৭. পঞ্হাৰারো

পচ্চযচতুক্কং

হেতু-আরম্মণপচ্চযা

২০৬. হেতু অসংকিলিট্ঠঅসংকিলেসিকো ধম্মো হেতুস্স অসংকিলিট্ঠঅসংকিলেসিকস্স ধম্মস্স হেতুপচ্চযেন পচ্চযো… তীণি.

নহেতু অসংকিলিট্ঠঅসংকিলেসিকো ধম্মো নহেতুস্স অসংকিলিট্ঠঅসংকিলেসিকস্স ধম্মস্স আরম্মণপচ্চযেন পচ্চযো… তীণি (সংখিত্তং).

২০৭. হেতুযা তীণি, আরম্মণে তীণি, অধিপতিযা ছ, অনন্তরে নৰ, সমনন্তরে নৰ, সহজাতে নৰ, অঞ্ঞমঞ্ঞে নৰ, নিস্সযে নৰ, উপনিস্সযে নৰ, কম্মে তীণি, ৰিপাকে নৰ, আহারে তীণি, ইন্দ্রিযে নৰ, ঝানে তীণি, মগ্গে নৰ, সম্পযুত্তে নৰ, অত্থিযা নৰ, নত্থিযা নৰ, ৰিগতে নৰ, অৰিগতে নৰ (সংখিত্তং).

পচ্চনীযুদ্ধারো

২০৮. হেতু অসংকিলিট্ঠঅসংকিলেসিকো ধম্মো হেতুস্স অসংকিলিট্ঠঅসংকিলেসিকস্স ধম্মস্স সহজাতপচ্চযেন পচ্চযো… উপনিস্সযপচ্চযেন পচ্চযো (সংখিত্তং).

২০৯. নহেতুযা নৰ নআরম্মণে নৰ (সংখিত্তং).

হেতুপচ্চযা নআরম্মণে তীণি (সংখিত্তং).

নহেতুপচ্চযা আরম্মণে তীণি (সংখিত্তং).

(যথা কুসলত্তিকে পঞ্হাৰারস্স অনুলোমম্পি পচ্চনীযম্পি অনুলোমপচ্চনীযম্পি পচ্চনীযানুলোমম্পি গণিতং, এৰং গণেতব্বং.)

হেতুদুকসংকিলিট্ঠত্তিকং নিট্ঠিতং.