১-৪. পচ্চযানুলোমাদি

হেতুপচ্চযো

১৬৮. সুখসহগতং ধম্মং পটিচ্চ সুখসহগতো ধম্মো উপ্পজ্জতি হেতুপচ্চযা – সুখসহগতং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো; পটিসন্ধিক্খণে…পে…. সুখসহগতং ধম্মং পটিচ্চ নসুখসহগতো ধম্মো উপ্পজ্জতি হেতুপচ্চযা – সুখসহগতে খন্ধে পটিচ্চ সুখং চিত্তসমুট্ঠানঞ্চ রূপং. (এৰং সুখসহগতদুকং ৰিত্থারেতব্বং, যথা সপ্পীতিকদুকস্স অনুলোমপটিচ্চৰারো.)

হেতুযা নৰ, আরম্মণে নৰ…পে… পুরেজাতে ছ, আসেৰনে ছ, কম্মে নৰ…পে… অৰিগতে নৰ.

অনুলোমং.

১৬৯. সুখসহগতং ধম্মং পটিচ্চ সুখসহগতো ধম্মো উপ্পজ্জতি নহেতুপচ্চযা – অহেতুকং সুখসহগতং একং খন্ধং পটিচ্চ দ্ৰে খন্ধা, দ্ৰে খন্ধে…পে… (মূলং কাতব্বং.) অহেতুকে সুখসহগতে খন্ধে পটিচ্চ সুখঞ্চ চিত্তসমুট্ঠানঞ্চ রূপং. সুখসহগতং ধম্মং পটিচ্চ সুখসহগতো চ নসুখসহগতো চ ধম্মা উপ্পজ্জন্তি নহেতুপচ্চযা – অহেতুকং সুখসহগতং একং খন্ধং পটিচ্চ দ্ৰে খন্ধা সুখঞ্চ চিত্তসমুট্ঠানঞ্চ রূপং, দ্ৰে খন্ধে…পে…. (৩)

নসুখসহগতং ধম্মং পটিচ্চ নসুখসহগতো ধম্মো উপ্পজ্জতি নহেতুপচ্চযা – অহেতুকং নসুখসহগতং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… অহেতুকং সুখং পটিচ্চ চিত্তসমুট্ঠানং রূপং; অহেতুকপটিসন্ধিক্খণে নসুখসহগতং একং খন্ধং পটিচ্চ তযো খন্ধা কটত্তা চ রূপং …পে… দ্ৰে খন্ধে…পে… খন্ধে পটিচ্চ ৰত্থু, ৰত্থুং পটিচ্চ খন্ধা, একং মহাভূতং…পে…. (যাৰ অসঞ্ঞসত্তা) ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো. (যথা সপ্পীতিকে নহেতুপচ্চযসদিসং, নিন্নানং সব্বত্থমেৰ নৰ পঞ্হা.)

নহেতুযা নৰ, নআরম্মণে তীণি…পে… নউপনিস্সযে তীণি, নপুরেজাতে নৰ, নপচ্ছাজাতে নৰ, নআসেৰনে নৰ, নকম্মে চত্তারি, নৰিপাকে নৰ, নআহারে একং, নইন্দ্রিযে একং, নঝানে ছ, নমগ্গে নৰ, নসম্পযুত্তে তীণি, নৰিপ্পযুত্তে ছ, নোনত্থিযা তীণি, নোৰিগতে তীণি.

পচ্চনীযং.

(এৰং ইতরে দ্ৰে গণনাপি সহজাতৰারোপি পটিচ্চৰারসদিসা. পচ্চযৰারে পৰত্তিপি পটিসন্ধিপি ৰিত্থারেতব্বা, যথা সপ্পীতিকদুকপচ্চযৰারপচ্চনীযেপি পৰত্তে ৰত্থু চ ৰিত্থারেতব্বং, যথা সপ্পীতিকদুকে একোযেৰ মোহো, এৰং ইতরে দ্ৰে গণনাপি নিস্সযৰারোপি সংসট্ঠৰারোপি সম্পযুত্তৰারোপি যথা সপ্পীতিকদুকং, এৰং কাতব্বং.)