১. ৰিভঙ্গৰারো

নহেতু-নআরম্মণপচ্চযা

২৬৮. নঅরূপাৰচরং ধম্মং পটিচ্চ নঅরূপাৰচরো ধম্মো উপ্পজ্জতি নহেতুপচ্চযা – অহেতুকং নঅরূপাৰচরং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং …পে… দ্ৰে খন্ধে…পে… অহেতুকপটিসন্ধিক্খণে…পে… (যাৰ অসঞ্ঞসত্তা) ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো. (১) নআরম্মণপচ্চযা… তীণি.

নঅধিপতিপচ্চযাদি

২৬৯. অরূপাৰচরং ধম্মং পটিচ্চ অরূপাৰচরো ধম্মো উপ্পজ্জতি নঅধিপতিপচ্চযা – অরূপাৰচরে খন্ধে পটিচ্চ অরূপাৰচরাধিপতি, ৰিপাকং অরূপাৰচরং একং খন্ধং পটিচ্চ তযো খন্ধা…পে… দ্ৰে খন্ধে…পে… পটিসন্ধিক্খণে…পে…. (১)

নঅরূপাৰচরং ধম্মং পটিচ্চ নঅরূপাৰচরো ধম্মো উপ্পজ্জতি নঅধিপতিপচ্চযা – নঅরূপাৰচরং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে …পে… পটিসন্ধিক্খণে…পে… (যাৰ অসঞ্ঞসত্তা). (১) নঅনন্তরপচ্চযা…পে… নউপনিস্সযপচ্চযা.

নপুরেজাতপচ্চযাদি

২৭০. অরূপাৰচরং ধম্মং পটিচ্চ অরূপাৰচরো ধম্মো উপ্পজ্জতি নপুরেজাতপচ্চযা – অরূপে অরূপাৰচরং একং খন্ধং পটিচ্চ তযো খন্ধা…পে… দ্ৰে খন্ধে…পে…. (মূলং কাতব্বং.) অরূপাৰচরে খন্ধে পটিচ্চ চিত্তসমুট্ঠানং রূপং. (২)

নঅরূপাৰচরং ধম্মং পটিচ্চ নঅরূপাৰচরো ধম্মো উপ্পজ্জতি নপুরেজাতপচ্চযা – অরূপে নঅরূপাৰচরং একং খন্ধং পটিচ্চ তযো খন্ধা…পে… দ্ৰে খন্ধে…পে… পটিসন্ধিক্খণে…পে… (যাৰ অসঞ্ঞসত্তা). (১)

অরূপাৰচরঞ্চ নঅরূপাৰচরঞ্চ ধম্মং পটিচ্চ নঅরূপাৰচরো ধম্মো উপ্পজ্জতি নপুরেজাতপচ্চযা – অরূপাৰচরে খন্ধে চ মহাভূতে চ পটিচ্চ চিত্তসমুট্ঠানং রূপং. (১) নপচ্ছাজাতপচ্চযা….

নআসেৰনপচ্চযো

২৭১. অরূপাৰচরং ধম্মং পটিচ্চ অরূপাৰচরো ধম্মো উপ্পজ্জতি নআসেৰনপচ্চযা – ৰিপাকং অরূপাৰচরং একং খন্ধং পটিচ্চ তযো খন্ধা…পে… দ্ৰে খন্ধে…পে… পটিসন্ধিক্খণে…পে…. অরূপাৰচরং ধম্মং পটিচ্চ নঅরূপাৰচরো ধম্মো উপ্পজ্জতি নআসেৰনপচ্চযা – অরূপাৰচরে খন্ধে পটিচ্চ চিত্তসমুট্ঠানং রূপং. (২)

নঅরূপাৰচরং ধম্মং পটিচ্চ নঅরূপাৰচরো ধম্মো উপ্পজ্জতি নআসেৰনপচ্চযা – নঅরূপাৰচরং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… (যাৰ অসঞ্ঞসত্তা). (১)

অরূপাৰচরঞ্চ নঅরূপাৰচরঞ্চ ধম্মং পটিচ্চ নঅরূপাৰচরো ধম্মো উপ্পজ্জতি নআসেৰনপচ্চযা – অরূপাৰচরে খন্ধে চ মহাভূতে চ পটিচ্চ চিত্তসমুট্ঠানং রূপং. (১) (সংখিত্তং.)