৭. পঞ্হাৰারো

পচ্চযচতুক্কং

হেতুপচ্চযাদি

৫০৫. হেতু পচ্চুপ্পন্নারম্মণো ধম্মো হেতুস্স পচ্চুপ্পন্নারম্মণস্স ধম্মস্স হেতুপচ্চযেন পচ্চযো… তীণি.

হেতু পচ্চুপ্পন্নারম্মণো ধম্মো হেতুস্স পচ্চুপ্পন্নারম্মণস্স ধম্মস্স আরম্মণপচ্চযেন পচ্চযো… নৰ.

হেতু পচ্চুপ্পন্নারম্মণো ধম্মো হেতুস্স পচ্চুপ্পন্নারম্মণস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি… তীণি.

নহেতু পচ্চুপ্পন্নারম্মণো ধম্মো নহেতুস্স পচ্চুপ্পন্নারম্মণস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি… তীণি.

হেতু পচ্চুপ্পন্নারম্মণো চ নহেতু পচ্চুপ্পন্নারম্মণো চ ধম্মা হেতুস্স পচ্চুপ্পন্নারম্মণস্স ধম্মস্স অধিপতিপচ্চযেন পচ্চযো – আরম্মণাধিপতি… তীণি (সংখিত্তং).

৫০৬. হেতুযা তীণি, আরম্মণে নৰ, অধিপতিযা নৰ, অনন্তরে নৰ, সমনন্তরে নৰ, সহজাতে নৰ, অঞ্ঞমঞ্ঞে নৰ, নিস্সযে নৰ, উপনিস্সযে নৰ, আসেৰনে নৰ, কম্মে তীণি, ৰিপাকে নৰ, আহারে তীণি, ইন্দ্রিযে নৰ…পে… অৰিগতে নৰ (সংখিত্তং).

পচ্চনীযুদ্ধারো

৫০৭. হেতু পচ্চুপ্পন্নারম্মণো ধম্মো হেতুস্স পচ্চুপ্পন্নারম্মণস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো (সংখিত্তং).

৫০৮. নহেতুযা নৰ, নআরম্মণে নৰ (সংখিত্তং).

হেতুপচ্চযা নআরম্মণে তীণি (সংখিত্তং).

নহেতুপচ্চযা আরম্মণে নৰ (সংখিত্তং).

(যথা কুসলত্তিকে পঞ্হাৰারস্স অনুলোমম্পি পচ্চনীযম্পি অনুলোমপচ্চনীযম্পি পচ্চনীযানুলোমম্পি গণিতং, এৰং গণেতব্বং.)

হেতুদুকঅতীতারম্মণত্তিকং নিট্ঠিতং.