১-৭. পটিচ্চৰারাদি

২০. কুসলং সপ্পীতিকং ধম্মং পটিচ্চ কুসলো সপ্পীতিকো ধম্মো উপ্পজ্জতি হেতুপচ্চযা. (১)

অকুসলং সপ্পীতিকং ধম্মং পটিচ্চ অকুসলো সপ্পীতিকো ধম্মো উপ্পজ্জতি হেতুপচ্চযা. (১)

অব্যাকতং সপ্পীতিকং ধম্মং পটিচ্চ অব্যাকতো সপ্পীতিকো ধম্মো উপ্পজ্জতি হেতুপচ্চযা. (১) (সংখিত্তং.)

২১. হেতুযা তীণি, আরম্মণে তীণি…পে… অৰিগতে তীণি (সংখিত্তং. সহজাতৰারম্পি…পে… সম্পযুত্তৰারম্পি পটিচ্চৰারসদিসং).

২২. কুসলো সপ্পীতিকো ধম্মো কুসলস্স সপ্পীতিকস্স ধম্মস্স হেতুপচ্চযেন পচ্চযো. (১)

অকুসলো সপ্পীতিকো ধম্মো অকুসলস্স সপ্পীতিকস্স ধম্মস্স হেতুপচ্চযেন পচ্চযো. (১)

অব্যাকতো সপ্পীতিকো ধম্মো অব্যাকতস্স সপ্পীতিকস্স ধম্মস্স হেতুপচ্চযেন পচ্চযো. (১) (সংখিত্তং.)

২৩. হেতুযা তীণি, আরম্মণে নৰ…পে… অৰিগতে তীণি (সংখিত্তং).

২৪. কুসলং অপ্পীতিকং ধম্মং পটিচ্চ কুসলো অপ্পীতিকো ধম্মো উপ্পজ্জতি হেতুপচ্চযা… তীণি.

অকুসলং অপ্পীতিকং ধম্মং পটিচ্চ অকুসলো অপ্পীতিকো ধম্মো উপ্পজ্জতি হেতুপচ্চযা… তীণি.

অব্যাকতং অপ্পীতিকং ধম্মং পটিচ্চ অব্যাকতো অপ্পীতিকো ধম্মো উপ্পজ্জতি হেতুপচ্চযা. (১)

কুসলং অপ্পীতিকঞ্চ অব্যাকতং অপ্পীতিকঞ্চ ধম্মং পটিচ্চ অব্যাকতো অপ্পীতিকো ধম্মো উপ্পজ্জতি হেতুপচ্চযা. (১)

অকুসলং অপ্পীতিকঞ্চ অব্যাকতং অপ্পীতিকঞ্চ ধম্মং পটিচ্চ অব্যাকতো অপ্পীতিকো ধম্মো উপ্পজ্জতি হেতুপচ্চযা. (১) (সংখিত্তং.)

২৫. হেতুযা নৰ, আরম্মণে তীণি…পে… অৰিগতে নৰ (সংখিত্তং. সহজাতৰারম্পি…পে… সম্পযুত্তৰারম্পি পটিচ্চৰারসদিসং).

২৬. কুসলো অপ্পীতিকো ধম্মো কুসলস্স অপ্পীতিকস্স ধম্মস্স হেতুপচ্চযেন পচ্চযো (সংখিত্তং).

হেতুযা সত্ত, আরম্মণে নৰ…পে… অৰিগতে তেরস (সংখিত্তং. যথা কুসলত্তিকে পঞ্হাৰারং, এৰং ৰিত্থারেতব্বং).