১-৬. পটিচ্চৰারাদি

পচ্চযচতুক্কং

হেতুপচ্চযো

৯৪. হেতুং অদুক্খমসুখায ৰেদনায সম্পযুত্তং ধম্মং পটিচ্চ হেতু অদুক্খমসুখায ৰেদনায সম্পযুত্তো ধম্মো উপ্পজ্জতি হেতুপচ্চযা… তীণি.

নহেতুং অদুক্খমসুখায ৰেদনায সম্পযুত্তং ধম্মং পটিচ্চ নহেতু অদুক্খমসুখায ৰেদনায সম্পযুত্তো ধম্মো উপ্পজ্জতি হেতুপচ্চযা… তীণি.

হেতুং অদুক্খমসুখায ৰেদনায সম্পযুত্তঞ্চ নহেতুং অদুক্খমসুখায ৰেদনায সম্পযুত্তঞ্চ ধম্মং পটিচ্চ হেতু অদুক্খমসুখায ৰেদনায সম্পযুত্তো ধম্মো উপ্পজ্জতি হেতুপচ্চযা… তীণি (সংখিত্তং).

৯৫. হেতুযা নৰ, আরম্মণে নৰ, অধিপতিযা নৰ, অনন্তরে নৰ, সমনন্তরে নৰ, সহজাতে নৰ, অঞ্ঞমঞ্ঞে নৰ, নিস্সযে নৰ, উপনিস্সযে নৰ, পুরেজাতে নৰ, আসেৰনে নৰ, কম্মে নৰ, ৰিপাকে নৰ, আহারে নৰ, ইন্দ্রিযে নৰ, ঝানে নৰ, মগ্গে নৰ, সম্পযুত্তে নৰ, ৰিপ্পযুত্তে নৰ, অত্থিযা নৰ, নত্থিযা নৰ, ৰিগতে নৰ, অৰিগতে নৰ (অনুলোমং).

নহেতু-নঅধিপতিপচ্চযা

৯৬. নহেতুং অদুক্খমসুখায ৰেদনায সম্পযুত্তং ধম্মং পটিচ্চ নহেতু অদুক্খমসুখায ৰেদনায সম্পযুত্তো ধম্মো উপ্পজ্জতি নহেতুপচ্চযা… দ্ৰে.

৯৭. হেতুং অদুক্খমসুখায ৰেদনায সম্পযুত্তং ধম্মং পটিচ্চ হেতু অদুক্খমসুখায ৰেদনায সম্পযুত্তো ধম্মো উপ্পজ্জতি নঅধিপতিপচ্চযা (সংখিত্তং).

৯৮. নহেতুযা দ্ৰে, নঅধিপতিযা নৰ, নপুরেজাতে নৰ, নপচ্ছাজাতে নৰ, নআসেৰনে নৰ, নকম্মে তীণি, নৰিপাকে নৰ, নঝানে একং, নমগ্গে একং, নৰিপ্পযুত্তে নৰ (সংখিত্তং, পচ্চনীযং).

হেতুপচ্চযা নঅধিপতিযা নৰ (সংখিত্তং, অনুলোমপচ্চনীযং).

নহেতুপচ্চযা আরম্মণে দ্ৰে (সংখিত্তং, পচ্চনীযানুলোমং).

(সহজাতৰারোপি পচ্চযৰারোপি নিস্সযৰারোপি সংসট্ঠৰারোপি সম্পযুত্তৰারোপি পটিচ্চৰারসদিসা ৰিত্থারেতব্বা.)