১. ৰিভঙ্গৰারো

নহেতুপচ্চযো

২৪০. নরূপাৰচরং ধম্মং পচ্চযা নরূপাৰচরো ধম্মো উপ্পজ্জতি নহেতুপচ্চযা – অহেতুকং নরূপাৰচরং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… অহেতুকপটিসন্ধিক্খণে…পে… (যাৰ অসঞ্ঞসত্তা) চক্খাযতনং পচ্চযা চক্খুৰিঞ্ঞাণং…পে… কাযাযতনং পচ্চযা কাযৰিঞ্ঞাণং, ৰত্থুং পচ্চযা অহেতুকা নরূপাৰচরা খন্ধা, ৰিচিকিচ্ছাসহগতে উদ্ধচ্চসহগতে খন্ধে চ ৰত্থুঞ্চ পচ্চযা ৰিচিকিচ্ছাসহগতো উদ্ধচ্চসহগতো মোহো. (১) (সংখিত্তং.)

নঅধিপতিপচ্চযো

২৪১. রূপাৰচরং ধম্মং পচ্চযা রূপাৰচরো ধম্মো উপ্পজ্জতি নঅধিপতিপচ্চযা… তীণি (পটিচ্চৰারসদিসং).

নরূপাৰচরং ধম্মং পচ্চযা নরূপাৰচরো ধম্মো উপ্পজ্জতি নঅধিপতিপচ্চযা (পটিচ্চৰারসদিসং). নরূপাৰচরং ধম্মং পচ্চযা রূপাৰচরো ধম্মো উপ্পজ্জতি নঅধিপতিপচ্চযা – ৰত্থুং পচ্চযা রূপাৰচরাধিপতি, ৰত্থুং পচ্চযা ৰিপাকা রূপাৰচরা খন্ধা; পটিসন্ধিক্খণে…পে…. নরূপাৰচরং ধম্মং পচ্চযা রূপাৰচরো চ নরূপাৰচরো চ ধম্মা উপ্পজ্জন্তি নঅধিপতিপচ্চযা – ৰত্থুং পচ্চযা ৰিপাকা রূপাৰচরা খন্ধা, মহাভূতে পচ্চযা চিত্তসমুট্ঠানং রূপং; পটিসন্ধিক্খণে…পে…. (৩)

২৪২. রূপাৰচরঞ্চ নরূপাৰচরঞ্চ ধম্মং পচ্চযা রূপাৰচরো ধম্মো উপ্পজ্জতি নঅধিপতিপচ্চযা – রূপাৰচরে খন্ধে চ ৰত্থুঞ্চ পচ্চযা রূপাৰচরাধিপতি, ৰিপাকং রূপাৰচরং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে চ…পে… পটিসন্ধিক্খণে রূপাৰচরং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে চ…পে…. রূপাৰচরঞ্চ নরূপাৰচরঞ্চ ধম্মং পচ্চযা নরূপাৰচরো ধম্মো উপ্পজ্জতি নঅধিপতিপচ্চযা – ৰিপাকে রূপাৰচরে খন্ধে চ মহাভূতে চ পচ্চযা চিত্তসমুট্ঠানং রূপং; পটিসন্ধিক্খণে…পে…. রূপাৰচরঞ্চ নরূপাৰচরঞ্চ ধম্মং পচ্চযা রূপাৰচরো চ নরূপাৰচরো চ ধম্মা উপ্পজ্জন্তি নঅধিপতিপচ্চযা – ৰিপাকং রূপাৰচরং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে চ…পে… ৰিপাকে রূপাৰচরে খন্ধে চ মহাভূতে চ পচ্চযা চিত্তসমুট্ঠানং রূপং; পটিসন্ধিক্খণে…পে…. (৩) (সংখিত্তং.)