১. ৰিভঙ্গৰারো

নহেতুপচ্চযাদি

১৯৮. কামাৰচরং ধম্মং পটিচ্চ কামাৰচরো ধম্মো উপ্পজ্জতি নহেতুপচ্চযা – অহেতুকং কামাৰচরং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… অহেতুকপটিসন্ধিক্খণে…পে… (যাৰ অসঞ্ঞসত্তা) ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো. (১)

নআরম্মণপচ্চযা… তীণি.

নঅধিপতিপচ্চযাদি

১৯৯. কামাৰচরং ধম্মং পটিচ্চ কামাৰচরো ধম্মো উপ্পজ্জতি নঅধিপতিপচ্চযা… তীণি.

নকামাৰচরং ধম্মং পটিচ্চ নকামাৰচরো ধম্মো উপ্পজ্জতি নঅধিপতিপচ্চযা – নকামাৰচরে খন্ধে পটিচ্চ নকামাৰচরাধিপতি, ৰিপাকং নকামাৰচরং একং খন্ধং পটিচ্চ তযো খন্ধা…পে… দ্ৰে খন্ধে…পে… পটিসন্ধিক্খণে…পে…. নকামাৰচরং ধম্মং পটিচ্চ কামাৰচরো ধম্মো উপ্পজ্জতি নঅধিপতিপচ্চযা – ৰিপাকে নকামাৰচরে খন্ধে পটিচ্চ চিত্তসমুট্ঠানং রূপং; পটিসন্ধিক্খণে…পে…. নকামাৰচরং ধম্মং পটিচ্চ কামাৰচরো চ নকামাৰচরো চ ধম্মা উপ্পজ্জন্তি নঅধিপতিপচ্চযা – ৰিপাকং নকামাৰচরং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে…পে…. (৩)

কামাৰচরঞ্চ নকামাৰচরঞ্চ ধম্মং পটিচ্চ কামাৰচরো ধম্মো উপ্পজ্জতি নঅধিপতিপচ্চযা – ৰিপাকে নকামাৰচরে খন্ধে চ মহাভূতে চ পটিচ্চ চিত্তসমুট্ঠানং রূপং; পটিসন্ধিক্খণে…পে… (ইতরে দ্ৰে পাকতিকা) নঅনন্তরপচ্চযা…পে… নপুরেজাতপচ্চযা… নপচ্ছাজাতপচ্চযা.

নআসেৰনপচ্চযো

২০০. কামাৰচরং ধম্মং পটিচ্চ কামাৰচরো ধম্মো উপ্পজ্জতি নআসেৰনপচ্চযা… তীণি.

নকামাৰচরং ধম্মং পটিচ্চ নকামাৰচরো ধম্মো উপ্পজ্জতি নআসেৰনপচ্চযা – ৰিপাকং নকামাৰচরং একং খন্ধং পটিচ্চ তযো খন্ধা…পে… দ্ৰে খন্ধে…পে… পটিসন্ধিক্খণে…পে…. নকামাৰচরং ধম্মং পটিচ্চ কামাৰচরো ধম্মো উপ্পজ্জতি নআসেৰনপচ্চযা – নকামাৰচরে খন্ধে পটিচ্চ চিত্তসমুট্ঠানং রূপং; পটিসন্ধিক্খণে…পে… (মূলং কাতব্বং) ৰিপাকং নকামাৰচরং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে…পে…. (৩)

(অৰসেসা তীণি পাকতিকা. সংখিত্তং.)