১-৪. পচ্চযচতুক্কং

৩৪৭. সরণং ধম্মং পচ্চযা সরণো ধম্মো উপ্পজ্জতি হেতুপচ্চযা – সরণং একং খন্ধং পচ্চযা তযো খন্ধা…পে… দ্ৰে খন্ধে…পে… (যথা অরূপাৰচরদুকস্স পচ্চযৰারোপি এৰং কাতব্বো).

হেতুযা নৰ, আরম্মণে চত্তারি, অধিপতিযা নৰ…পে… অৰিগতে নৰ.

অনুলোমং.

৩৪৮. সরণং ধম্মং পচ্চযা সরণো ধম্মো উপ্পজ্জতি নহেতুপচ্চযা – ৰিচিকিচ্ছাসহগতে উদ্ধচ্চসহগতে খন্ধে পচ্চযা ৰিচিকিচ্ছাসহগতো উদ্ধচ্চসহগতো মোহো. (১)

অরণং ধম্মং পচ্চযা অরণো ধম্মো উপ্পজ্জতি নহেতুপচ্চযা – অহেতুকং অরণং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… অহেতুকপটিসন্ধিক্খণে…পে… (যাৰ অসঞ্ঞসত্তা) চক্খাযতনং পচ্চযা চক্খুৰিঞ্ঞাণং…পে… কাযাযতনং পচ্চযা কাযৰিঞ্ঞাণং, ৰত্থুং পচ্চযা অহেতুকা খন্ধা. অরণং ধম্মং পচ্চযা সরণো ধম্মো উপ্পজ্জতি নহেতুপচ্চযা – ৰত্থুং পচ্চযা ৰিচিকিচ্ছাসহগতো উদ্ধচ্চসহগতো মোহো. (২)

সরণঞ্চ অরণঞ্চ ধম্মং পচ্চযা সরণো ধম্মো উপ্পজ্জতি নহেতুপচ্চযা – ৰিচিকিচ্ছাসহগতে উদ্ধচ্চসহগতে খন্ধে চ ৰত্থুঞ্চ পচ্চযা ৰিচিকিচ্ছাসহগতো উদ্ধচ্চসহগতো মোহো. (১)

নহেতুযা চত্তারি, নআরম্মণে তীণি, নঅধিপতিযা নৰ, নঅনন্তরে তীণি, নসমনন্তরে তীণি, নঅঞ্ঞমঞ্ঞে তীণি, নউপনিস্সযে তীণি, নপুরেজাতে চত্তারি, নপচ্ছাজাতে নৰ, নআসেৰনে নৰ, নকম্মে চত্তারি, নৰিপাকে নৰ, নআহারে একং, নইন্দ্রিযে একং, নঝানে একং, নমগ্গে একং, নসম্পযুত্তে তীণি, নৰিপ্পযুত্তে দ্ৰে, নোনত্থিযা তীণি, নোৰিগতে তীণি.

পচ্চনীযং.