১-৪. পচ্চযানুলোমাদি

হেতুপচ্চযো

১৮৫. উপেক্খাসহগতং ধম্মং সংসট্ঠো উপেক্খাসহগতো ধম্মো উপ্পজ্জতি হেতুপচ্চযা – উপেক্খাসহগতং একং খন্ধং সংসট্ঠা দ্ৰে খন্ধা, দ্ৰে খন্ধে …পে… পটিসন্ধিক্খণে…পে…. (যথা সৰিতক্কদুকং সম্পযুত্তৰারো এৰং কাতব্বো.)

হেতুযা ছ, আরম্মণে ছ (সব্বত্থ ছ), অৰিগতে ছ.

অনুলোমং.

উপেক্খাসহগতং ধম্মং সংসট্ঠো উপেক্খাসহগতো ধম্মো উপ্পজ্জতি নহেতুপচ্চযা – অহেতুকং উপেক্খাসহগতং একং খন্ধং সংসট্ঠা দ্ৰে খন্ধা, দ্ৰে খন্ধে…পে… অহেতুকপটিসন্ধিক্খণে…পে… ৰিচিকিচ্ছাসহগতে উদ্ধচ্চসহগতে খন্ধে সংসট্ঠো ৰিচিকিচ্ছাসহগতো উদ্ধচ্চসহগতো মোহো. (এৰং পঞ্চ পঞ্হা যথা সৰিতক্কদুকে এৰং কাতব্বা.)

নহেতুযা ছ, নঅধিপতিযা ছ, নপুরেজাতে ছ, নপচ্ছাজাতে ছ, নআসেৰনে ছ, নকম্মে চত্তারি, নৰিপাকে ছ, নৰিপ্পযুত্তে ছ.

পচ্চনীযং.