৭. পঞ্হাৰারো

পচ্চযচতুক্কং

হেতুপচ্চযাদি

৫৩৭. হেতু বহিদ্ধারম্মণো ধম্মো হেতুস্স বহিদ্ধারম্মণস্স ধম্মস্স হেতুপচ্চযেন পচ্চযো… তীণি.

হেতু বহিদ্ধারম্মণো ধম্মো হেতুস্স বহিদ্ধারম্মণস্স ধম্মস্স আরম্মণপচ্চযেন পচ্চযো… নৰ.

হেতু বহিদ্ধারম্মণো ধম্মো হেতুস্স বহিদ্ধারম্মণস্স ধম্মস্স অধিপতিপচ্চযেন পচ্চযো – সহজাতাধিপতি… তীণি.

নহেতু বহিদ্ধারম্মণো ধম্মো নহেতুস্স বহিদ্ধারম্মণস্স ধম্মস্স অধিপতিপচ্চযেন পচ্চযো – সহজাতাধিপতি… তীণি (সংখিত্তং).

৫৩৮. হেতুযা তীণি, আরম্মণে নৰ, অধিপতিযা ছ, কম্মে তীণি, ৰিপাকে নৰ, আহারে তীণি…পে… অৰিগতে নৰ (সংখিত্তং).

পচ্চনীযুদ্ধারো

৫৩৯. হেতু বহিদ্ধারম্মণো ধম্মো হেতুস্স বহিদ্ধারম্মণস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো (সংখিত্তং).

৫৪০. নহেতুযা নৰ, নআরম্মণে নৰ (সংখিত্তং).

হেতুপচ্চযা নআরম্মণে তীণি (সংখিত্তং).

নহেতুপচ্চযা আরম্মণে নৰ (সংখিত্তং).

(যথা কুসলত্তিকে পঞ্হাৰারস্স অনুলোমম্পি পচ্চনীযম্পি অনুলোমপচ্চনীযম্পি পচ্চনীযানুলোমম্পি গণিতং, এৰং গণেতব্বং.)

হেতুদুকঅজ্ঝত্তারম্মণত্তিকং নিট্ঠিতং.