৭. পঞ্হাৰারো

পচ্চযচতুক্কং

হেতু-আরম্মণপচ্চযাদি

১৩. সহেতুকো অকুসলো ধম্মো সহেতুকস্স অকুসলস্স ধম্মস্স হেতুপচ্চযেন পচ্চযো… দ্ৰে.

সহেতুকো অকুসলো ধম্মো সহেতুকস্স অকুসলস্স ধম্মস্স আরম্মণপচ্চযেন পচ্চযো… তীণি.

অহেতুকো অকুসলো ধম্মো অহেতুকস্স অকুসলস্স ধম্মস্স আরম্মণপচ্চযেন পচ্চযো… তীণি.

সহেতুকো অকুসলো চ অহেতুকো অকুসলো চ ধম্মা সহেতুকস্স অকুসলস্স ধম্মস্স আরম্মণপচ্চযেন পচ্চযো… তীণি.

সহেতুকো অকুসলো ধম্মো সহেতুকস্স অকুসলস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি (সংখিত্তং).

১৪. হেতুযা দ্ৰে, আরম্মণে নৰ, অধিপতিযা একং, অনন্তরে নৰ, সমনন্তরে নৰ, সহজাতে পঞ্চ, অঞ্ঞমঞ্ঞে পঞ্চ, নিস্সযে পঞ্চ, উপনিস্সযে নৰ, আসেৰনে নৰ, কম্মে তীণি, আহারে তীণি, ইন্দ্রিযে তীণি, ঝানে তীণি, মগ্গে তীণি, সম্পযুত্তে পঞ্চ, অত্থিযা পঞ্চ, নত্থিযা নৰ, ৰিগতে নৰ, অৰিগতে পঞ্চ (সংখিত্তং).

পচ্চনীযুদ্ধারো

১৫. সহেতুকো অকুসলো ধম্মো সহেতুকস্স অকুসলস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো (সংখিত্তং).

১৬. নহেতুযা নৰ, নআরম্মণে নৰ (সংখিত্তং).

হেতুপচ্চযা নআরম্মণে দ্ৰে (সংখিত্তং).

নহেতুপচ্চযা আরম্মণে নৰ (সংখিত্তং).

(যথা কুসলত্তিকে পঞ্হাৰারস্স অনুলোমম্পি পচ্চনীযম্পি অনুলোমপচ্চনীযম্পি পচ্চনীযানুলোমম্পি গণিতং, এৰং গণেতব্বং.)