১-৭. পটিচ্চৰারাদি

পচ্চযচতুক্কং

হেতুপচ্চযো

১০. গন্থনিযং কুসলং ধম্মং পটিচ্চ গন্থনিযো কুসলো ধম্মো উপ্পজ্জতি হেতুপচ্চযা. (১)

অগন্থনিযং কুসলং ধম্মং পটিচ্চ অগন্থনিযো কুসলো ধম্মো উপ্পজ্জতি হেতুপচ্চযা. (১) (সংখিত্তং.)

১১. হেতুযা দ্ৰে, আরম্মণে দ্ৰে…পে… অৰিগতে দ্ৰে (সংখিত্তং, লোকিযলোকুত্তরগমনসদিসং).

(সহজাতৰারোপি…পে… পঞ্হাৰারোপি ৰিত্থারেতব্বা.)

১২. গন্থনিযং অকুসলং ধম্মং পটিচ্চ গন্থনিযো অকুসলো ধম্মো উপ্পজ্জতি হেতুপচ্চযা (সংখিত্তং).

১৩. হেতুযা একং, আরম্মণে একং…পে… অৰিগতে একং (সংখিত্তং).

(সহজাতৰারেপি…পে… পঞ্হাৰারেপি সব্বত্থ একং.)

১৪. গন্থনিযং অব্যাকতং ধম্মং পটিচ্চ গন্থনিযো অব্যাকতো ধম্মো উপ্পজ্জতি হেতুপচ্চযা. (১)

অগন্থনিযং অব্যাকতং ধম্মং পটিচ্চ অগন্থনিযো অব্যাকতো ধম্মো উপ্পজ্জতি হেতুপচ্চযা… তীণি. (৩)

গন্থনিযং অব্যাকতঞ্চ অগন্থনিযং অব্যাকতঞ্চ ধম্মং পটিচ্চ গন্থনিযো অব্যাকতো ধম্মো উপ্পজ্জতি হেতুপচ্চযা. (১) (সংখিত্তং.)

১৫. হেতুযা পঞ্চ, আরম্মণে দ্ৰে…পে… অৰিগতে পঞ্চ (সংখিত্তং, লোকিযলোকুত্তরগমনসদিসং).

(সহজাতৰারোপি…পে… পঞ্হাৰারোপি ৰিত্থারেতব্বা.)