১. পটিচ্চৰারাদি

পচ্চযচতুক্কং

হেতুপচ্চযো

৮৩. হেতুং দুক্খায ৰেদনায সম্পযুত্তং ধম্মং পটিচ্চ হেতু দুক্খায ৰেদনায সম্পযুত্তো ধম্মো উপ্পজ্জতি হেতুপচ্চযা. হেতুং দুক্খায ৰেদনায সম্পযুত্তং ধম্মং পটিচ্চ নহেতু দুক্খায ৰেদনায সম্পযুত্তো ধম্মো উপ্পজ্জতি হেতুপচ্চযা. হেতুং দুক্খায ৰেদনায সম্পযুত্তং ধম্মং পটিচ্চ হেতু দুক্খায ৰেদনায সম্পযুত্তো চ নহেতু দুক্খায ৰেদনায সম্পযুত্তো চ ধম্মা উপ্পজ্জন্তি হেতুপচ্চযা. (৩)

নহেতুং দুক্খায ৰেদনায সম্পযুত্তং ধম্মং পটিচ্চ নহেতু দুক্খায ৰেদনায সম্পযুত্তো ধম্মো উপ্পজ্জতি হেতুপচ্চযা… তীণি.

হেতুং দুক্খায ৰেদনায সম্পযুত্তঞ্চ নহেতুং দুক্খায ৰেদনায সম্পযুত্তঞ্চ ধম্মং পটিচ্চ হেতু দুক্খায ৰেদনায সম্পযুত্তো ধম্মো উপ্পজ্জতি হেতুপচ্চযা… তীণি (সংখিত্তং).

৮৪. হেতুযা নৰ, আরম্মণে নৰ, অধিপতিযা নৰ, অনন্তরে নৰ, সমনন্তরে নৰ, সহজাতে নৰ, অঞ্ঞমঞ্ঞে নৰ, নিস্সযে নৰ, উপনিস্সযে নৰ, পুরেজাতে নৰ, আসেৰনে নৰ, কম্মে নৰ, ৰিপাকে একং, আহারে নৰ, ইন্দ্রিযে নৰ, ঝানে নৰ, মগ্গে নৰ, সম্পযুত্তে নৰ, ৰিপ্পযুত্তে নৰ, অত্থিযা নৰ, নত্থিযা নৰ, ৰিগতে নৰ, অৰিগতে নৰ (অনুলোমং).

নহেতু-নঅধিপতিপচ্চযা

৮৫. নহেতুং দুক্খায ৰেদনায সম্পযুত্তং ধম্মং পটিচ্চ নহেতু দুক্খায ৰেদনায সম্পযুত্তো ধম্মো উপ্পজ্জতি নহেতুপচ্চযা (১)

৮৬. হেতুং দুক্খায ৰেদনায সম্পযুত্তং ধম্মং পটিচ্চ হেতু দুক্খায ৰেদনায সম্পযুত্তো ধম্মো উপ্পজ্জতি নঅধিপতিপচ্চযা (সংখিত্তং).

৮৭. নহেতুযা একং, নঅধিপতিযা নৰ, নপচ্ছাজাতে নৰ, নআসেৰনে নৰ, নকম্মে তীণি, নৰিপাকে নৰ, নঝানে একং, নমগ্গে একং (পচ্চনীযং).

হেতুপচ্চযা নঅধিপতিযা নৰ (সংখিত্তং, অনুলোমপচ্চনীযং).

নহেতুপচ্চযা আরম্মণে একং (সংখিত্তং, পচ্চনীযানুলোমং).

(সহজাতৰারোপি পচ্চযৰারোপি নিস্সযৰারোপি সংসট্ঠৰারোপি সম্পযুত্তৰারোপি পটিচ্চৰারসদিসা ৰিত্থারেতব্বা.)