৭. পঞ্হাৰারো

পচ্চযচতুক্কং

হেতুপচ্চযাদি

৪৮১. হেতু পচ্চুপ্পন্নো ধম্মো হেতুস্স পচ্চুপ্পন্নস্স ধম্মস্স হেতুপচ্চযেন পচ্চযো… তীণি.

নহেতু পচ্চুপ্পন্নো ধম্মো নহেতুস্স পচ্চুপ্পন্নস্স ধম্মস্স আরম্মণপচ্চযেন পচ্চযো… তীণি.

হেতু পচ্চুপ্পন্নো ধম্মো হেতুস্স পচ্চুপ্পন্নস্স ধম্মস্স অধিপতিপচ্চযেন পচ্চযো – সহজাতাধিপতি… তীণি.

নহেতু পচ্চুপ্পন্নো ধম্মো নহেতুস্স পচ্চুপ্পন্নস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি… তীণি.

হেতু পচ্চুপ্পন্নো ধম্মো হেতুস্স পচ্চুপ্পন্নস্স ধম্মস্স সহজাতপচ্চযেন পচ্চযো (সংখিত্তং).

৪৮২. হেতুযা তীণি, আরম্মণে তীণি, অধিপতিযা ছ, সহজাতে নৰ, অঞ্ঞমঞ্ঞে নৰ, নিস্সযে নৰ, উপনিস্সযে নৰ, পুরেজাতে তীণি, পচ্ছাজাতে তীণি, কম্মে তীণি, ৰিপাকে নৰ, আহারে তীণি, ইন্দ্রিযে নৰ, ঝানে তীণি, মগ্গে নৰ, সম্পযুত্তে নৰ, ৰিপ্পযুত্তে পঞ্চ, অত্থিযা নৰ, অৰিগতে নৰ (সংখিত্তং).

পচ্চনীযুদ্ধারো

৪৮৩. হেতু পচ্চুপ্পন্নো ধম্মো হেতুস্স পচ্চুপ্পন্নস্স ধম্মস্স সহজাতপচ্চযেন পচ্চযো (সংখিত্তং).

৪৮৪. নহেতুযা নৰ, নআরম্মণে নৰ (সংখিত্তং).

হেতুপচ্চযা নআরম্মণে তীণি (সংখিত্তং).

নহেতুপচ্চযা আরম্মণে তীণি (সংখিত্তং).

(যথা কুসলত্তিকে পঞ্হাৰারস্স অনুলোমম্পি পচ্চনীযম্পি অনুলোমপচ্চনীযম্পি পচ্চনীযানুলোমম্পি গণিতং, এৰং গণেতব্বং. ইমম্হি দুকতিকে পটিচ্চৰারম্পি সহজাতৰারম্পি পচ্চযৰারম্পি নিস্সযৰারম্পি সংসট্ঠৰারম্পি সম্পযুত্তৰারম্পি অতীতম্পি অনাগতম্পি নত্থি.)

হেতুদুকঅতীতত্তিকং নিট্ঠিতং.