১-৭. পটিচ্চৰারাদি

পচ্চযচতুক্কং

হেতুপচ্চযো

৯. সপ্পচ্চযং অব্যাকতং ধম্মং পটিচ্চ সপ্পচ্চযো অব্যাকতো ধম্মো উপ্পজ্জতি হেতুপচ্চযা (সংখিত্তং).

১০. হেতুযা একং, আরম্মণে একং…পে… অৰিগতে একং (সংখিত্তং).

নহেতুযা একং, নআরম্মণে একং, নঅধিপতিযা একং (সব্বত্থ একং, সংখিত্তং).

পচ্চযচতুক্কং

হেতুপচ্চযাদি

১১. সপ্পচ্চযো অব্যাকতো ধম্মো সপ্পচ্চযস্স অব্যাকতস্স ধম্মস্স হেতুপচ্চযেন পচ্চযো. (১)

সপ্পচ্চযো অব্যাকতো ধম্মো সপ্পচ্চযস্স অব্যাকতস্স ধম্মস্স আরম্মণপচ্চযেন পচ্চযো. (১)

অপ্পচ্চযো অব্যাকতো ধম্মো সপ্পচ্চযস্স অব্যাকতস্স ধম্মস্স আরম্মণপচ্চযেন পচ্চযো. (১)

সপ্পচ্চযো অব্যাকতো ধম্মো সপ্পচ্চযস্স অব্যাকতস্স ধম্মস্স উপনিস্সযপচ্চযেন পচ্চযো. (১)

অপ্পচ্চযো অব্যাকতো ধম্মো সপ্পচ্চযস্স অব্যাকতস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো. (১) (সংখিত্তং.)

হেতুযা একং, আরম্মণে দ্ৰে, অধিপতিযা দ্ৰে, অনন্তরে একং…পে… নিস্সযে একং, উপনিস্সযে দ্ৰে, পুরেজাতে একং, পচ্ছাজাতে একং, (সব্বত্থ একং), অৰিগতে একং (সংখিত্তং).

পচ্চনীযুদ্ধারো

১২. সপ্পচ্চযো অব্যাকতো ধম্মো সপ্পচ্চযস্স অব্যাকতস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো.

অপ্পচ্চযো অব্যাকতো ধম্মো সপ্পচ্চযস্স অব্যাকতস্স ধম্মস্স আরম্মণপচ্চযেন পচ্চযো… উপনিস্সযপচ্চযেন পচ্চযো (সংখিত্তং).

১৩. নহেতুযা দ্ৰে, নআরম্মণে একং (সংখিত্তং).

হেতুপচ্চযা নআরম্মণে একং (সংখিত্তং).

নহেতুপচ্চযা আরম্মণে দ্ৰে (সংখিত্তং).

সপ্পচ্চযদুককুসলত্তিকং নিট্ঠিতং.