১-৭. পটিচ্চৰারাদি

হেতুপচ্চযো

১৩২. অনিদস্সনঅপ্পটিঘং সরণং ধম্মং পটিচ্চ অনিদস্সনঅপ্পটিঘো সরণো ধম্মো উপ্পজ্জতি হেতুপচ্চযা (সব্বত্থ একং).

অনিদস্সনঅপ্পটিঘং অরণং ধম্মং পটিচ্চ অনিদস্সনঅপ্পটিঘো অরণো ধম্মো উপ্পজ্জতি হেতুপচ্চযা… সত্ত (সংখিত্তং).

১৩৩. হেতুযা একৰীস…পে… অৰিগতে একৰীস (সংখিত্তং). (সহজাতৰারম্পি…পে… সম্পযুত্তৰারম্পি পটিচ্চৰারসদিসং).

১৩৪. অনিদস্সনঅপ্পটিঘো অরণো ধম্মো অনিদস্সনঅপ্পটিঘস্স অরণস্স ধম্মস্স হেতুপচ্চযেন পচ্চযো (সংখিত্তং).

হেতুযা সত্ত, আরম্মণে তীণি…পে… অৰিগতে পঞ্চৰীস (সংখিত্তং).

(যথা কুসলত্তিকে পঞ্হাৰারং, এৰং ৰিত্থারেতব্বং.)

সনিদস্সনত্তিকসরণদুকং নিট্ঠিতং.

ধম্মানুলোমে তিকদুকপট্ঠানং নিট্ঠিতং.

চতুত্থো ভাগো নিট্ঠিতো.