১-৭. পটিচ্চৰারাদি

পচ্চযচতুক্কং

হেতুপচ্চযো

৫৫. কেনচি ৰিঞ্ঞেয্যং কুসলং ধম্মং পটিচ্চ কেনচি ৰিঞ্ঞেয্যো কুসলো ধম্মো উপ্পজ্জতি হেতুপচ্চযা. কেনচি ৰিঞ্ঞেয্যং কুসলং ধম্মং পটিচ্চ কেনচি নৰিঞ্ঞেয্যো কুসলো ধম্মো উপ্পজ্জতি হেতুপচ্চযা. কেনচি ৰিঞ্ঞেয্যং কুসলং ধম্মং পটিচ্চ কেনচি ৰিঞ্ঞেয্যো কুসলো চ কেনচি নৰিঞ্ঞেয্যো কুসলো চ ধম্মা উপ্পজ্জন্তি হেতুপচ্চযা. (৩) (সংখিত্তং.)

৫৬. হেতুযা নৰ, আরম্মণে নৰ…পে… অৰিগতে নৰ (সংখিত্তং).

পচ্চনীযং

নঅধিপতিপচ্চযো

৫৭. কেনচি ৰিঞ্ঞেয্যং কুসলং ধম্মং পটিচ্চ কেনচি ৰিঞ্ঞেয্যো কুসলো ধম্মো উপ্পজ্জতি নঅধিপতিপচ্চযা (সংখিত্তং).

৫৮. নঅধিপতিযা নৰ, নপুরেজাতে নৰ, নপচ্ছাজাতে নৰ, নআসেৰনে নৰ, নকম্মে নৰ, নৰিপাকে নৰ…পে… নৰিপ্পযুত্তে নৰ (সংখিত্তং).

(সহজাতৰারোপি পচ্চযৰারোপি নিস্সযৰারোপি সংসট্ঠৰারোপি সম্পযুত্তৰারোপি পটিচ্চৰারসদিসা ৰিত্থারেতব্বা.)

পচ্চযচতুক্কং

হেতুপচ্চযো

৫৯. কেনচি ৰিঞ্ঞেয্যো কুসলো ধম্মো কেনচি ৰিঞ্ঞেয্যস্স কুসলস্স ধম্মস্স হেতুপচ্চযেন পচ্চযো (সংখিত্তং).

৬০. হেতুযা নৰ, আরম্মণে নৰ, অধিপতিযা নৰ, অনন্তরে নৰ, সমনন্তরে নৰ…পে… কম্মে নৰ…পে… অৰিগতে নৰ (সংখিত্তং).

নহেতুযা নৰ, নআরম্মণে নৰ (সংখিত্তং).

হেতুপচ্চযা নআরম্মণে নৰ (সংখিত্তং).

নহেতুপচ্চযা আরম্মণে নৰ (সংখিত্তং).

(যথা কুসলত্তিকে পঞ্হাৰারস্স অনুলোমম্পি পচ্চনীযম্পি অনুলোমপচ্চনীযম্পি পচ্চনীযানুলোমম্পি গণিতং, এৰং গণেতব্বং. কেনচি ৰিঞ্ঞেয্যং অকুসলম্পি কেনচি ৰিঞ্ঞেয্যং অব্যাকতম্পি কেনচি ৰিঞ্ঞেয্যকুসলসদিসং ৰিত্থারেতব্বং).

কেনচিৰিঞ্ঞেয্যদুককুসলত্তিকং নিট্ঠিতং.

চূল়ন্তরদুকং নিট্ঠিতং.