১. ৰিভঙ্গৰারো

হেতুপচ্চযো

২০৬. কামাৰচরো ধম্মো কামাৰচরস্স ধম্মস্স হেতুপচ্চযেন পচ্চযো – কামাৰচরা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে…. (১)

নকামাৰচরো ধম্মো নকামাৰচরস্স ধম্মস্স হেতুপচ্চযেন পচ্চযো – নকামাৰচরা হেতূ সম্পযুত্তকানং খন্ধানং হেতুপচ্চযেন পচ্চযো; পটিসন্ধিক্খণে…পে…. নকামাৰচরো ধম্মো কামাৰচরস্স ধম্মস্স হেতুপচ্চযেন পচ্চযো – নকামাৰচরা হেতূ চিত্তসমুট্ঠানানং রূপানং হেতুপচ্চযেন পচ্চযো; পটিসন্ধিক্খণে…পে…. (মূলং কাতব্বং.) নকামাৰচরা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে…. (৩)

আরম্মণপচ্চযো

২০৭. কামাৰচরো ধম্মো কামাৰচরস্স ধম্মস্স আরম্মণপচ্চযেন পচ্চযো – দানং দত্ৰা সীলং…পে… উপোসথকম্মং…পে… পুব্বে সুচিণ্ণানি পচ্চৰেক্খতি অস্সাদেতি অভিনন্দতি, তং আরব্ভ রাগো…পে… দোমনস্সং উপ্পজ্জতি; অরিযা গোত্রভুং পচ্চৰেক্খন্তি, ৰোদানং পচ্চৰেক্খন্তি; পহীনে কিলেসে…পে… ৰিক্খম্ভিতে কিলেসে…পে… পুব্বে সুচিণ্ণানি…পে… চক্খুং…পে… ৰত্থুং কামাৰচরে খন্ধে অনিচ্চতো…পে… দোমনস্সং উপ্পজ্জতি; রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স আরম্মণপচ্চযেন পচ্চযো. (১)

কামাৰচরো ধম্মো নকামাৰচরস্স ধম্মস্স আরম্মণপচ্চযেন পচ্চযো – দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, চেতোপরিযঞাণেন কামাৰচরচিত্তসমঙ্গিস্স চিত্তং জানাতি, কামাৰচরা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স আরম্মণপচ্চযেন পচ্চযো. (২)

২০৮. নকামাৰচরো ধম্মো নকামাৰচরস্স ধম্মস্স আরম্মণপচ্চযেন পচ্চযো – নিব্বানং মগ্গস্স, ফলস্স আরম্মণপচ্চযেন পচ্চযো; চেতোপরিযঞাণেন নকামাৰচরচিত্তসমঙ্গিস্স চিত্তং জানাতি, আকাসানঞ্চাযতনং ৰিঞ্ঞাণঞ্চাযতনস্স…পে… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স…পে… নকামাৰচরা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স আরম্মণপচ্চযেন পচ্চযো. (১)

নকামাৰচরো ধম্মো কামাৰচরস্স ধম্মস্স আরম্মণপচ্চযেন পচ্চযো – ঝানা ৰুট্ঠহিত্ৰা ঝানং পচ্চৰেক্খতি অস্সাদেতি অভিনন্দতি, তং আরব্ভ রাগো উপ্পজ্জতি, দিট্ঠি উপ্পজ্জতি…পে… অরিযা মগ্গা ৰুট্ঠহিত্ৰা মগ্গং পচ্চৰেক্খন্তি; ফলং…পে… নিব্বানং পচ্চৰেক্খন্তি, নিব্বানং গোত্রভুস্স, ৰোদানস্স, আৰজ্জনায আরম্মণপচ্চযেন পচ্চযো; আকাসানঞ্চাযতনং পচ্চৰেক্খতি, ৰিঞ্ঞাণঞ্চাযতনং পচ্চৰেক্খতি, আকিঞ্চঞ্ঞাযতনং পচ্চৰেক্খতি, নেৰসঞ্ঞানাসঞ্ঞাযতনং পচ্চৰেক্খতি, দিব্বং চক্খুং পচ্চৰেক্খতি, দিব্বং সোতধাতুং পচ্চৰেক্খতি, ইদ্ধিৰিধঞাণং পচ্চৰেক্খতি, চেতোপরিযঞাণং…পে… পুব্বেনিৰাসানুস্সতিঞাণং…পে… যথাকম্মূপগঞাণং…পে… অনাগতংসঞাণং পচ্চৰেক্খতি, নকামাৰচরে খন্ধে অনিচ্চতো…পে… দোমনস্সং উপ্পজ্জতি. (২)

অধিপতিপচ্চযো

২০৯. কামাৰচরো ধম্মো কামাৰচরস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং…পে… সীলং…পে… উপোসথকম্মং…পে… পুব্বে সুচিণ্ণানি গরুং কত্ৰা পচ্চৰেক্খতি অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি, সেক্খা গোত্রভুং গরুং কত্ৰা পচ্চৰেক্খন্তি, ৰোদানং গরুং কত্ৰা পচ্চৰেক্খন্তি, চক্খুং…পে… ৰত্থুং কামাৰচরে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – কামাৰচরাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (১)

২১০. নকামাৰচরো ধম্মো নকামাৰচরস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – নিব্বানং মগ্গস্স, ফলস্স অধিপতিপচ্চযেন পচ্চযো. সহজাতাধিপতি – নকামাৰচরাধিপতি সম্পযুত্তকানং খন্ধানং অধিপতিপচ্চযেন পচ্চযো. নকামাৰচরো ধম্মো কামাৰচরস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – ঝানা ৰুট্ঠহিত্ৰা ঝানং গরুং কত্ৰা পচ্চৰেক্খতি অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি, অরিযা মগ্গা ৰুট্ঠহিত্ৰা মগ্গং গরুং কত্ৰা পচ্চৰেক্খন্তি, ফলং…পে… নিব্বানং গরুং কত্ৰা পচ্চৰেক্খন্তি, নিব্বানং গোত্রভুস্স, ৰোদানস্স অধিপতিপচ্চযেন পচ্চযো; আকাসানঞ্চাযতনং গরুং কত্ৰা পচ্চৰেক্খতি ৰিঞ্ঞাণঞ্চাযতনং…পে… আকিঞ্চঞ্ঞাযতনং…পে… নেৰসঞ্ঞানাসঞ্ঞাযতনং গরুং কত্ৰা পচ্চৰেক্খতি, দিব্বং চক্খুং…পে… দিব্বং সোতধাতুং…পে… ইদ্ধিৰিধঞাণং…পে… অনাগতংসঞাণং গরুং কত্ৰা পচ্চৰেক্খতি, নকামাৰচরে খন্ধে গরুং কত্ৰা অস্সাদেতি অভিনন্দতি তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – নকামাৰচরাধিপতি চিত্তসমুট্ঠানানং রূপানং অধিপতিপচ্চযেন পচ্চযো; নকামাৰচরো ধম্মো কামাৰচরস্স চ নকামাৰচরস্স চ ধম্মস্স অধিপতিপচ্চযেন পচ্চযো. সহজাতাধিপতি – নকামাৰচরাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৩)

অনন্তরপচ্চযাদি

২১১. কামাৰচরো ধম্মো কামাৰচরস্স ধম্মস্স অনন্তরপচ্চযেন পচ্চযো – পুরিমা পুরিমা কামাৰচরা খন্ধা পচ্ছিমানং পচ্ছিমানং কামাৰচরানং খন্ধানং অনন্তরপচ্চযেন পচ্চযো; অনুলোমং গোত্রভুস্স… অনুলোমং ৰোদানস্স… আৰজ্জনা কামাৰচরানং খন্ধানং অনন্তরপচ্চযেন পচ্চযো.

কামাৰচরো ধম্মো নকামাৰচরস্স ধম্মস্স অনন্তরপচ্চযেন পচ্চযো – কামাৰচরং চুতিচিত্তং নকামাৰচরস্স উপপত্তিচিত্তস্স… আৰজ্জনা নকামাৰচরানং খন্ধানং অনন্তরপচ্চযেন পচ্চযো; কামাৰচরা খন্ধা নকামাৰচরস্স ৰুট্ঠানস্স অনন্তরপচ্চযেন পচ্চযো; পঠমস্স ঝানস্স পরিকম্মং পঠমস্স ঝানস্স অনন্তরপচ্চযেন পচ্চযো…পে… চতুত্থস্স ঝানস্স…পে… নেৰসঞ্ঞানাসঞ্ঞাযতনস্স পরিকম্মং…পে… দিব্বস্স চক্খুস্স…পে… দিব্বায সোতধাতুযা…পে… ইদ্ধিৰিধঞাণস্স…পে… চেতোপরিযঞাণস্স…পে… পুব্বেনিৰাসানুস্সতিঞাণস্স…পে… যথাকম্মূপগঞাণস্স…পে… অনাগতংসঞাণস্স পরিকম্মং অনাগতংসঞাণস্স অনন্তরপচ্চযেন পচ্চযো; গোত্রভু মগ্গস্স… ৰোদানং মগ্গস্স… অনুলোমং ফলসমাপত্তিযা অনন্তরপচ্চযেন পচ্চযো. (২)

২১২. নকামাৰচরো ধম্মো নকামাৰচরস্স ধম্মস্স অনন্তরপচ্চযেন পচ্চযো – পুরিমা পুরিমা নকামাৰচরা খন্ধা পচ্ছিমানং পচ্ছিমানং নকামাৰচরানং খন্ধানং অনন্তরপচ্চযেন পচ্চযো; মগ্গো ফলস্স, ফলং ফলস্স, নিরোধা ৰুট্ঠহন্তস্স, নেৰসঞ্ঞানাসঞ্ঞাযতনং ফলসমাপত্তিযা অনন্তরপচ্চযেন পচ্চযো. নকামাৰচরো ধম্মো কামাৰচরস্স ধম্মস্স অনন্তরপচ্চযেন পচ্চযো – নকামাৰচরং চুতিচিত্তং কামাৰচরস্স উপপত্তিচিত্তস্স, নকামাৰচরং ভৰঙ্গং আৰজ্জনায, নকামাৰচরা খন্ধা কামাৰচরস্স ৰুট্ঠানস্স অনন্তরপচ্চযেন পচ্চযো…. (২)

সমনন্তরপচ্চযেন পচ্চযো… সহজাতপচ্চযেন পচ্চযো… সত্ত… অঞ্ঞমঞ্ঞপচ্চযেন পচ্চযো… ছ… নিস্সযপচ্চযেন পচ্চযো… সত্ত.

উপনিস্সযপচ্চযো

২১৩. কামাৰচরো ধম্মো কামাৰচরস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – কামাৰচরং সদ্ধং উপনিস্সায দানং দেতি…পে… সীলং…পে… উপোসথকম্মং…পে… ৰিপস্সনং উপ্পাদেতি, মানং জপ্পেতি, দিট্ঠিং গণ্হাতি; কামাৰচরং সীলং…পে… পঞ্ঞং… রাগং…পে… পত্থনং… কাযিকং সুখং… কাযিকং দুক্খং… উতুং… ভোজনং… সেনাসনং উপনিস্সায দানং দেতি…পে… ৰিপস্সনং উপ্পাদেতি, পাণং হনতি…পে… সঙ্ঘং ভিন্দতি; কামাৰচরা সদ্ধা…পে… সেনাসনং কামাৰচরায সদ্ধায…পে… পত্থনায… কাযিকস্স সুখস্স… কাযিকস্স দুক্খস্স উপনিস্সযপচ্চযেন পচ্চযো. (১)

কামাৰচরো ধম্মো নকামাৰচরস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – কামাৰচরং সদ্ধং উপনিস্সায নকামাৰচরং ঝানং উপ্পাদেতি, মগ্গং…পে… অভিঞ্ঞং…পে… সমাপত্তিং উপ্পাদেতি; কামাৰচরং সীলং…পে… সেনাসনং উপনিস্সায নকামাৰচরং ঝানং উপ্পাদেতি, মগ্গং…পে… অভিঞ্ঞং…পে… সমাপত্তিং উপ্পাদেতি; কামাৰচরা সদ্ধা…পে… সেনাসনং নকামাৰচরায সদ্ধায…পে… পঞ্ঞায… মগ্গস্স, ফলসমাপত্তিযা উপনিস্সযপচ্চযেন পচ্চযো; পঠমস্স ঝানস্স পরিকম্মং পঠমস্স ঝানস্স…পে… চতুত্থস্স ঝানস্স…পে… আকাসানঞ্চাযতনস্স…পে… পঠমস্স মগ্গস্স…পে… চতুত্থস্স মগ্গস্স পরিকম্মং চতুত্থস্স মগ্গস্স উপনিস্সযপচ্চযেন পচ্চযো. (২)

২১৪. নকামাৰচরো ধম্মো নকামাৰচরস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – নকামাৰচরং সদ্ধং উপনিস্সায ঝানং উপ্পাদেতি, মগ্গং…পে… অভিঞ্ঞং…পে… সমাপত্তিং উপ্পাদেতি; নকামাৰচরং সীলং …পে… পঞ্ঞং উপনিস্সায নকামাৰচরং ঝানং উপ্পাদেতি…পে… মগ্গং…পে… অভিঞ্ঞং…পে… সমাপত্তিং উপ্পাদেতি; নকামাৰচরা সদ্ধা…পে… পঞ্ঞা নকামাৰচরায সদ্ধায…পে… পঞ্ঞায, মগ্গস্স, ফলসমাপত্তিযা উপনিস্সযপচ্চযেন পচ্চযো; পঠমং ঝানং দুতিযস্স ঝানস্স উপনিস্সযপচ্চযেন পচ্চযো…পে… ততিযং ঝানং…পে… চতুত্থং ঝানং…পে… আকাসানঞ্চাযতনং ৰিঞ্ঞাণঞ্চাযতনস্স …পে… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স উপনিস্সযপচ্চযেন পচ্চযো; পঠমো মগ্গো দুতিযস্স মগ্গস্স…পে… দুতিযো মগ্গো ততিযস্স মগ্গস্স…পে… ততিযো মগ্গো চতুত্থস্স মগ্গস্স উপনিস্সযপচ্চযেন পচ্চযো; মগ্গো ফলসমাপত্তিযা উপনিস্সযপচ্চযেন পচ্চযো. (১)

নকামাৰচরো ধম্মো কামাৰচরস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – নকামাৰচরং সদ্ধং উপনিস্সায দানং দেতি, সীলং…পে… উপোসথকম্মং…পে… ৰিপস্সনং উপ্পাদেতি, মানং জপ্পেতি, দিট্ঠিং গণ্হাতি; নকামাৰচরং সীলং…পে… পঞ্ঞং উপনিস্সায দানং দেতি, সীলং…পে… উপোসথকম্মং…পে… ৰিপস্সনং উপ্পাদেতি, মানং জপ্পেতি, দিট্ঠিং গণ্হাতি; নকামাৰচরা সদ্ধা…পে… পঞ্ঞা কামাৰচরায সদ্ধায…পে… পঞ্ঞায, রাগস্স…পে… পত্থনায কাযিকস্স সুখস্স, কাযিকস্স দুক্খস্স উপনিস্সযপচ্চযেন পচ্চযো; অরিযা মগ্গং উপনিস্সায সঙ্খারে অনিচ্চতো…পে… ৰিপস্সন্তি, মগ্গো অরিযানং অত্থপটিসম্ভিদায… ধম্মপটিসম্ভিদায… নিরুত্তিপটিসম্ভিদায… পটিভানপটিসম্ভিদায… ঠানাঠানকোসল্লস্স উপনিস্সযপচ্চযেন পচ্চযো; ফলসমাপত্তি কাযিকস্স সুখস্স উপনিস্সযপচ্চযেন পচ্চযো. (২)

পুরেজাতপচ্চযাদি

২১৫. কামাৰচরো ধম্মো কামাৰচরস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অনিচ্চতো…পে… দোমনস্সং উপ্পজ্জতি; রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স …পে…. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু কামাৰচরানং খন্ধানং পুরেজাতপচ্চযেন পচ্চযো. কামাৰচরো ধম্মো নকামাৰচরস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. ৰত্থুপুরেজাতং – ৰত্থু নকামাৰচরানং খন্ধানং পুরেজাতপচ্চযেন পচ্চযো. (২)

পচ্ছাজাতপচ্চযেন পচ্চযো… দ্ৰে… আসেৰনপচ্চযেন পচ্চযো… তীণি.

কম্মপচ্চযাদি

২১৬. কামাৰচরো ধম্মো কামাৰচরস্স ধম্মস্স কম্মপচ্চযেন পচ্চযো – সহজাতা, নানাক্খণিকা (সংখিত্তং).

নকামাৰচরো ধম্মো নকামাৰচরস্স ধম্মস্স কম্মপচ্চযেন পচ্চযো – সহজাতা, নানাক্খণিকা (সংখিত্তং). নকামাৰচরো ধম্মো কামাৰচরস্স ধম্মস্স কম্মপচ্চযেন পচ্চযো – সহজাতা, নানাক্খণিকা (সংখিত্তং). নকামাৰচরো ধম্মো কামাৰচরস্স চ নকামাৰচরস্স চ ধম্মস্স কম্মপচ্চযেন পচ্চযো – সহজাতা, নানাক্খণিকা (সংখিত্তং). (৩)

ৰিপাকপচ্চযেন পচ্চযো… চত্তারি… আহারপচ্চযেন পচ্চযো… চত্তারি… ইন্দ্রিযপচ্চযেন পচ্চযো… চত্তারি… ঝানপচ্চযেন পচ্চযো… চত্তারি… মগ্গপচ্চযেন পচ্চযো… চত্তারি… সম্পযুত্তপচ্চযেন পচ্চযো… দ্ৰে.

ৰিপ্পযুত্তপচ্চযো

২১৭. কামাৰচরো ধম্মো কামাৰচরস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং (সংখিত্তং). কামাৰচরো ধম্মো নকামাৰচরস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং. সহজাতং (সংখিত্তং) পটিসন্ধিক্খণে ৰত্থু নকামাৰচরানং খন্ধানং ৰিপ্পযুত্তপচ্চযেন পচ্চযো. পুরেজাতং – ৰত্থু নকামাৰচরানং খন্ধানং ৰিপ্পযুত্তপচ্চযেন পচ্চযো. (২)

নকামাৰচরো ধম্মো কামাৰচরস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – নকামাৰচরা খন্ধা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো; পটিসন্ধিক্খণে…পে…. পচ্ছাজাতা – নকামাৰচরা খন্ধা পুরেজাতস্স ইমস্স কাযস্স ৰিপ্পযুত্তপচ্চযেন পচ্চযো. (১)

অত্থিপচ্চযাদি

২১৮. কামাৰচরো ধম্মো কামাৰচরস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং (সংখিত্তং). কামাৰচরো ধম্মো নকামাৰচরস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতং – পটিসন্ধিক্খণে ৰত্থু নকামাৰচরানং খন্ধানং অত্থিপচ্চযেন পচ্চযো. পুরেজাতং – দিব্বেন চক্খুনা রূপং পস্সতি…পে… (পুরেজাতসদিসং). (২)

নকামাৰচরো ধম্মো নকামাৰচরস্স ধম্মস্স অত্থিপচ্চযেন পচ্চযো – সহজাতং (সংখিত্তং). নকামাৰচরো ধম্মো কামাৰচরস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং (ৰিপ্পযুত্তসদিসং). নকামাৰচরো ধম্মো কামাৰচরস্স চ নকামাৰচরস্স চ ধম্মস্স অত্থিপচ্চযেন পচ্চযো (পটিচ্চসদিসং). (৩)

২১৯. কামাৰচরো চ নকামাৰচরো চ ধম্মা কামাৰচরস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহারং, ইন্দ্রিযং. সহজাতা – নকামাৰচরা খন্ধা চ মহাভূতা চ চিত্তসমুট্ঠানানং রূপানং অত্থিপচ্চযেন পচ্চযো; পটিসন্ধিক্খণে…পে…. পচ্ছাজাতা – নকামাৰচরা খন্ধা চ কবল়ীকারো আহারো চ ইমস্স কাযস্স অত্থিপচ্চযেন পচ্চযো. পচ্ছাজাতা – নকামাৰচরা খন্ধা চ রূপজীৰিতিন্দ্রিযঞ্চ কটত্তারূপানং অত্থিপচ্চযেন পচ্চযো. কামাৰচরো চ নকামাৰচরো চ ধম্মা নকামাৰচরস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – নকামাৰচরো একো খন্ধো চ ৰত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা চ…পে… পটিসন্ধিক্খণে…পে…. নত্থিপচ্চযেন পচ্চযো… ৰিগতপচ্চযেন পচ্চযো… অৰিগতপচ্চযেন পচ্চযো. (২)