১-৪. পচ্চযানুলোমাদি

হেতুপচ্চযো

২০৫. কামাৰচরং ধম্মং সংসট্ঠো কামাৰচরো ধম্মো উপ্পজ্জতি হেতুপচ্চযা – কামাৰচরং একং খন্ধং সংসট্ঠা তযো খন্ধা…পে… দ্ৰে খন্ধে…পে… পটিসন্ধিক্খণে…পে…. (১)

নকামাৰচরং ধম্মং সংসট্ঠো নকামাৰচরো ধম্মো উপ্পজ্জতি হেতুপচ্চযা – নকামাৰচরং একং খন্ধং সংসট্ঠা তযো খন্ধা…পে… দ্ৰে খন্ধে…পে… পটিসন্ধিক্খণে…পে…. (১)

হেতুযা দ্ৰে, আরম্মণে দ্ৰে, অধিপতিযা দ্ৰে (সব্বত্থ দ্ৰে), অৰিগতে দ্ৰে.

অনুলোমং.

কামাৰচরং ধম্মং সংসট্ঠো কামাৰচরো ধম্মো উপ্পজ্জতি নহেতুপচ্চযা – অহেতুকং কামাৰচরং একং খন্ধং সংসট্ঠা তযো খন্ধা…পে… দ্ৰে খন্ধে…পে… অহেতুকপটিসন্ধিক্খণে…পে… ৰিচিকিচ্ছাসহগতে উদ্ধচ্চসহগতে খন্ধে সংসট্ঠো ৰিচিকিচ্ছাসহগতো উদ্ধচ্চসহগতো মোহো.

নহেতুযা একং, নঅধিপতিযা দ্ৰে, নপুরেজাতে দ্ৰে, নপচ্ছাজাতে দ্ৰে, নআসেৰনে দ্ৰে, নকম্মে দ্ৰে, নৰিপাকে দ্ৰে, নঝানে একং, নমগ্গে একং, নৰিপ্পযুত্তে দ্ৰে.

পচ্চনীযং.