১. ৰিভঙ্গৰারো

হেতুপচ্চযো

৩৩০. নিযতো ধম্মো নিযতস্স ধম্মস্স হেতুপচ্চযেন পচ্চযো… চত্তারি (নিয্যানিকদুকসদিসা নিন্নানাকরণা).

আরম্মণপচ্চযো

৩৩১. নিযতো ধম্মো অনিযতস্স ধম্মস্স আরম্মণপচ্চযেন পচ্চযো – অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, নিযতে পহীনে কিলেসে পচ্চৰেক্খন্তি, পুব্বে সমুদাচিণ্ণে…পে… নিযতে খন্ধে অনিচ্চতো…পে… ৰিপস্সতি, চেতোপরিযঞাণেন নিযতচিত্তসমঙ্গিস্স চিত্তং জানাতি, নিযতা খন্ধা চেতোপরিযঞাণস্স, পুব্বেনিৰাসানুস্সতিঞাণস্স যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

অনিযতো ধম্মো অনিযতস্স ধম্মস্স আরম্মণপচ্চযেন পচ্চযো – দানং দত্ৰা সীলং…পে… উপোসথকম্মং…পে… পুব্বে সুচিণ্ণানি…পে… ঝানা ৰুট্ঠহিত্ৰা ঝানং পচ্চৰেক্খতি অস্সাদেতি অভিনন্দতি, তং আরব্ভ অনিযতো রাগো উপ্পজ্জতি, দিট্ঠি…পে… ৰিচিকিচ্ছা…পে… উদ্ধচ্চং…পে… অনিযতং দোমনস্সং উপ্পজ্জতি, অরিযা ফলং পচ্চৰেক্খন্তি, নিব্বানং পচ্চৰেক্খন্তি, নিব্বানং গোত্রভুস্স, ৰোদানস্স, ফলস্স, আৰজ্জনায আরম্মণপচ্চযেন পচ্চযো; অরিযা অনিযতে পহীনে কিলেসে পচ্চৰেক্খন্তি, ৰিক্খম্ভিতে কিলেসে…পে… পুব্বে সমুদাচিণ্ণে…পে… চক্খুং…পে… ৰত্থুং অনিযতে খন্ধে অনিচ্চতো…পে… ৰিপস্সতি অস্সাদেতি অভিনন্দতি, তং আরব্ভ অনিযতো রাগো…পে… দোমনস্সং উপ্পজ্জতি, দিব্বেন চক্খুনা রূপং পস্সতি…পে… আৰজ্জনায আরম্মণপচ্চযেন পচ্চযো. অনিযতো ধম্মো নিযতস্স ধম্মস্স আরম্মণপচ্চযেন পচ্চযো; নিব্বানং মগ্গস্স আরম্মণপচ্চযেন পচ্চযো; রূপজীৰিতিন্দ্রিযং মাতুঘাতিকম্মস্স… পিতুঘাতিকম্মস্স… অরহন্তঘাতিকম্মস্স… রুহিরুপ্পাদকম্মস্স আরম্মণপচ্চযেন পচ্চযো; যং ৰত্থুং আমসন্তস্স মিচ্ছত্তনিযতা খন্ধা উপ্পজ্জন্তি, তং ৰত্থু মিচ্ছত্তনিযতানং খন্ধানং আরম্মণপচ্চযেন পচ্চযো. (২)

অধিপতিপচ্চযো

৩৩২. নিযতো ধম্মো নিযতস্স ধম্মস্স অধিপতিপচ্চযেন পচ্চযো. সহজাতাধিপতি – নিযতাধিপতি সম্পযুত্তকানং খন্ধানং অধিপতিপচ্চযেন পচ্চযো. নিযতো ধম্মো অনিযতস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – অরিযা মগ্গা ৰুট্ঠহিত্ৰা মগ্গং গরুং কত্ৰা পচ্চৰেক্খন্তি. সহজাতাধিপতি – নিযতাধিপতি চিত্তসমুট্ঠানানং রূপানং অধিপতিপচ্চযেন পচ্চযো. নিযতো ধম্মো নিযতস্স চ অনিযতস্স চ ধম্মস্স অধিপতিপচ্চযেন পচ্চযো. সহজাতাধিপতি – নিযতাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৩)

৩৩৩. অনিযতো ধম্মো অনিযতস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং দত্ৰা সীলং…পে… উপোসথকম্মং কত্ৰা তং গরুং কত্ৰা পচ্চৰেক্খতি অস্সাদেতি অভিনন্দতি, তং গরুং কত্ৰা অনিযতো রাগো উপ্পজ্জতি… দিট্ঠি উপ্পজ্জতি; পুব্বে…পে… ঝানা…পে… অরিযা ফলং গরুং কত্ৰা পচ্চৰেক্খন্তি, নিব্বানং গরুং কত্ৰা পচ্চৰেক্খন্তি, নিব্বানং গোত্রভুস্স, ৰোদানস্স, ফলস্স অধিপতিপচ্চযেন পচ্চযো; চক্খুং…পে… ৰত্থুং অনিযতে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা অনিযতো রাগো উপ্পজ্জতি, দিট্ঠি উপ্পজ্জতি. সহজাতাধিপতি – অনিযতাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. অনিযতো ধম্মো নিযতস্স ধম্মস্স অধিপতিপচ্চযেন পচ্চযো. আরম্মণাধিপতি – নিব্বানং মগ্গস্স অধিপতিপচ্চযেন পচ্চযো. (২)

অনন্তরপচ্চযাদি

৩৩৪. নিযতো ধম্মো অনিযতস্স ধম্মস্স অনন্তরপচ্চযেন পচ্চযো – মগ্গো ফলস্স অনন্তরপচ্চযেন পচ্চযো, নিযতা খন্ধা ৰুট্ঠানস্স অনন্তরপচ্চযেন পচ্চযো. (১)

অনিযতো ধম্মো অনিযতস্স ধম্মস্স অনন্তরপচ্চযেন পচ্চযো – পুরিমা পুরিমা অনিযতা খন্ধা পচ্ছিমানং পচ্ছিমানং অনিযতানং খন্ধানং অনন্তরপচ্চযেন পচ্চযো; অনুলোমং গোত্রভুস্স… অনুলোমং ৰোদানস্স… ফলং ফলস্স… অনুলোমং ফলসমাপত্তিযা… নিরোধা ৰুট্ঠহন্তস্স নেৰসঞ্ঞানাসঞ্ঞাযতনং ফলসমাপত্তিযা অনন্তরপচ্চযেন পচ্চযো. অনিযতো ধম্মো নিযতস্স ধম্মস্স অনন্তরপচ্চযেন পচ্চযো – অনিযতং দোমনস্সং নিযতস্স দোমনস্সস্স, অনিযতা মিচ্ছাদিট্ঠি নিযতমিচ্ছাদিট্ঠিযা অনন্তরপচ্চযেন পচ্চযো; গোত্রভু মগ্গস্স… ৰোদানং মগ্গস্স অনন্তরপচ্চযেন পচ্চযো. (২)

সমনন্তরপচ্চযেন পচ্চযো… সহজাতপচ্চযেন পচ্চযো… পঞ্চ… অঞ্ঞমঞ্ঞপচ্চযেন পচ্চযো… দ্ৰে… নিস্সযপচ্চযেন পচ্চযো… সত্ত.

উপনিস্সযপচ্চযো

৩৩৫. নিযতো ধম্মো নিযতস্স ধম্মস্স উপনিস্সযপচ্চযেন পচ্চযো. পকতূপনিস্সযো – মাতুঘাতিকম্মং মাতুঘাতিকম্মস্স… পিতুঘাতিকম্মস্স… অরহন্তঘাতিকম্মস্স… রুহিরুপ্পাদকম্মস্স… সঙ্ঘভেদকম্মস্স, নিযতমিচ্ছাদিট্ঠিযা উপনিস্সযপচ্চযেন পচ্চযো (চক্কং). পঠমো মগ্গো দুতিযস্স মগ্গস্স…পে… ততিযো মগ্গো চতুত্থস্স মগ্গস্স উপনিস্সযপচ্চযেন পচ্চযো. নিযতো ধম্মো অনিযতস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – মাতরং জীৰিতা ৰোরোপেত্ৰা…পে… সঙ্ঘং ভিন্দিত্ৰা তস্স পটিঘাতত্থায দানং দেতি, সীলং সমাদিযতি, উপোসথকম্মং করোতি, অরিযা মগ্গং উপনিস্সায অনুপ্পন্নং সমাপত্তিং উপ্পাদেন্তি, উপ্পন্নং সমাপজ্জন্তি…পে… ঠানাঠানকোসল্লস্স উপনিস্সযপচ্চযেন পচ্চযো; মগ্গো ফলসমাপত্তিযা উপনিস্সযপচ্চযেন পচ্চযো. (২)

৩৩৬. অনিযতো ধম্মো অনিযতস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – অনিযতং সদ্ধং উপনিস্সায দানং দেতি, সীলং…পে… উপোসথকম্মং করোতি, ঝানং উপ্পাদেতি, ৰিপস্সনং…পে… অভিঞ্ঞং…পে… সমাপত্তিং উপ্পাদেতি, মানং জপ্পেতি… দিট্ঠিং গণ্হাতি; অনিযতং সীলং…পে… পঞ্ঞং… রাগং…পে… পত্থনং… কাযিকং সুখং… কাযিকং দুক্খং… উতুং… ভোজনং… সেনাসনং উপনিস্সায দানং দেতি…পে… সমাপত্তিং উপ্পাদেতি, পাণং হনতি…পে… নিগমঘাতং করোতি, অনিযতা সদ্ধা…পে… সেনাসনং অনিযতায সদ্ধায…পে… পত্থনায… কাযিকস্স সুখস্স… কাযিকস্স দুক্খস্স, ফলসমাপত্তিযা উপনিস্সযপচ্চযেন পচ্চযো. (১)

অনিযতো ধম্মো নিযতস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – অনিযতং রাগং উপনিস্সায মাতরং জীৰিতা ৰোরোপেতি…পে… সঙ্ঘং ভিন্দতি; অনিযতং দোসং…পে… সেনাসনং উপনিস্সায মাতরং জীৰিতা ৰোরোপেতি…পে… সঙ্ঘং ভিন্দতি; অনিযতো রাগো… দোসং…পে… সেনাসনং মাতুঘাতিকম্মস্স…পে… সঙ্ঘভেদকম্মস্স উপনিস্সযপচ্চযেন পচ্চযো; পঠমস্স মগ্গস্স পরিকম্মং পঠমস্স মগ্গস্স…পে… চতুত্থস্স মগ্গস্স পরিকম্মং চতুত্থস্স মগ্গস্স উপনিস্সযপচ্চযেন পচ্চযো. (২)

পুরেজাতপচ্চযাদি

৩৩৭. অনিযতো ধম্মো অনিযতস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং (সংখিত্তং). অনিযতো ধম্মো নিযতস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – রূপজীৰিতিন্দ্রিযং মাতুঘাতিকম্মস্স… পিতুঘাতিকম্মস্স… অরহন্তঘাতিকম্মস্স… রুহিরুপ্পাদকম্মস্স পুরেজাতপচ্চযেন পচ্চযো. ৰত্থুপুরেজাতং – ৰত্থু নিযতানং খন্ধানং পুরেজাতপচ্চযেন পচ্চযো. (২)

পচ্ছাজাতপচ্চযেন পচ্চযো… দ্ৰে… আসেৰনপচ্চযেন পচ্চযো… দ্ৰে.

কম্মপচ্চযো

৩৩৮. নিযতো ধম্মো নিযতস্স ধম্মস্স কম্মপচ্চযেন পচ্চযো – নিযতা চেতনা সম্পযুত্তকানং খন্ধানং কম্মপচ্চযেন পচ্চযো. নিযতো ধম্মো অনিযতস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – নিযতা চেতনা চিত্তসমুট্ঠানানং রূপানং কম্মপচ্চযেন পচ্চযো. নানাক্খণিকা – নিযতা চেতনা ৰিপাকানং খন্ধানং কটত্তা চ রূপানং কম্মপচ্চযেন পচ্চযো. (মূলং কাতব্বং.) নিযতা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো. (৩)

অনিযতো ধম্মো অনিযতস্স ধম্মস্স কম্মপচ্চযেন পচ্চযো – সহজাতা, নানাক্খণিকা (সংখিত্তং).

ৰিপাকপচ্চযেন পচ্চযো… একং… আহারপচ্চযেন পচ্চযো… চত্তারি… ইন্দ্রিযপচ্চযেন পচ্চযো… চত্তারি… ঝানপচ্চযেন পচ্চযো… চত্তারি… মগ্গপচ্চযেন পচ্চযো… চত্তারি… সম্পযুত্তপচ্চযেন পচ্চযো… দ্ৰে… ৰিপ্পযুত্তপচ্চযেন পচ্চযো… তীণি (অরূপদুকসদিসং)… অত্থিপচ্চযেন পচ্চযো… সত্ত (অরূপাৰচরদুকসদিসং)… নত্থিপচ্চযেন পচ্চযো… ৰিগতপচ্চযেন পচ্চযো… অৰিগতপচ্চযেন পচ্চযো… সত্ত.