৭. পঞ্হাৰারো

পচ্চযচতুক্কং

হেতুপচ্চযাদি

১৯৮. হেতু অসংকিলিট্ঠসংকিলেসিকো ধম্মো হেতুস্স অসংকিলিট্ঠসংকিলেসিকস্স ধম্মস্স হেতুপচ্চযেন পচ্চযো… তীণি.

হেতু অসংকিলিট্ঠসংকিলেসিকো ধম্মো হেতুস্স অসংকিলিট্ঠসংকিলেসিকস্স ধম্মস্স আরম্মণপচ্চযেন পচ্চযো… নৰ.

হেতু অসংকিলিট্ঠসংকিলেসিকো ধম্মো হেতুস্স অসংকিলিট্ঠসংকিলেসিকস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি… তীণি.

নহেতু অসংকিলিট্ঠসংকিলেসিকো ধম্মো নহেতুস্স অসংকিলিট্ঠসংকিলেসিকস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি… তীণি.

হেতু অসংকিলিট্ঠসংকিলেসিকো চ নহেতু অসংকিলিট্ঠসংকিলেসিকো চ ধম্মা হেতুস্স অসংকিলিট্ঠসংকিলেসিকস্স ধম্মস্স অধিপতিপচ্চযেন পচ্চযো – আরম্মণাধিপতি… তীণি (সংখিত্তং).

১৯৯. হেতুযা তীণি, আরম্মণে নৰ, অধিপতিযা নৰ, অনন্তরে নৰ, সমনন্তরে নৰ, সহজাতে নৰ, অঞ্ঞমঞ্ঞে নৰ, নিস্সযে নৰ, উপনিস্সযে নৰ, পুরেজাতে তীণি, পচ্ছাজাতে তীণি, আসেৰনে নৰ, কম্মে তীণি, ৰিপাকে নৰ, আহারে তীণি, ইন্দ্রিযে নৰ, ঝানে তীণি, মগ্গে নৰ, সম্পযুত্তে নৰ, ৰিপ্পযুত্তে পঞ্চ, অত্থিযা নৰ, নত্থিযা নৰ, ৰিগতে নৰ, অৰিগতে নৰ (সংখিত্তং).

পচ্চনীযুদ্ধারো

২০০. হেতু অসংকিলিট্ঠসংকিলেসিকো ধম্মো হেতুস্স অসংকিলিট্ঠসংকিলেসিকস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো (সংখিত্তং).

২০১. নহেতুযা নৰ, নআরম্মণে নৰ (সংখিত্তং).

হেতুপচ্চযা নআরম্মণে তীণি (সংখিত্তং).

নহেতুপচ্চযা আরম্মণে নৰ (সংখিত্তং).

(যথা কুসলত্তিকে পঞ্হাৰারস্স অনুলোমম্পি পচ্চনীযম্পি অনুলোমপচ্চনীযম্পি পচ্চনীযানুলোমম্পি গণিতং, এৰং গণেতব্বং.)