১-৬. পটিচ্চৰারাদি

পচ্চযচতুক্কং

হেতুপচ্চযো

৯৭. নহেতুং সহেতুকং অব্যাকতং ধম্মং পটিচ্চ নহেতু সহেতুকো অব্যাকতো ধম্মো উপ্পজ্জতি হেতুপচ্চযা. নহেতুং সহেতুকং অব্যাকতং ধম্মং পটিচ্চ নহেতু অহেতুকো অব্যাকতো ধম্মো উপ্পজ্জতি হেতুপচ্চযা. নহেতুং সহেতুকং অব্যাকতং ধম্মং পটিচ্চ নহেতু সহেতুকো অব্যাকতো চ নহেতু অহেতুকো অব্যাকতো চ ধম্মা উপ্পজ্জন্তি হেতুপচ্চযা. (৩)

নহেতুং অহেতুকং অব্যাকতং ধম্মং পটিচ্চ নহেতু অহেতুকো অব্যাকতো ধম্মো উপ্পজ্জতি হেতুপচ্চযা… তীণি.

নহেতুং সহেতুকং অব্যাকতঞ্চ নহেতুং অহেতুকং অব্যাকতঞ্চ ধম্মং পটিচ্চ নহেতু সহেতুকো অব্যাকতো ধম্মো উপ্পজ্জতি হেতুপচ্চযা… তীণি (সংখিত্তং).

৯৮. হেতুযা নৰ, আরম্মণে চত্তারি, অধিপতিযা পঞ্চ…পে… পুরেজাতে আসেৰনে দ্ৰে, কম্মে নৰ, ৰিপাকে নৰ…পে… অৰিগতে নৰ (সংখিত্তং).

নহেতুপচ্চযো

৯৯. নহেতুং অহেতুকং অব্যাকতং ধম্মং পটিচ্চ নহেতু অহেতুকো অব্যাকতো ধম্মো উপ্পজ্জতি নহেতুপচ্চযা (সংখিত্তং).

১০০. নহেতুযা একং, নআরম্মণে তীণি, নঅধিপতিযা নৰ, নঅনন্তরে তীণি, নসমনন্তরে তীণি, নঅঞ্ঞমঞ্ঞে তীণি, নউপনিস্সযে তীণি, নপুরেজাতে নৰ, নপচ্ছাজাতে নৰ, নআসেৰনে নৰ, নকম্মে দ্ৰে, নৰিপাকে পঞ্চ, নআহারে একং, নইন্দ্রিযে একং, নঝানে একং, নমগ্গে একং, নসম্পযুত্তে তীণি, নৰিপ্পযুত্তে দ্ৰে, নোনত্থিযা তীণি, নোৰিগতে তীণি (সংখিত্তং).

হেতুপচ্চযা নআরম্মণে তীণি (সংখিত্তং).

নহেতুপচ্চযা আরম্মণে একং (সংখিত্তং).

(সহজাতৰারোপি পচ্চযৰারোপি নিস্সযৰারোপি সংসট্ঠৰারোপি সম্পযুত্তৰারোপি পটিচ্চৰারসদিসা ৰিত্থারেতব্বা.)