১. ৰিভঙ্গৰারো

হেতুপচ্চযো

৭৫. কিলেসো চেৰ সংকিলেসিকো চ ধম্মো কিলেসস্স চেৰ সংকিলেসিকস্স চ ধম্মস্স হেতুপচ্চযেন পচ্চযো – কিলেসা চেৰ সংকিলেসিকা চ হেতূ সম্পযুত্তকানং কিলেসানং হেতুপচ্চযেন পচ্চযো (এৰং চত্তারি, কিলেসদুকসদিসং.) (৪)

আরম্মণপচ্চযো

৭৬. কিলেসো চেৰ সংকিলেসিকো চ ধম্মো কিলেসস্স চেৰ সংকিলেসিকস্স চ ধম্মস্স আরম্মণপচ্চযেন পচ্চযো – কিলেসে আরব্ভ কিলেসা উপ্পজ্জন্তি. (মূলং কাতব্বং.) কিলেসে আরব্ভ সংকিলেসিকা চেৰ নো চ কিলেসা খন্ধা উপ্পজ্জন্তি. (মূলং কাতব্বং.) কিলেসে আরব্ভ কিলেসা চ সম্পযুত্তকা চ খন্ধা উপ্পজ্জন্তি. (৩)

৭৭. সংকিলেসিকো চেৰ নো চ কিলেসো ধম্মো সংকিলেসিকস্স চেৰ নো চ কিলেসস্স ধম্মস্স আরম্মণপচ্চযেন পচ্চযো – দানং…পে… সীলং…পে… উপোসথকম্মং…পে… পুব্বে সুচিণ্ণানি…পে… ঝানা ৰুট্ঠহিত্ৰা ঝানং পচ্চৰেক্খতি, অস্সাদেতি অভিনন্দতি, তং আরব্ভ রাগো উপ্পজ্জতি…পে… উদ্ধচ্চং উপ্পজ্জতি, ঝানে পরিহীনে ৰিপ্পটিসারিস্স দোমনস্সং উপ্পজ্জতি; অরিযা গোত্রভুং পচ্চৰেক্খন্তি, ৰোদানং পচ্চৰেক্খন্তি, চক্খুং…পে… ৰত্থুং সংকিলেসিকে চেৰ নো চ কিলেসে খন্ধে অনিচ্চতো…পে… দোমনস্সং উপ্পজ্জতি; দিব্বেন চক্খুনা রূপং পস্সতি…পে… আৰজ্জনায আরম্মণপচ্চযেন পচ্চযো (ইতরে দ্ৰে কিলেসদুকসদিসা, ঘটনারম্মণাপি কিলেসদুকসদিসা).

অধিপতিপচ্চযো

৭৮. কিলেসো চেৰ সংকিলেসিকো চ ধম্মো কিলেসস্স চেৰ সংকিলেসিকস্স চ ধম্মস্স অধিপতিপচ্চযেন পচ্চযো – আরম্মণাধিপতি… তীণি.

সংকিলেসিকো চেৰ নো চ কিলেসো ধম্মো সংকিলেসিকস্স চেৰ নো চ কিলেসস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং…পে… সীলং…পে… উপোসথকম্মং…পে… পুব্বে সুচিণ্ণানি…পে… ঝানা ৰুট্ঠহিত্ৰা ঝানং গরুং কত্ৰা পচ্চৰেক্খতি, সেক্খা গোত্রভুং গরুং কত্ৰা পচ্চৰেক্খন্তি, ৰোদানং গরুং কত্ৰা পচ্চৰেক্খন্তি; চক্খুং…পে… ৰত্থুং সংকিলেসিকে চেৰ নো চ কিলেসে খন্ধে গরুং কত্ৰা সংকিলেসিকা চেৰ নো চ কিলেসা খন্ধা উপ্পজ্জন্তি. সহজাতাধিপতি – সংকিলেসিকা চেৰ নো চ কিলেসাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (ইতরে দ্ৰেপি কিলেসদুকসদিসা. ঘটনাধিপতিপি.)

অনন্তরপচ্চযাদি

৭৯. কিলেসো চেৰ সংকিলেসিকো চ ধম্মো কিলেসস্স চেৰ সংকিলেসিকস্স চ ধম্মস্স অনন্তরপচ্চযেন পচ্চযো… তীণি (কিলেসদুকসদিসা).

সংকিলেসিকো চেৰ নো চ কিলেসো ধম্মো সংকিলেসিকস্স চেৰ নো চ কিলেসস্স ধম্মস্স অনন্তরপচ্চযেন পচ্চযো – পুরিমা পুরিমা সংকিলেসিকা চেৰ নো চ কিলেসা খন্ধা পচ্ছিমানং পচ্ছিমানং সংকিলেসিকানঞ্চেৰ নো চ কিলেসানং খন্ধানং অনন্তরপচ্চযেন পচ্চযো; অনুলোমং গোত্রভুস্স… অনুলোমং ৰোদানস্স… আৰজ্জনা সংকিলেসিকানঞ্চেৰ নো চ কিলেসানং খন্ধানং অনন্তরপচ্চযেন পচ্চযো.

(ইতরে দ্ৰে অনন্তরা কিলেসদুকসদিসা, নিন্নানাকরণা. ঘটনানন্তরম্পি সব্বে পচ্চযা কিলেসদুকসদিসা, নিন্নানাকরণা. উপনিস্সযে লোকুত্তরং নত্থি, ইদং দুকং কিলেসদুকসদিসং, নিন্নানাকরণং.)

কিলেসসংকিলেসিকদুকং নিট্ঠিতং.