৭. পঞ্হাৰারো

পচ্চযচতুক্কং

হেতু-আরম্মণপচ্চযা

১৮১. হেতু অনুপাদিন্নঅনুপাদানিযো ধম্মো হেতুস্স অনুপাদিন্নঅনুপাদানিযস্স ধম্মস্স হেতুপচ্চযেন পচ্চযো… তীণি.

১৮২. নহেতু অনুপাদিন্নঅনুপাদানিযো ধম্মো নহেতুস্স অনুপাদিন্নঅনুপাদানিযস্স ধম্মস্স আরম্মণপচ্চযেন পচ্চযো… তীণি (সংখিত্তং).

১৮৩. হেতুযা তীণি, আরম্মণে তীণি, অধিপতিযা ছ, অনন্তরে নৰ, সমনন্তরে নৰ, সহজাতে নৰ, অঞ্ঞমঞ্ঞে নৰ, নিস্সযে নৰ, উপনিস্সযে নৰ, কম্মে তীণি, ৰিপাকে নৰ, আহারে তীণি, ইন্দ্রিযে নৰ, ঝানে তীণি, মগ্গে নৰ, সম্পযুত্তে নৰ, অত্থিযা নৰ, নত্থিযা নৰ, ৰিগতে নৰ, অৰিগতে নৰ.

পচ্চনীযুদ্ধারো

১৮৪. হেতু অনুপাদিন্নঅনুপাদানিযো ধম্মো হেতুস্স অনুপাদিন্নঅনুপাদানিযস্স ধম্মস্স সহজাতপচ্চযেন পচ্চযো, উপনিস্সযপচ্চযেন পচ্চযো (সংখিত্তং).

১৮৫. নহেতুযা নৰ, নআরম্মণে নৰ (সংখিত্তং).

হেতুপচ্চযা নআরম্মণে তীণি (সংখিত্তং).

নহেতুপচ্চযা আরম্মণে তীণি (সংখিত্তং).

(যথা কুসলত্তিকে পঞ্হাৰারস্স অনুলোমম্পি পচ্চনীযম্পি অনুলোমপচ্চনীযম্পি পচ্চনীযানুলোমম্পি গণিতং, এৰং গণেতব্বং.)

হেতুদুকউপাদিন্নত্তিকং নিট্ঠিতং.