ্ৰে, আহারে দ্ৰে…পে… মগ্গে দ্ৰে…পে… অৰিগতে দ্ৰে (সংখিত্তং).

২১. পরামাসৰিপ্পযুত্তং অব্যাকতং ধম্মং পটিচ্চ পরামাসৰিপ্পযুত্তো অব্যাকতো ধম্মো উপ্পজ্জতি হেতুপচ্চযা (সংখিত্তং).

২২. হেতুযা একং, আরম্মণে একং…পে… অৰিগতে একং (সংখিত্তং).

(সহজাতৰারেপি…পে… পঞ্হাৰারেপি সব্বত্থ একং.)

৫৩-১. পরামাসপরামট্ঠদুক-কুসলত্তিকং

১-৭. পটিচ্চৰারাদি

পচ্চযচতুক্কং

২৩. পরামট্ঠঞ্চেৰ নো চ পরামাসং কুসলং ধম্মং পটিচ্চ পরামট্ঠো চেৰ নো চ পরামাসো কুসলো ধম্মো উপ্পজ্জতি হেতুপচ্চযা (সংখিত্তং).

২৪. হেতুযা একং, আরম্মণে একং…পে… অৰিগতে একং (সংখিত্তং).

(সহজাতৰারেপি…পে… পঞ্হাৰারেপি সব্বত্থ একং.)

২৫. পরামাসঞ্চেৰ পরামট্ঠঞ্চ অকুসলং ধম্মং পটিচ্চ পরামট্ঠো চেৰ নো চ পরামাসো অকুসলো ধম্মো উপ্পজ্জতি হেতুপচ্চযা… একং.

পরামট্ঠঞ্চেৰ নো চ পরামাসং অকুসলং ধম্মং পটিচ্চ পরামট্ঠো চেৰ নো চ পরামাসো অকুসলো ধম্মো উপ্পজ্জতি হেতুপচ্চযা… তীণি.

পরামাসঞ্চেৰ পরামট্ঠং অকুসলঞ্চ পরামট্ঠঞ্চেৰ নো চ পরামাসং অকুসলঞ্চ ধম্মং পটিচ্চ পরামট্ঠো চেৰ নো চ পরামাসো অকুসলো ধম্মো উপ্পজ্জতি হেতুপচ্চযা… একং (সংখিত্তং).

২৬. হেতুযা পঞ্চ, আরম্মণে পঞ্চ…পে… অৰিগতে পঞ্চ (সংখিত্তং).

(সহজাতৰারম্পি…পে… সম্পযুত্তৰারম্পি ৰিত্থারেতব্বং.)

২৭. পরামট্ঠো চেৰ নো চ পরামাসো অকুসলো ধম্মো পরামট্ঠস্স চেৰ নো চ পরামাসস্স অকুসলস্স ধম্মস্স হেতুপচ্চযেন পচ্চযো (সংখিত্তং).

২৮. হেতুযা তীণি, আরম্মণে নৰ, অধিপতিযা নৰ…পে… অৰিগতে পঞ্চ (সংখিত্তং).

২৯. পরামট্ঠঞ্চেৰ নো চ পরামাসং অব্যাকতং ধম্মং পটিচ্চ পরামট্ঠো চেৰ নো চ পরামাসো অব্যাকতো ধম্মো উপ্পজ্জতি হেতুপচ্চযা (সংখিত্তং).

৩০. হেতুযা একং, আরম্মণে একং…পে… অৰিগতে একং (সংখিত্তং). (সহজাতৰারেপি…পে… পঞ্হাৰারেপি সব্বত্থ একং.)

৫৪-১. পরামাসৰিপ্পযুত্তপরামট্ঠদুক-কুসলত্তিকং

১-৭. পটিচ্চৰারাদি

পচ্চযচতুক্কং

হেতুপচ্চযো

৩১. পরামাসৰিপ্পযুত্তং পরামট্ঠং কুসলং ধম্মং পটিচ্চ পরামাসৰিপ্পযুত্তো পরামট্ঠো কুসলো ধম্মো উপ্পজ্জতি হেতুপচ্চযা. (১)

পরামাসৰিপ্পযুত্তং অপরামট্ঠং কুসলং ধম্মং পটিচ্চ পরামাসৰিপ্পযুত্তো অপরামট্ঠো কুসলো ধম্মো উপ্পজ্জতি হেতুপচ্চযা. (১) (সংখিত্তং.)

৩২. হেতুযা দ্ৰে, আরম্মণে দ্ৰে…পে… অৰিগতে দ্ৰে (সংখিত্তং. লোকিযলোকুত্তরদুকসদিসং. সহজাতৰারোপি…পে… পঞ্হাৰারোপি ৰিত্থারেতব্বা.)

৩৩. পরামাসৰিপ্পযুত্তং পরামট্ঠং অকুসলং ধম্মং পটিচ্চ পরামাসৰিপ্পযুত্তো পরামট্ঠো অকুসলো ধম্মো উপ্পজ্জতি হেতুপচ্চযা (সব্বত্থ একং).

৩৪. পরামাসৰিপ্পযুত্তং পরামট্ঠং অব্যাকতং ধম্মং পটিচ্চ পরামাসৰিপ্পযুত্তো পরামট্ঠো অব্যাকতো ধম্মো উপ্পজ্জতি হেতুপচ্চযা. (১)

পরামাসৰিপ্পযুত্তং অপরামট্ঠং অব্যাকতং ধম্মং পটিচ্চ পরামাসৰিপ্পযুত্তো অপরামট্ঠো অব্যাকতো ধম্মো উপ্পজ্জতি হেতুপচ্চযা… তীণি.

পরামাসৰিপ্পযুত্তং পরামট্ঠং অব্যাকতঞ্চ পরামাসৰিপ্পযুত্তং অপরামট্ঠং অব্যাকতঞ্চ ধম্মং পটিচ্চ পরামাসৰিপ্পযুত্তো পরামট্ঠো অব্যাকতো ধম্মো উপ্পজ্জতি হেতুপচ্চযা. (১) (সংখিত্তং.)

৩৫. হেতুযা পঞ্চ, আরম্মণে দ্ৰে…পে… অৰিগতে পঞ্চ (সংখিত্তং. লোকিযদুকসদিসং. সহজাতৰারম্পি…পে… পঞ্হাৰারম্পি ৰিত্থারেতব্বং.)

পরামাসগোচ্ছককুসলত্তিকং নিট্ঠিতং.