৭. পঞ্হাৰারো

পচ্চযচতুক্কং

হেতুপচ্চযো

৭৪. হেতু সুখায ৰেদনায সম্পযুত্তো ধম্মো হেতুস্স সুখায ৰেদনায সম্পযুত্তস্স ধম্মস্স হেতুপচ্চযেন পচ্চযো… তীণি.

আরম্মণপচ্চযাদি

৭৫. হেতু সুখায ৰেদনায সম্পযুত্তো ধম্মো হেতুস্স সুখায ৰেদনায সম্পযুত্তস্স ধম্মস্স আরম্মণপচ্চযেন পচ্চযো… তীণি.

নহেতু সুখায ৰেদনায সম্পযুত্তো ধম্মো নহেতুস্স সুখায ৰেদনায সম্পযুত্তস্স ধম্মস্স আরম্মণপচ্চযেন পচ্চযো… তীণি.

হেতু সুখায ৰেদনায সম্পযুত্তো চ নহেতু সুখায ৰেদনায সম্পযুত্তো চ ধম্মা হেতুস্স সুখায ৰেদনায সম্পযুত্তস্স ধম্মস্স আরম্মণপচ্চযেন পচ্চযো… তীণি.

৭৬. হেতু সুখায ৰেদনায সম্পযুত্তো ধম্মো হেতুস্স সুখায ৰেদনায সম্পযুত্তস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি… তীণি.

নহেতু সুখায ৰেদনায সম্পযুত্তো ধম্মো নহেতুস্স সুখায ৰেদনায সম্পযুত্তস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি… তীণি.

হেতু সুখায ৰেদনায সম্পযুত্তো চ নহেতু সুখায ৰেদনায সম্পযুত্তো চ ধম্মা হেতুস্স সুখায ৰেদনায সম্পযুত্তস্স ধম্মস্স অধিপতিপচ্চযেন পচ্চযো – আরম্মণাধিপতি… তীণি…পে….

উপনিস্সযপচ্চযাদি

৭৭. হেতু সুখায ৰেদনায সম্পযুত্তো ধম্মো হেতুস্স সুখায ৰেদনায সম্পযুত্তস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো… নৰ (সংখিত্তং).

৭৮. নহেতু সুখায ৰেদনায সম্পযুত্তো ধম্মো নহেতুস্স সুখায ৰেদনায সম্পযুত্তস্স ধম্মস্স কম্মপচ্চযেন পচ্চযো. নহেতু সুখায ৰেদনায সম্পযুত্তো ধম্মো হেতুস্স সুখায ৰেদনায সম্পযুত্তস্স ধম্মস্স কম্মপচ্চযেন পচ্চযো. নহেতু সুখায ৰেদনায সম্পযুত্তো ধম্মো হেতুস্স সুখায ৰেদনায সম্পযুত্তস্স চ নহেতুস্স সুখায ৰেদনায সম্পযুত্তস্স চ ধম্মস্স কম্মপচ্চযেন পচ্চযো. (৩)

…ৰিপাকপচ্চযেন পচ্চযো.

৭৯. নহেতু সুখায ৰেদনায সম্পযুত্তো ধম্মো নহেতুস্স সুখায ৰেদনায সম্পযুত্তস্স ধম্মস্স আহারপচ্চযেন পচ্চযো… তীণি…পে…. হেতু সুখায ৰেদনায সম্পযুত্তো ধম্মো হেতুস্স সুখায ৰেদনায সম্পযুত্তস্স ধম্মস্স অৰিগতপচ্চযেন পচ্চযো.

৮০. হেতুযা তীণি, আরম্মণে নৰ, অধিপতিযা নৰ, অনন্তরে নৰ, সমনন্তরে নৰ, সহজাতে নৰ, অঞ্ঞমঞ্ঞে নৰ, নিস্সযে নৰ, উপনিস্সযে নৰ, আসেৰনে নৰ, কম্মে তীণি, ৰিপাকে নৰ, আহারে তীণি, ইন্দ্রিযে নৰ, ঝানে তীণি, মগ্গে নৰ, সম্পযুত্তে নৰ, অত্থিযা নৰ, নত্থিযা নৰ, ৰিগতে নৰ, অৰিগতে নৰ.

পচ্চনীযুদ্ধারো

৮১. হেতু সুখায ৰেদনায সম্পযুত্তো ধম্মো হেতুস্স সুখায ৰেদনায সম্পযুত্তস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো (সংখিত্তং).

৮২. নহেতুযা নৰ, নআরম্মণে নৰ…পে… নোঅৰিগতে নৰ (পচ্চনীযং).

হেতুপচ্চযা নআরম্মণে তীণি (সংখিত্তং, অনুলোমপচ্চনীযং).

নহেতুপচ্চযা আরম্মণে নৰ (সংখিত্তং, পচ্চনীযানুলোমং).

(যথা কুসলত্তিকে পঞ্হাৰারস্স অনুলোমম্পি পচ্চনীযম্পি অনুলোমপচ্চনীযম্পি পচ্চনীযানুলোমম্পি গণিতং, এৰং গণেতব্বং.)