৭. পঞ্হাৰারো

পচ্চযচতুক্কং

হেতুপচ্চযো

৫১. হেতু চেৰ সহেতুকো চ কুসলো ধম্মো হেতুস্স চেৰ সহেতুকস্স চ কুসলস্স ধম্মস্স হেতুপচ্চযেন পচ্চযো (সংখিত্তং).

৫২. হেতুযা তীণি, আরম্মণে নৰ, অধিপতিযা নৰ, অনন্তরে নৰ, সমনন্তরে নৰ, সহজাতে নৰ, অঞ্ঞমঞ্ঞে নৰ, নিস্সযে নৰ, উপনিস্সযে নৰ, আসেৰনে নৰ, কম্মে তীণি, আহারে তীণি…পে… অৰিগতে নৰ (সংখিত্তং).

পচ্চনীযুদ্ধারো

৫৩. হেতু চেৰ সহেতুকো চ কুসলো ধম্মো হেতুস্স চেৰ সহেতুকস্স চ কুসলস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো (সংখিত্তং).

৫৪. নহেতুযা নৰ, নআরম্মণে নৰ (সংখিত্তং).

হেতুপচ্চযা নআরম্মণে তীণি (সংখিত্তং).

নহেতুপচ্চযা আরম্মণে নৰ (সংখিত্তং).

(যথা কুসলত্তিকে পঞ্হাৰারস্স অনুলোমম্পি পচ্চনীযম্পি অনুলোমপচ্চনীযম্পি পচ্চনীযানুলোমম্পি গণিতং, এৰং গণেতব্বং.)