১. ৰিভঙ্গৰারো

নহেতু-নআরম্মণপচ্চযা

৩০২. অনিয্যানিকং ধম্মং পটিচ্চ অনিয্যানিকো ধম্মো উপ্পজ্জতি নহেতুপচ্চযা – অহেতুকং অনিয্যানিকং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… অহেতুকপটিসন্ধিক্খণে…পে… খন্ধে পটিচ্চ ৰত্থু, ৰত্থুং পটিচ্চ খন্ধা, একং মহাভূতং…পে… (যাৰ অসঞ্ঞসত্তা) ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো. (১) নআরম্মণপচ্চযা… তীণি.

নঅধিপতিপচ্চযাদি

৩০৩. নিয্যানিকং ধম্মং পটিচ্চ নিয্যানিকো ধম্মো উপ্পজ্জতি নঅধিপতিপচ্চযা – নিয্যানিকে খন্ধে পটিচ্চ নিয্যানিকাধিপতি. (১)

অনিয্যানিকং ধম্মং পটিচ্চ অনিয্যানিকো ধম্মো উপ্পজ্জতি নঅধিপতিপচ্চযা – অনিয্যানিকং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে…পে… (যাৰ অসঞ্ঞসত্তা কাতব্বা). (১)

নঅনন্তরপচ্চযা… নসমনন্তরপচ্চযা… নঅঞ্ঞমঞ্ঞপচ্চযা…পে….

নপুরেজাতপচ্চযো

৩০৪. নিয্যানিকং ধম্মং পটিচ্চ নিয্যানিকো ধম্মো উপ্পজ্জতি নপুরেজাতপচ্চযা – অরূপে নিয্যানিকং একং খন্ধং…পে…. নিয্যানিকং ধম্মং পটিচ্চ অনিয্যানিকো ধম্মো উপ্পজ্জতি নপুরেজাতপচ্চযা – নিয্যানিকে খন্ধে পটিচ্চ চিত্তসমুট্ঠানং রূপং. (২)

অনিয্যানিকং ধম্মং পটিচ্চ অনিয্যানিকো ধম্মো উপ্পজ্জতি নপুরেজাতপচ্চযা – অরূপে অনিয্যানিকং একং খন্ধং পটিচ্চ তযো খন্ধা…পে… দ্ৰে খন্ধে…পে… অনিয্যানিকে খন্ধে পটিচ্চ চিত্তসমুট্ঠানং রূপং; পটিসন্ধিক্খণে…পে… (যাৰ অসঞ্ঞসত্তা). (১)

নিয্যানিকঞ্চ অনিয্যানিকঞ্চ ধম্মং পটিচ্চ অনিয্যানিকো ধম্মো উপ্পজ্জতি নপুরেজাতপচ্চযা – নিয্যানিকে খন্ধে চ মহাভূতে চ পটিচ্চ চিত্তসমুট্ঠানং রূপং. (১)