৭. পঞ্হাৰারো

পচ্চযচতুক্কং

হেতুপচ্চযাদি

২১. অনিদস্সনো অব্যাকতো ধম্মো অনিদস্সনস্স অব্যাকতস্স ধম্মস্স হেতুপচ্চযেন পচ্চযো… তীণি.

সনিদস্সনো অব্যাকতো ধম্মো অনিদস্সনস্স অব্যাকতস্স ধম্মস্স আরম্মণপচ্চযেন পচ্চযো. (১)

অনিদস্সনো অব্যাকতো ধম্মো অনিদস্সনস্স অব্যাকতস্স ধম্মস্স আরম্মণপচ্চযেন পচ্চযো. (১)

সনিদস্সনো অব্যাকতো ধম্মো অনিদস্সনস্স অব্যাকতস্স ধম্মস্স অধিপতিপচ্চযেন পচ্চযো – আরম্মণাধিপতি. (১)

অনিদস্সনো অব্যাকতো ধম্মো অনিদস্সনস্স অব্যাকতস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. অনিদস্সনো অব্যাকতো ধম্মো সনিদস্সনস্স অব্যাকতস্স চ অনিদস্সনস্স অব্যাকতস্স চ ধম্মস্স অধিপতিপচ্চযেন পচ্চযো – সহজাতাধিপতি. (২)

সনিদস্সনো অব্যাকতো ধম্মো অনিদস্সনস্স অব্যাকতস্স ধম্মস্স উপনিস্সযপচ্চযেন পচ্চযো – পকতূপনিস্সযো. (১)

অনিদস্সনো অব্যাকতো ধম্মো অনিদস্সনস্স অব্যাকতস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. (১) (সংখিত্তং.)

২২. পুরেজাতে তীণি, পচ্ছাজাতে তীণি, আসেৰনে একং, কম্মে তীণি, ৰিপাকে তীণি, (সব্বত্থ তীণি) সম্পযুত্তে একং, ৰিপ্পযুত্তে তীণি, অত্থিযা পঞ্চ, নত্থিযা একং…পে… অৰিগতে পঞ্চ. (সংখিত্তং.)

সনিদস্সনদুককুসলত্তিকং নিট্ঠিতং.

(অপ্পচ্চযম্পি অসঙ্খতম্পি সনিদস্সনম্পি ন লব্ভতি.)