১. ৰিভঙ্গৰারো

হেতুপচ্চযো

২২৬. রূপাৰচরং ধম্মং পটিচ্চ রূপাৰচরো ধম্মো উপ্পজ্জতি হেতুপচ্চযা – রূপাৰচরং একং খন্ধং পটিচ্চ তযো খন্ধা…পে… দ্ৰে খন্ধে…পে… পটিসন্ধিক্খণে…পে…. রূপাৰচরং ধম্মং পটিচ্চ নরূপাৰচরো ধম্মো উপ্পজ্জতি হেতুপচ্চযা – রূপাৰচরে খন্ধে পটিচ্চ চিত্তসমুট্ঠানং রূপং; পটিসন্ধিক্খণে…পে…. রূপাৰচরং ধম্মং পটিচ্চ রূপাৰচরো চ নরূপাৰচরো চ ধম্মা উপ্পজ্জন্তি হেতুপচ্চযা – রূপাৰচরং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে…পে…. (৩)

২২৭. নরূপাৰচরং ধম্মং পটিচ্চ নরূপাৰচরো ধম্মো উপ্পজ্জতি হেতুপচ্চযা – নরূপাৰচরং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে …পে… একং মহাভূতং…পে…. নরূপাৰচরং ধম্মং পটিচ্চ রূপাৰচরো ধম্মো উপ্পজ্জতি হেতুপচ্চযা – পটিসন্ধিক্খণে ৰত্থুং পটিচ্চ রূপাৰচরা খন্ধা. নরূপাৰচরং ধম্মং পটিচ্চ রূপাৰচরো চ নরূপাৰচরো চ ধম্মা উপ্পজ্জন্তি হেতুপচ্চযা – পটিসন্ধিক্খণে ৰত্থুং পটিচ্চ রূপাৰচরা খন্ধা, মহাভূতে পটিচ্চ কটত্তারূপং. (৩)

২২৮. রূপাৰচরঞ্চ নরূপাৰচরঞ্চ ধম্মং পটিচ্চ রূপাৰচরো ধম্মো উপ্পজ্জতি হেতুপচ্চযা – পটিসন্ধিক্খণে রূপাৰচরং একং খন্ধঞ্চ ৰত্থুঞ্চ পটিচ্চ তযো খন্ধা…পে… দ্ৰে খন্ধে চ…পে…. রূপাৰচরঞ্চ নরূপাৰচরঞ্চ ধম্মং পটিচ্চ নরূপাৰচরো ধম্মো উপ্পজ্জতি হেতুপচ্চযা – রূপাৰচরে খন্ধে চ মহাভূতে চ পটিচ্চ চিত্তসমুট্ঠানং রূপং; পটিসন্ধিক্খণে রূপাৰচরে খন্ধে চ মহাভূতে চ পটিচ্চ কটত্তারূপং. রূপাৰচরঞ্চ নরূপাৰচরঞ্চ ধম্মং পটিচ্চ রূপাৰচরো চ নরূপাৰচরো চ ধম্মা উপ্পজ্জন্তি হেতুপচ্চযা – পটিসন্ধিক্খণে রূপাৰচরং একং খন্ধঞ্চ ৰত্থুঞ্চ পটিচ্চ তযো খন্ধা…পে… দ্ৰে খন্ধে চ…পে… রূপাৰচরে খন্ধে চ মহাভূতে চ পটিচ্চ কটত্তারূপং (সংখিত্তং). (৩)