১-৭. পটিচ্চৰারাদি

পচ্চযচতুক্কং

হেতুপচ্চযো

৪১. কুসলং পরিযাপন্নং ধম্মং পটিচ্চ কুসলো পরিযাপন্নো ধম্মো উপ্পজ্জতি হেতুপচ্চযা… তীণি.

অকুসলং পরিযাপন্নং ধম্মং পটিচ্চ অকুসলো পরিযাপন্নো ধম্মো উপ্পজ্জতি হেতুপচ্চযা… তীণি.

অব্যাকতং পরিযাপন্নং ধম্মং পটিচ্চ অব্যাকতো পরিযাপন্নো ধম্মো উপ্পজ্জতি হেতুপচ্চযা. (১)

কুসলং পরিযাপন্নঞ্চ অব্যাকতং পরিযাপন্নঞ্চ ধম্মং পটিচ্চ অব্যাকতো পরিযাপন্নো ধম্মো উপ্পজ্জতি হেতুপচ্চযা. (১)

অকুসলং পরিযাপন্নঞ্চ অব্যাকতং পরিযাপন্নঞ্চ ধম্মং পটিচ্চ অব্যাকতো পরিযাপন্নো ধম্মো উপ্পজ্জতি হেতুপচ্চযা. (১) (সংখিত্তং.)

৪২. হেতুযা নৰ, আরম্মণে তীণি…পে… ৰিপাকে একং…পে… অৰিগতে নৰ (সংখিত্তং. সহজাতৰারম্পি…পে… সম্পযুত্তৰারম্পি পটিচ্চৰারসদিসং).

৪৩. কুসলো পরিযাপন্নো ধম্মো কুসলস্স পরিযাপন্নস্স ধম্মস্স হেতুপচ্চযেন পচ্চযো… তীণি.

অকুসলো পরিযাপন্নো ধম্মো অকুসলস্স পরিযাপন্নস্স ধম্মস্স হেতুপচ্চযেন পচ্চযো… তীণি.

অব্যাকতো পরিযাপন্নো ধম্মো অব্যাকতস্স পরিযাপন্নস্স ধম্মস্স হেতুপচ্চযেন পচ্চযো. (১) (সংখিত্তং.)

৪৪. হেতুযা সত্ত, আরম্মণে নৰ, অধিপতিযা নৰ…পে… অৰিগতে তেরস (সংখিত্তং. যথা কুসলত্তিকে পঞ্হাৰারং, এৰং ৰিত্থারেতব্বং).

অপরিযাপন্নপদং

হেতু-আরম্মণপচ্চযা

৪৫. কুসলং অপরিযাপন্নং ধম্মং পটিচ্চ কুসলো অপরিযাপন্নো ধম্মো উপ্পজ্জতি হেতুপচ্চযা. (১)

অব্যাকতং অপরিযাপন্নং ধম্মং পটিচ্চ অব্যাকতো অপরিযাপন্নো ধম্মো উপ্পজ্জতি হেতুপচ্চযা. (১) (সংখিত্তং.)

হেতুযা দ্ৰে, আরম্মণে দ্ৰে…পে… অৰিগতে দ্ৰে (সংখিত্তং.) (সহজাতৰারম্পি…পে… সম্পযুত্তৰারম্পি পটিচ্চৰারসদিসং).

৪৬. কুসলো অপরিযাপন্নো ধম্মো কুসলস্স অপরিযাপন্নস্স ধম্মস্স হেতুপচ্চযেন পচ্চযো. (১)

অব্যাকতো অপরিযাপন্নো ধম্মো অব্যাকতস্স অপরিযাপন্নস্স ধম্মস্স হেতুপচ্চযেন পচ্চযো. (১)

অব্যাকতো অপরিযাপন্নো ধম্মো অব্যাকতস্স অপরিযাপন্নস্স ধম্মস্স আরম্মণপচ্চযেন পচ্চযো. অব্যাকতো অপরিযাপন্নো ধম্মো কুসলস্স অপরিযাপন্নস্স ধম্মস্স আরম্মণপচ্চযেন পচ্চযো. (২)

৪৭. হেতুযা দ্ৰে, আরম্মণে দ্ৰে, অধিপতিযা তীণি, অনন্তরে দ্ৰে…পে… উপনিস্সযে চত্তারি…পে… অৰিগতে দ্ৰে. (সংখিত্তং.)

(যথা কুসলত্তিকে পঞ্হাৰারং, এৰং ৰিত্থারেতব্বং.)