১-৬. পটিচ্চৰারাদি

পচ্চযচতুক্কং

হেতুপচ্চযো

২৫৮. হেতুং দস্সনেন পহাতব্বং ধম্মং পটিচ্চ হেতু দস্সনেন পহাতব্বো ধম্মো উপ্পজ্জতি হেতুপচ্চযা… তীণি.

নহেতুং দস্সনেন পহাতব্বং ধম্মং পটিচ্চ নহেতু দস্সনেন পহাতব্বো ধম্মো উপ্পজ্জতি হেতুপচ্চযা… তীণি.

হেতুং দস্সনেন পহাতব্বঞ্চ নহেতুং দস্সনেন পহাতব্বঞ্চ ধম্মং পটিচ্চ হেতু দস্সনেন পহাতব্বো ধম্মো উপ্পজ্জতি হেতুপচ্চযা… তীণি (সংখিত্তং).

২৫৯. হেতুযা নৰ, আরম্মণে নৰ, অধিপতিযা নৰ…পে… কম্মে নৰ, আহারে নৰ…পে… অৰিগতে নৰ (সংখিত্তং).

নহেতু-নঅধিপতিপচ্চযা

২৬০. নহেতুং দস্সনেন পহাতব্বং ধম্মং পটিচ্চ হেতু দস্সনেন পহাতব্বো ধম্মো উপ্পজ্জতি নহেতুপচ্চযা. (১)

হেতুং দস্সনেন পহাতব্বং ধম্মং পটিচ্চ হেতু দস্সনেন পহাতব্বো ধম্মো উপ্পজ্জতি নঅধিপতিপচ্চযা… নৰ.

২৬১. নহেতুযা একং, নঅধিপতিযা নৰ, নপুরেজাতে নৰ, নপচ্ছাজাতে নৰ, নআসেৰনে নৰ, নকম্মে তীণি, নৰিপাকে নৰ, নৰিপ্পযুত্তে নৰ (সংখিত্তং).

হেতুপচ্চযা নঅধিপতিযা নৰ (সংখিত্তং).

নহেতুপচ্চযা আরম্মণে একং (সংখিত্তং).

(সহজাতৰারোপি পচ্চযৰারোপি নিস্সযৰারোপি সংসট্ঠৰারোপি সম্পযুত্তৰারোপি পটিচ্চৰারসদিসা ৰিত্থারেতব্বা.)