১-৭. পটিচ্চৰারাদি

পচ্চযচতুক্কং

হেতুপচ্চযো

৪৩. লোকিযং কুসলং ধম্মং পটিচ্চ লোকিযো কুসলো ধম্মো উপ্পজ্জতি হেতুপচ্চযা. (১)

লোকুত্তরং কুসলং ধম্মং পটিচ্চ লোকুত্তরো কুসলো ধম্মো উপ্পজ্জতি হেতুপচ্চযা. (১)

লোকিযং কুসলং ধম্মং পটিচ্চ লোকিযো কুসলো ধম্মো উপ্পজ্জতি আরম্মণপচ্চযা. (১)

লোকুত্তরং কুসলং ধম্মং পটিচ্চ লোকুত্তরো কুসলো ধম্মো উপ্পজ্জতি আরম্মণপচ্চযা. (১) (সংখিত্তং.)

৪৪. হেতুযা দ্ৰে, আরম্মণে দ্ৰে, অধিপতিযা দ্ৰে…পে… কম্মে দ্ৰে…পে… অৰিগতে দ্ৰে (সংখিত্তং, অনুলোমং).

৪৫. নঅধিপতিযা দ্ৰে…পে… নআসেৰনে একং…পে… নৰিপ্পযুত্তে দ্ৰে (সংখিত্তং).

(সহজাতৰারোপি পচ্চযৰারোপি নিস্সযৰারোপি সংসট্ঠৰারোপি সম্পযুত্তৰারোপি পটিচ্চৰারসদিসা ৰিত্থারেতব্বা.)

পচ্চযচতুক্কং

হেতুপচ্চযাদি

৪৬. লোকিযো কুসলো ধম্মো লোকিযস্স কুসলস্স ধম্মস্স হেতুপচ্চযেন পচ্চযো. (১)

লোকুত্তরো কুসলো ধম্মো লোকুত্তরস্স কুসলস্স ধম্মস্স হেতুপচ্চযেন পচ্চযো. (১)

লোকিযো কুসলো ধম্মো লোকিযস্স কুসলস্স ধম্মস্স আরম্মণপচ্চযেন পচ্চযো. (১)

লোকুত্তরো কুসলো ধম্মো লোকিযস্স কুসলস্স ধম্মস্স আরম্মণপচ্চযেন পচ্চযো. (১)

লোকিযো কুসলো ধম্মো লোকিযস্স কুসলস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. (১)

লোকুত্তরো কুসলো ধম্মো লোকুত্তরস্স কুসলস্স ধম্মস্স অধিপতিপচ্চযেন পচ্চযো – সহজাতাধিপতি. লোকুত্তরো কুসলো ধম্মো লোকিযস্স কুসলস্স ধম্মস্স অধিপতিপচ্চযেন পচ্চযো – আরম্মণাধিপতি. (২) (সংখিত্তং.)

৪৭. হেতুযা দ্ৰে, আরম্মণে দ্ৰে, অধিপতিযা তীণি, অনন্তরে দ্ৰে, সমনন্তরে দ্ৰে, সহজাতে দ্ৰে…পে… উপনিস্সযে চত্তারি, আসেৰনে দ্ৰে, কম্মে দ্ৰে, আহারে দ্ৰে…পে… অৰিগতে দ্ৰে (সংখিত্তং.)