১-৬. পটিচ্চৰারাদি

পচ্চযচতুক্কং

হেতু-আরম্মণপচ্চযা

৩১. হেতুসম্পযুত্তং অকুসলং ধম্মং পটিচ্চ হেতুসম্পযুত্তো অকুসলো ধম্মো উপ্পজ্জতি হেতুপচ্চযা. (১)

হেতুৰিপ্পযুত্তং অকুসলং ধম্মং পটিচ্চ হেতুসম্পযুত্তো অকুসলো ধম্মো উপ্পজ্জতি হেতুপচ্চযা. (১)

হেতুসম্পযুত্তং অকুসলঞ্চ হেতুৰিপ্পযুত্তং অকুসলঞ্চ ধম্মং পটিচ্চ হেতুসম্পযুত্তো অকুসলো ধম্মো উপ্পজ্জতি হেতুপচ্চযা. (১)

হেতুসম্পযুত্তং অকুসলং ধম্মং পটিচ্চ হেতুসম্পযুত্তো অকুসলো ধম্মো উপ্পজ্জতি আরম্মণপচ্চযা… তীণি. (৩)

হেতুৰিপ্পযুত্তং অকুসলং ধম্মং পটিচ্চ হেতুসম্পযুত্তো অকুসলো ধম্মো উপ্পজ্জতি আরম্মণপচ্চযা. (১)

হেতুসম্পযুত্তং অকুসলঞ্চ হেতুৰিপ্পযুত্তং অকুসলঞ্চ ধম্মং পটিচ্চ হেতুসম্পযুত্তো অকুসলো ধম্মো উপ্পজ্জতি আরম্মণপচ্চযা. (১)

হেতুসম্পযুত্তং অকুসলং ধম্মং পটিচ্চ হেতুসম্পযুত্তো অকুসলো ধম্মো উপ্পজ্জতি অধিপতিপচ্চযা (সংখিত্তং).

৩২. হেতুযা তীণি, আরম্মণে পঞ্চ, অধিপতিযা একং, অনন্তরে পঞ্চ, সমনন্তরে পঞ্চ, সহজাতে পঞ্চ, অঞ্ঞমঞ্ঞে পঞ্চ, নিস্সযে পঞ্চ, উপনিস্সযে পঞ্চ, পুরেজাতে পঞ্চ, আসেৰনে পঞ্চ, কম্মে পঞ্চ, আহারে পঞ্চ, ইন্দ্রিযে পঞ্চ, ঝানে পঞ্চ, মগ্গে পঞ্চ, সম্পযুত্তে পঞ্চ, ৰিপ্পযুত্তে পঞ্চ, অত্থিযা পঞ্চ…পে… অৰিগতে পঞ্চ (সংখিত্তং).

নহেতু-নঅধিপতিপচ্চযা

৩৩. হেতুসম্পযুত্তং অকুসলং ধম্মং পটিচ্চ হেতুৰিপ্পযুত্তো অকুসলো ধম্মো উপ্পজ্জতি নহেতুপচ্চযা. (১)

হেতুসম্পযুত্তং অকুসলং ধম্মং পটিচ্চ হেতুসম্পযুত্তো অকুসলো ধম্মো উপ্পজ্জতি নঅধিপতিপচ্চযা (সংখিত্তং).

৩৪. নহেতুযা একং, নঅধিপতিযা পঞ্চ, নপুরেজাতে পঞ্চ, নপচ্ছাজাতে পঞ্চ, নআসেৰনে পঞ্চ, নকম্মে তীণি, নৰিপাকে পঞ্চ, নৰিপ্পযুত্তে পঞ্চ (সংখিত্তং).

হেতুপচ্চযা নঅধিপতিযা তীণি (সংখিত্তং).

নহেতুপচ্চযা আরম্মণে একং (সংখিত্তং).

(সহজাতৰারোপি পচ্চযৰারোপি নিস্সযৰারোপি সংসট্ঠৰারোপি সম্পযুত্তৰারোপি পটিচ্চৰারসদিসা ৰিত্থারেতব্বা.)