৭. পঞ্হাৰারো

পচ্চযচতুক্কং

হেতুপচ্চযাদি

৪২৫. হেতু পণীতো ধম্মো হেতুস্স পণীতস্স ধম্মস্স হেতুপচ্চযেন পচ্চযো… তীণি.

নহেতু পণীতো ধম্মো নহেতুস্স পণীতস্স ধম্মস্স আরম্মণপচ্চযেন পচ্চযো… তীণি.

হেতু পণীতো ধম্মো হেতুস্স পণীতস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি… তীণি (সংখিত্তং).

৪২৬. হেতুযা তীণি, আরম্মণে তীণি, অধিপতিযা ছ, অনন্তরে নৰ, সমনন্তরে নৰ, সহজাতে নৰ, অঞ্ঞমঞ্ঞে নৰ, নিস্সযে নৰ, উপনিস্সযে নৰ, কম্মে তীণি, ৰিপাকে নৰ, আহারে তীণি, ইন্দ্রিযে নৰ, ঝানে তীণি, মগ্গে নৰ, সম্পযুত্তে নৰ, অত্থিযা নৰ…পে… অৰিগতে নৰ (সংখিত্তং).

পচ্চনীযুদ্ধারো

৪২৭. হেতু পণীতো ধম্মো হেতুস্স পণীতস্স ধম্মস্স সহজাতপচ্চযেন পচ্চযো… উপনিস্সযপচ্চযেন পচ্চযো (সংখিত্তং).

৪২৮. নহেতুযা নৰ, নআরম্মণে নৰ (সংখিত্তং).

হেতুপচ্চযা নআরম্মণে তীণি (সংখিত্তং).

নহেতুপচ্চযা আরম্মণে তীণি (সংখিত্তং).

(যথা কুসলত্তিকে পঞ্হাৰারস্স অনুলোমম্পি পচ্চনীযম্পি অনুলোমপচ্চনীযম্পি পচ্চনীযানুলোমম্পি গণিতং, এৰং গণেতব্বং.)

হেতুদুকহীনত্তিকং নিট্ঠিতং.