১. ৰিভঙ্গৰারো

হেতুপচ্চযো

৮০. কিলেসঞ্চেৰ সংকিলিট্ঠঞ্চ ধম্মং পটিচ্চ কিলেসো চেৰ সংকিলিট্ঠো চ ধম্মো উপ্পজ্জতি হেতুপচ্চযা – লোভং পটিচ্চ মোহো দিট্ঠি থিনং উদ্ধচ্চং অহিরিকং অনোত্তপ্পং (চক্কং). (১)

কিলেসঞ্চেৰ সংকিলিট্ঠঞ্চ ধম্মং পটিচ্চ সংকিলিট্ঠো চেৰ নো চ কিলেসো ধম্মো উপ্পজ্জতি হেতুপচ্চযা – কিলেসে পটিচ্চ সম্পযুত্তকা খন্ধা. (২)

কিলেসঞ্চেৰ সংকিলিট্ঠঞ্চ ধম্মং পটিচ্চ কিলেসো চেৰ সংকিলিট্ঠো চ সংকিলিট্ঠো চেৰ নো চ কিলেসো চ ধম্মা উপ্পজ্জন্তি হেতুপচ্চযা – লোভং পটিচ্চ মোহো দিট্ঠি থিনং উদ্ধচ্চং অহিরিকং অনোত্তপ্পং সম্পযুত্তকা চ খন্ধা (চক্কং). (৩)

৮১. সংকিলিট্ঠঞ্চেৰ নো চ কিলেসং ধম্মং পটিচ্চ সংকিলিট্ঠো চেৰ নো চ কিলেসো ধম্মো উপ্পজ্জতি হেতুপচ্চযা – সংকিলিট্ঠঞ্চেৰ নো চ কিলেসং একং খন্ধং পটিচ্চ তযো খন্ধা…পে… দ্ৰে খন্ধে…পে…. (১)

সংকিলিট্ঠঞ্চেৰ নো চ কিলেসং ধম্মং পটিচ্চ কিলেসো চেৰ সংকিলিট্ঠো চ ধম্মো উপ্পজ্জতি হেতুপচ্চযা – সংকিলিট্ঠে চেৰ নো চ কিলেসে খন্ধে পটিচ্চ কিলেসা. (২)

সংকিলিট্ঠঞ্চেৰ নো চ কিলেসং ধম্মং পটিচ্চ কিলেসো চেৰ সংকিলিট্ঠো চ সংকিলিট্ঠো চেৰ নো চ কিলেসো চ ধম্মা উপ্পজ্জন্তি হেতুপচ্চযা – সংকিলিট্ঠঞ্চেৰ নো চ কিলেসং একং খন্ধং পটিচ্চ তযো খন্ধা কিলেসা চ…পে… দ্ৰে খন্ধে…পে…. (৩)

৮২. কিলেসঞ্চেৰ সংকিলিট্ঠঞ্চ সংকিলিট্ঠঞ্চেৰ নো চ কিলেসঞ্চ ধম্মং পটিচ্চ কিলেসো চেৰ সংকিলিট্ঠো চ ধম্মো উপ্পজ্জতি হেতুপচ্চযা – লোভঞ্চ সম্পযুত্তকে চ খন্ধে পটিচ্চ মোহো দিট্ঠি থিনং উদ্ধচ্চং অহিরিকং অনোত্তপ্পং (চক্কং). (১)

কিলেসঞ্চেৰ সংকিলিট্ঠঞ্চ সংকিলিট্ঠঞ্চেৰ নো চ কিলেসঞ্চ ধম্মং পটিচ্চ সংকিলিট্ঠো চেৰ নো চ কিলেসো ধম্মো উপ্পজ্জতি হেতুপচ্চযা – সংকিলিট্ঠঞ্চেৰ নো চ কিলেসং একং খন্ধঞ্চ কিলেসে চ পটিচ্চ তযো খন্ধা…পে… দ্ৰে খন্ধে চ…পে…. (২)

কিলেসঞ্চেৰ সংকিলিট্ঠঞ্চ সংকিলিট্ঠঞ্চেৰ নো চ কিলেসঞ্চ ধম্মং পটিচ্চ কিলেসো চেৰ সংকিলিট্ঠো চ সংকিলিট্ঠো চেৰ নো চ কিলেসো চ ধম্মা উপ্পজ্জন্তি হেতুপচ্চযা – সংকিলিট্ঠঞ্চেৰ নো চ কিলেসং একং খন্ধঞ্চ লোভঞ্চ পটিচ্চ তযো খন্ধা মোহো দিট্ঠি থিনং উদ্ধচ্চং অহিরিকং অনোত্তপ্পং…পে… দ্ৰে খন্ধে চ…পে… (চক্কং). (৩)