১. ৰিভঙ্গৰারো

হেতুপচ্চযো

২৭৯. অরূপাৰচরো ধম্মো অরূপাৰচরস্স ধম্মস্স হেতুপচ্চযেন পচ্চযো – অরূপাৰচরা হেতূ সম্পযুত্তকানং খন্ধানং হেতুপচ্চযেন পচ্চযো; পটিসন্ধিক্খণে…পে…. (মূলং কাতব্বং.) অরূপাৰচরা হেতূ চিত্তসমুট্ঠানানং রূপানং হেতুপচ্চযেন পচ্চযো. (মূলং কাতব্বং.) অরূপাৰচরা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (৩)

নঅরূপাৰচরো ধম্মো নঅরূপাৰচরস্স ধম্মস্স হেতুপচ্চযেন পচ্চযো – নঅরূপাৰচরা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে…. (১)

আরম্মণপচ্চযো

২৮০. অরূপাৰচরো ধম্মো অরূপাৰচরস্স ধম্মস্স আরম্মণপচ্চযেন পচ্চযো – আকাসানঞ্চাযতনং ৰিঞ্ঞাণঞ্চাযতনস্স আরম্মণপচ্চযেন পচ্চযো; আকিঞ্চঞ্ঞাযতনং নেৰসঞ্ঞানাসঞ্ঞাযতনস্স আরম্মণপচ্চযেন পচ্চযো. অরূপাৰচরো ধম্মো নঅরূপাৰচরস্স ধম্মস্স আরম্মণপচ্চযেন পচ্চযো – আকাসানঞ্চাযতনং পচ্চৰেক্খতি, ৰিঞ্ঞাণঞ্চাযতনং…পে… আকিঞ্চঞ্ঞাযতনং…পে… নেৰসঞ্ঞানাসঞ্ঞাযতনং পচ্চৰেক্খতি, অরূপাৰচরে খন্ধে অনিচ্চতো…পে… দোমনস্সং উপ্পজ্জতি; চেতোপরিযঞাণেন অরূপাৰচরচিত্তসমঙ্গিস্স চিত্তং জানাতি, অরূপাৰচরা খন্ধা চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (২)

নঅরূপাৰচরো ধম্মো নঅরূপাৰচরস্স ধম্মস্স আরম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৰা তং পচ্চৰেক্খতি অস্সাদেতি অভিনন্দতি, তং আরব্ভ রাগো…পে… দোমনস্সং উপ্পজ্জতি; পুব্বে সুচিণ্ণানি…পে… ঝানা…পে… অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, ফলং পচ্চৰেক্খন্তি, নিব্বানং পচ্চৰেক্খন্তি, নিব্বানং গোত্রভুস্স, ৰোদানস্স, মগ্গস্স, ফলস্স, আৰজ্জনায আরম্মণপচ্চযেন পচ্চযো; অরিযা পহীনে কিলেসে পচ্চৰেক্খন্তি, ৰিক্খম্ভিতে কিলেসে…পে… পুব্বে…পে… চক্খুং…পে… ৰত্থুং নঅরূপাৰচরে খন্ধে অনিচ্চতো…পে… দোমনস্সং উপ্পজ্জতি, দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, চেতোপরিযঞাণেন নঅরূপাৰচরচিত্তসমঙ্গিস্স চিত্তং জানাতি, রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে… নঅরূপাৰচরা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

অধিপতিপচ্চযো

২৮১. অরূপাৰচরো ধম্মো অরূপাৰচরস্স ধম্মস্স অধিপতিপচ্চযেন পচ্চযো. সহজাতাধিপতি – অরূপাৰচরাধিপতি সম্পযুত্তকানং খন্ধানং অধিপতিপচ্চযেন পচ্চযো. অরূপাৰচরো ধম্মো নঅরূপাৰচরস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – আকাসানঞ্চাযতনং গরুং কত্ৰা পচ্চৰেক্খতি…পে… নেৰসঞ্ঞানাসঞ্ঞাযতনং গরুং কত্ৰা পচ্চৰেক্খতি, অরূপাৰচরে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – অরূপাৰচরাধিপতি চিত্তসমুট্ঠানানং রূপানং অধিপতিপচ্চযেন পচ্চযো. (মূলং কাতব্বং.) অরূপাৰচরাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৩)

২৮২. নঅরূপাৰচরো ধম্মো নঅরূপাৰচরস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং…পে… সীলং…পে… উপোসথকম্মং কত্ৰা তং গরুং কত্ৰা পচ্চৰেক্খতি অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি; পুব্বে সুচিণ্ণানি…পে… ঝানা…পে… অরিযা মগ্গা ৰুট্ঠহিত্ৰা মগ্গং গরুং কত্ৰা পচ্চৰেক্খন্তি, ফলং…পে… নিব্বানং গরুং কত্ৰা পচ্চৰেক্খন্তি, নিব্বানং গোত্রভুস্স, ৰোদানস্স, মগ্গস্স, ফলস্স অধিপতিপচ্চযেন পচ্চযো; চক্খুং…পে… ৰত্থুং নঅরূপাৰচরে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – নঅরূপাৰচরাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (১)

অনন্তরপচ্চযাদি

২৮৩. অরূপাৰচরো ধম্মো অরূপাৰচরস্স ধম্মস্স অনন্তরপচ্চযেন পচ্চযো – পুরিমা পুরিমা অরূপাৰচরা খন্ধা পচ্ছিমানং পচ্ছিমানং অরূপাৰচরানং খন্ধানং অনন্তরপচ্চযেন পচ্চযো. অরূপাৰচরো ধম্মো নঅরূপাৰচরস্স ধম্মস্স অনন্তরপচ্চযেন পচ্চযো – অরূপাৰচরং চুতিচিত্তং নঅরূপাৰচরস্স উপপত্তিচিত্তস্স, অরূপাৰচরং ভৰঙ্গং আৰজ্জনায, অরূপাৰচরা খন্ধা নঅরূপাৰচরস্স ৰুট্ঠানস্স, নিরোধা ৰুট্ঠহন্তস্স নেৰসঞ্ঞানাসঞ্ঞাযতনং ফলসমাপত্তিযা অনন্তরপচ্চযেন পচ্চযো. (২)

২৮৪. নঅরূপাৰচরো ধম্মো নঅরূপাৰচরস্স ধম্মস্স অনন্তরপচ্চযেন পচ্চযো – পুরিমা পুরিমা নঅরূপাৰচরা খন্ধা পচ্ছিমানং পচ্ছিমানং নঅরূপাৰচরানং খন্ধানং অনন্তরপচ্চযেন পচ্চযো; অনুলোমং গোত্রভুস্স…পে… অনুলোমং ফলসমাপত্তিযা অনন্তরপচ্চযেন পচ্চযো. নঅরূপাৰচরো ধম্মো অরূপাৰচরস্স ধম্মস্স অনন্তরপচ্চযেন পচ্চযো – নঅরূপাৰচরং চুতিচিত্তং অরূপাৰচরস্স উপপত্তিচিত্তস্স অনন্তরপচ্চযেন পচ্চযো; নঅরূপাৰচরা খন্ধা অরূপাৰচরস্স ৰুট্ঠানস্স অনন্তরপচ্চযেন পচ্চযো; আকাসানঞ্চাযতনস্স পরিকম্মং আকাসানঞ্চাযতনস্স অনন্তরপচ্চযেন পচ্চযো; ৰিঞ্ঞাণঞ্চাযতনস্স…পে… আকিঞ্চঞ্ঞাযতনস্স…পে… নেৰসঞ্ঞানাসঞ্ঞাযতনস্স পরিকম্মং নেৰসঞ্ঞানাসঞ্ঞাযতনস্স অনন্তরপচ্চযেন পচ্চযো. (২)

সমনন্তরপচ্চযেন পচ্চযো… সহজাতপচ্চযেন পচ্চযো… পঞ্চ… অঞ্ঞমঞ্ঞপচ্চযেন পচ্চযো… দ্ৰে… নিস্সযপচ্চযেন পচ্চযো… সত্ত.

উপনিস্সযপচ্চযো

২৮৫. অরূপাৰচরো ধম্মো অরূপাৰচরস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – আকাসানঞ্চাযতনং ৰিঞ্ঞাণঞ্চাযতনস্স উপনিস্সযপচ্চযেন পচ্চযো; ৰিঞ্ঞাণঞ্চাযতনং আকিঞ্চঞ্ঞাযতনস্স…পে… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স উপনিস্সযপচ্চযেন পচ্চযো. অরূপাৰচরো ধম্মো নঅরূপাৰচরস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – অরূপাৰচরং সদ্ধং উপনিস্সায দানং দেতি, সীলং…পে… উপোসথকম্মং করোতি, নঅরূপাৰচরং ঝানং উপ্পাদেতি, ৰিপস্সনং…পে… মগ্গং…পে… অভিঞ্ঞং…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি; অরূপাৰচরং সীলং…পে… পঞ্ঞং উপনিস্সায দানং দেতি…পে… সমাপত্তিং উপ্পাদেতি… মানং জপ্পেতি… দিট্ঠিং গণ্হাতি; অরূপাৰচরা সদ্ধা…পে… পঞ্ঞা নঅরূপাৰচরায সদ্ধায…পে… পঞ্ঞায… রাগস্স…পে… পত্থনায… কাযিকস্স সুখস্স… কাযিকস্স দুক্খস্স… মগ্গস্স ফলসমাপত্তিযা উপনিস্সযপচ্চযেন পচ্চযো. (২)

২৮৬. নঅরূপাৰচরো ধম্মো নঅরূপাৰচরস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – নঅরূপাৰচরং সদ্ধং উপনিস্সায দানং দেতি, সীলং…পে… উপোসথকম্মং করোতি, নঅরূপাৰচরং ঝানং উপ্পাদেতি, ৰিপস্সনং…পে… মগ্গং…পে… অভিঞ্ঞং…পে… সমাপত্তিং উপ্পাদেতি, মানং জপ্পেতি… দিট্ঠিং গণ্হাতি; নঅরূপাৰচরং সীলং…পে… পঞ্ঞং…পে… রাগং…পে… পত্থনং…পে… কাযিকং সুখং… কাযিকং দুক্খং… উতুং… ভোজনং… সেনাসনং উপনিস্সায দানং দেতি…পে… সমাপত্তিং উপ্পাদেতি… পাণং হনতি…পে… সঙ্ঘং ভিন্দতি; নঅরূপাৰচরা সদ্ধা…পে… সেনাসনং নঅরূপাৰচরায সদ্ধায…পে… পত্থনায… কাযিকস্স সুখস্স… কাযিকস্স দুক্খস্স, মগ্গস্স, ফলসমাপত্তিযা উপনিস্সযপচ্চযেন পচ্চযো. (১)

নঅরূপাৰচরো ধম্মো অরূপাৰচরস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – আকাসানঞ্চাযতনস্স পরিকম্মং আকাসানঞ্চাযতনস্স উপনিস্সযপচ্চযেন পচ্চযো…পে… নেৰসঞ্ঞানাসঞ্ঞাযতনস্স পরিকম্মং নেৰসঞ্ঞানাসঞ্ঞাযতনস্স উপনিস্সযপচ্চযেন পচ্চযো. (২)

পুরেজাতপচ্চযাদি

২৮৭. নঅরূপাৰচরো ধম্মো নঅরূপাৰচরস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অনিচ্চতো…পে… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে…. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু নঅরূপাৰচরানং খন্ধানং পুরেজাতপচ্চযেন পচ্চযো. নঅরূপাৰচরো ধম্মো অরূপাৰচরস্স ধম্মস্স পুরেজাতপচ্চযেন পচ্চযো. ৰত্থুপুরেজাতং – ৰত্থু অরূপাৰচরানং খন্ধানং পুরেজাতপচ্চযেন পচ্চযো. (২)

পচ্ছাজাতপচ্চযেন পচ্চযো… দ্ৰে… আসেৰনপচ্চযেন পচ্চযো… তীণি.

কম্মপচ্চযো

২৮৮. অরূপাৰচরো ধম্মো অরূপাৰচরস্স ধম্মস্স কম্মপচ্চযেন পচ্চযো – সহজাতা, নানাক্খণিকা…পে…. অরূপাৰচরো ধম্মো নঅরূপাৰচরস্স ধম্মস্স কম্মপচ্চযেন পচ্চযো – অরূপাৰচরা চেতনা চিত্তসমুট্ঠানানং রূপানং কম্মপচ্চযেন পচ্চযো. (মূলং কাতব্বং.) অরূপাৰচরা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো. (৩)

নঅরূপাৰচরো ধম্মো নঅরূপাৰচরস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – নঅরূপাৰচরা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো (সংখিত্তং). (১)

ৰিপাকপচ্চযাদি

২৮৯. অরূপাৰচরো ধম্মো অরূপাৰচরস্স ধম্মস্স ৰিপাকপচ্চযেন পচ্চযো (সংখিত্তং).

নঅরূপাৰচরো ধম্মো নঅরূপাৰচরস্স ধম্মস্স ৰিপাকপচ্চযেন পচ্চযো (সংখিত্তং)… আহারপচ্চযেন পচ্চযো… চত্তারি… ইন্দ্রিযপচ্চযেন পচ্চযো… চত্তারি… ঝানপচ্চযেন পচ্চযো… চত্তারি… মগ্গপচ্চযেন পচ্চযো… চত্তারি… সম্পযুত্তপচ্চযেন পচ্চযো… দ্ৰে.

ৰিপ্পযুত্তপচ্চযো

২৯০. অরূপাৰচরো ধম্মো নঅরূপাৰচরস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং). (১)

নঅরূপাৰচরো ধম্মো নঅরূপাৰচরস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং (সংখিত্তং). নঅরূপাৰচরো ধম্মো অরূপাৰচরস্স ধম্মস্স ৰিপ্পযুত্তপচ্চযেন পচ্চযো. পুরেজাতং – ৰত্থু অরূপাৰচরানং খন্ধানং ৰিপ্পযুত্তপচ্চযেন পচ্চযো. (২)

অত্থিপচ্চযাদি

২৯১. অরূপাৰচরো ধম্মো অরূপাৰচরস্স ধম্মস্স অত্থিপচ্চযেন পচ্চযো – সহজাতং…পে…. অরূপাৰচরো ধম্মো নঅরূপাৰচরস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং…পে…. অরূপাৰচরো ধম্মো অরূপাৰচরস্স চ নঅরূপাৰচরস্স চ ধম্মস্স অত্থিপচ্চযেন পচ্চযো – সহজাতং (সংখিত্তং). (৩)

নঅরূপাৰচরো ধম্মো নঅরূপাৰচরস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং (সংখিত্তং). নঅরূপাৰচরো ধম্মো অরূপাৰচরস্স ধম্মস্স অত্থিপচ্চযেন পচ্চযো. পুরেজাতং – ৰত্থু অরূপাৰচরানং খন্ধানং অত্থিপচ্চযেন পচ্চযো. (২)

২৯২. অরূপাৰচরো চ নঅরূপাৰচরো চ ধম্মা অরূপাৰচরস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – অরূপাৰচরো একো খন্ধো চ ৰত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা চ…পে…. অরূপাৰচরো চ নঅরূপাৰচরো চ ধম্মা নঅরূপাৰচরস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহারং, ইন্দ্রিযং. সহজাতা – অরূপাৰচরা খন্ধা চ মহাভূতা চ চিত্তসমুট্ঠানানং রূপানং অত্থিপচ্চযেন পচ্চযো. পচ্ছাজাতা – অরূপাৰচরা খন্ধা চ কবল়ীকারো আহারো চ ইমস্স কাযস্স অত্থিপচ্চযেন পচ্চযো. পচ্ছাজাতা – অরূপাৰচরা খন্ধা চ রূপজীৰিতিন্দ্রিযঞ্চ কটত্তারূপানং অত্থিপচ্চযেন পচ্চযো. (২)

নত্থিপচ্চযেন পচ্চযো… ৰিগতপচ্চযেন পচ্চযো… অৰিগতপচ্চযেন পচ্চযো.