১. ৰিভঙ্গৰারো

হেতুপচ্চযো

২৩৭. রূপাৰচরং ধম্মং পচ্চযা রূপাৰচরো ধম্মো উপ্পজ্জতি হেতুপচ্চযা… তীণি (পটিচ্চসদিসং).

নরূপাৰচরং ধম্মং পচ্চযা নরূপাৰচরো ধম্মো উপ্পজ্জতি হেতুপচ্চযা – নরূপাৰচরং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… (যাৰ অজ্ঝত্তিকং মহাভূতং) ৰত্থুং পচ্চযা নরূপাৰচরা খন্ধা. নরূপাৰচরং ধম্মং পচ্চযা রূপাৰচরো ধম্মো উপ্পজ্জতি হেতুপচ্চযা – ৰত্থুং পচ্চযা রূপাৰচরা খন্ধা; পটিসন্ধিক্খণে…পে…. নরূপাৰচরং ধম্মং পচ্চযা রূপাৰচরো চ নরূপাৰচরো চ ধম্মা উপ্পজ্জন্তি হেতুপচ্চযা – ৰত্থুং পচ্চযা রূপাৰচরা খন্ধা, মহাভূতে পচ্চযা চিত্তসমুট্ঠানং রূপং; পটিসন্ধিক্খণে…পে…. (৩)

২৩৮. রূপাৰচরঞ্চ নরূপাৰচরঞ্চ ধম্মং পচ্চযা রূপাৰচরো ধম্মো উপ্পজ্জতি হেতুপচ্চযা – রূপাৰচরং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে চ…পে… পটিসন্ধিক্খণে…পে…. রূপাৰচরঞ্চ নরূপাৰচরঞ্চ ধম্মং পচ্চযা নরূপাৰচরো ধম্মো উপ্পজ্জতি হেতুপচ্চযা – রূপাৰচরে খন্ধে চ মহাভূতে চ পচ্চযা চিত্তসমুট্ঠানং রূপং; পটিসন্ধিক্খণে…পে…. রূপাৰচরঞ্চ নরূপাৰচরঞ্চ ধম্মং পচ্চযা রূপাৰচরো চ নরূপাৰচরো চ ধম্মা উপ্পজ্জন্তি হেতুপচ্চযা – রূপাৰচরং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে চ…পে… রূপাৰচরে খন্ধে চ মহাভূতে চ পচ্চযা চিত্তসমুট্ঠানং রূপং; পটিসন্ধিক্খণে…পে…. (৩) (সংখিত্তং.)