১-৭. পটিচ্চৰারাদি

পচ্চযচতুক্কং

হেতুপচ্চযো

৫০. লোকিযং অব্যাকতং ধম্মং পটিচ্চ লোকিযো অব্যাকতো ধম্মো উপ্পজ্জতি হেতুপচ্চযা. (১)

লোকুত্তরং অব্যাকতং ধম্মং পটিচ্চ লোকুত্তরো অব্যাকতো ধম্মো উপ্পজ্জতি হেতুপচ্চযা… তীণি.

লোকিযং অব্যাকতঞ্চ লোকুত্তরং অব্যাকতঞ্চ ধম্মং পটিচ্চ লোকিযো অব্যাকতো ধম্মো উপ্পজ্জতি হেতুপচ্চযা. (১) (সংখিত্তং.)

৫১. হেতুযা পঞ্চ, আরম্মণে দ্ৰে…পে… আসেৰনে একং, কম্মে পঞ্চ, ৰিপাকে পঞ্চ…পে… অৰিগতে পঞ্চ (সংখিত্তং, অনুলোমং).

৫২. নহেতুযা একং, নআরম্মণে তীণি, নঅধিপতিযা দ্ৰে…পে… নপুরেজাতে চত্তারি, নপচ্ছাজাতে পঞ্চ…পে… নকম্মে একং, নৰিপাকে একং, নআহারে একং…পে… নমগ্গে একং, নসম্পযুত্তে তীণি, নৰিপ্পযুত্তে দ্ৰে, নোনত্থিযা তীণি, নোৰিগতে তীণি (সংখিত্তং, পচ্চনীযং).

(সহজাতৰারোপি পচ্চযৰারোপি নিস্সযৰারোপি সংসট্ঠৰারোপি সম্পযুত্তৰারোপি পটিচ্চৰারসদিসা ৰিত্থারেতব্বা.)

পচ্চযচতুক্কং

হেতুপচ্চযো

৫৩. লোকিযো অব্যাকতো ধম্মো লোকিযস্স অব্যাকতস্স ধম্মস্স হেতুপচ্চযেন পচ্চযো. (১)

লোকুত্তরো অব্যাকতো ধম্মো লোকুত্তরস্স অব্যাকতস্স ধম্মস্স হেতুপচ্চযেন পচ্চযো… তীণি (সংখিত্তং).

৫৪. হেতুযা চত্তারি, আরম্মণে তীণি, অধিপতিযা চত্তারি, অনন্তরে চত্তারি, সহজাতে পঞ্চ, অঞ্ঞমঞ্ঞে দ্ৰে, নিস্সযে সত্ত, উপনিস্সযে চত্তারি, পুরেজাতে দ্ৰে, পচ্ছাজাতে দ্ৰে, আসেৰনে একং, কম্মে চত্তারি, ৰিপাকে চত্তারি, আহারে চত্তারি…পে… মগ্গে চত্তারি, সম্পযুত্তে দ্ৰে, ৰিপ্পযুত্তে তীণি, অত্থিযা সত্ত…পে… অৰিগতে সত্ত (সংখিত্তং).

(যথা কুসলত্তিকে পঞ্হাৰারস্স অনুলোমম্পি পচ্চনীযম্পি অনুলোমপচ্চনীযম্পি পচ্চনীযানুলোমম্পি গণিতং, এৰং গণেতব্বং.)

লোকিযদুককুসলত্তিকং নিট্ঠিতং.