১-৭. পটিচ্চৰারাদি

পচ্চযচতুক্কং

হেতুপচ্চযো

৩৫. কুসলং রূপাৰচরং ধম্মং পটিচ্চ কুসলো রূপাৰচরো ধম্মো উপ্পজ্জতি হেতুপচ্চযা. (১)

অব্যাকতং রূপাৰচরং ধম্মং পটিচ্চ অব্যাকতো রূপাৰচরো ধম্মো উপ্পজ্জতি হেতুপচ্চযা. (১) (সংখিত্তং.)

হেতুযা দ্ৰে…পে… অৰিগতে দ্ৰে (সংখিত্তং).

(সহজাতৰারম্পি…পে… পঞ্হাৰারম্পি ৰিত্থারেতব্বং.)

৩৬. কুসলং নরূপাৰচরং ধম্মং পটিচ্চ কুসলো নরূপাৰচরো ধম্মো উপ্পজ্জতি হেতুপচ্চযা… তীণি.

অকুসলং নরূপাৰচরং ধম্মং পটিচ্চ অকুসলো নরূপাৰচরো ধম্মো উপ্পজ্জতি হেতুপচ্চযা… তীণি.

অব্যাকতং নরূপাৰচরং ধম্মং পটিচ্চ অব্যাকতো নরূপাৰচরো ধম্মো উপ্পজ্জতি হেতুপচ্চযা. (১)

কুসলং নরূপাৰচরঞ্চ অব্যাকতং নরূপাৰচরঞ্চ ধম্মং পটিচ্চ অব্যাকতো নরূপাৰচরো ধম্মো উপ্পজ্জতি হেতুপচ্চযা. (১)

অকুসলং নরূপাৰচরঞ্চ অব্যাকতং নরূপাৰচরঞ্চ ধম্মং পটিচ্চ অব্যাকতো নরূপাৰচরো ধম্মো উপ্পজ্জতি হেতুপচ্চযা. (১) (সংখিত্তং.)

৩৭. হেতুযা নৰ, আরম্মণে তীণি…পে… অৰিগতে নৰ (সংখিত্তং. সহজাতৰারম্পি…পে… সম্পযুত্তৰারম্পি পটিচ্চৰারসদিসং).

৩৮. কুসলো নরূপাৰচরো ধম্মো কুসলস্স নরূপাৰচরস্স ধম্মস্স হেতুপচ্চযেন পচ্চযো… তীণি.

অকুসলো নরূপাৰচরো ধম্মো অকুসলস্স নরূপাৰচরস্স ধম্মস্স হেতুপচ্চযেন পচ্চযো… তীণি.

অব্যাকতো নরূপাৰচরো ধম্মো অব্যাকতস্স নরূপাৰচরস্স ধম্মস্স হেতুপচ্চযেন পচ্চযো. (১) (সংখিত্তং.)

৩৯. হেতুযা সত্ত, আরম্মণে নৰ…পে… অৰিগতে তেরস (সংখিত্তং. যথা কুসলত্তিকে পঞ্হাৰারং, এৰং ৰিত্থারেতব্বং).