১. ৰিভঙ্গৰারো

হেতুপচ্চযো

১৪৯. সপ্পীতিকো ধম্মো সপ্পীতিকস্স ধম্মস্স হেতুপচ্চযেন পচ্চযো – সপ্পীতিকা হেতূ সম্পযুত্তকানং খন্ধানং হেতুপচ্চযেন পচ্চযো; পটিসন্ধিক্খণে…পে…. সপ্পীতিকো ধম্মো অপ্পীতিকস্স ধম্মস্স হেতুপচ্চযেন পচ্চযো – সপ্পীতিকা হেতূ পীতিযা চ চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে…. (মূলং কাতব্বং.) সপ্পীতিকা হেতূ সম্পযুত্তকানং খন্ধানং পীতিযা চ চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে…. (৩)

অপ্পীতিকো ধম্মো অপ্পীতিকস্স ধম্মস্স হেতুপচ্চযেন পচ্চযো – অপ্পীতিকা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে…. (১)

আরম্মণপচ্চযো

১৫০. সপ্পীতিকো ধম্মো সপ্পীতিকস্স ধম্মস্স আরম্মণপচ্চযেন পচ্চযো – সপ্পীতিকে খন্ধে আরব্ভ সপ্পীতিকা খন্ধা উপ্পজ্জন্তি. (মূলং কাতব্বং.) সপ্পীতিকে খন্ধে আরব্ভ অপ্পীতিকা খন্ধা চ পীতি চ উপ্পজ্জন্তি. (মূলং কাতব্বং.) সপ্পীতিকে খন্ধে আরব্ভ সপ্পীতিকা খন্ধা চ পীতি চ উপ্পজ্জন্তি. (৩)

১৫১. অপ্পীতিকো ধম্মো অপ্পীতিকস্স ধম্মস্স আরম্মণপচ্চযেন পচ্চযো – অপ্পীতিকেন চিত্তেন দানং দত্ৰা সীলং…পে… উপোসথকম্মং কত্ৰা অপ্পীতিকেন চিত্তেন পচ্চৰেক্খতি, অস্সাদেতি অভিনন্দতি, তং আরব্ভ অপ্পীতিকো রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি, উদ্ধচ্চং উপ্পজ্জতি, দোমনস্সং উপ্পজ্জতি; অপ্পীতিকা ঝানা ৰুট্ঠহিত্ৰা…পে… মগ্গা ৰুট্ঠহিত্ৰা…পে… ফলা ৰুট্ঠহিত্ৰা অপ্পীতিকেন চিত্তেন ফলং পচ্চৰেক্খতি, অরিযা অপ্পীতিকেন চিত্তেন নিব্বানং পচ্চৰেক্খন্তি, নিব্বানং অপ্পীতিকস্স গোত্রভুস্স, ৰোদানস্স, মগ্গস্স, ফলস্স, আৰজ্জনায পীতিযা চ আরম্মণপচ্চযেন পচ্চযো; অরিযা অপ্পীতিকেন চিত্তেন অপ্পীতিকে পহীনে কিলেসে…পে… ৰিক্খম্ভিতে কিলেসে…পে… পুব্বে…পে… চক্খুং…পে… ৰত্থুং অপ্পীতিকে খন্ধে চ পীতিঞ্চ অপ্পীতিকেন চিত্তেন অনিচ্চতো…পে… ৰিপস্সতি অস্সাদেতি অভিনন্দতি, তং আরব্ভ অপ্পীতিকো রাগো উপ্পজ্জতি…পে… দোমনস্সং উপ্পজ্জতি; দিব্বেন চক্খুনা রূপং পস্সতি…পে… ফোট্ঠব্বাযতনং কাযৰিঞ্ঞাণস্স আরম্মণপচ্চযেন পচ্চযো; অপ্পীতিকা খন্ধা ইদ্ধিৰিধঞাণস্স চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায পীতিযা চ আরম্মণপচ্চযেন পচ্চযো; অপ্পীতিকে খন্ধে চ পীতিঞ্চ আরব্ভ অপ্পীতিকা খন্ধা চ পীতি চ উপ্পজ্জন্তি. (১)

অপ্পীতিকো ধম্মো সপ্পীতিকস্স ধম্মস্স আরম্মণপচ্চযেন পচ্চযো – অপ্পীতিকেন চিত্তেন দানং দত্ৰা সীলং…পে… উপোসথকম্মং…পে… সপ্পীতিকেন চিত্তেন পচ্চৰেক্খতি অস্সাদেতি অভিনন্দতি, তং আরব্ভ সপ্পীতিকো রাগো উপ্পজ্জতি, দিট্ঠি উপ্পজ্জতি; অপ্পীতিকা ঝানা ৰুট্ঠহিত্ৰা…পে… মগ্গা ৰুট্ঠহিত্ৰা…পে… ফলা ৰুট্ঠহিত্ৰা সপ্পীতিকেন চিত্তেন ফলং পচ্চৰেক্খতি, অরিযা সপ্পীতিকেন চিত্তেন নিব্বানং পচ্চৰেক্খন্তি, নিব্বানং সপ্পীতিকস্স গোত্রভুস্স, ৰোদানস্স, মগ্গস্স, ফলস্স আরম্মণপচ্চযেন পচ্চযো; অরিযা সপ্পীতিকেন চিত্তেন অপ্পীতিকে পহীনে কিলেসে…পে… ৰিক্খম্ভিতে কিলেসে …পে… পুব্বে…পে… চক্খুং…পে… ৰত্থুং অপ্পীতিকে খন্ধে চ পীতিঞ্চ সপ্পীতিকেন চিত্তেন অনিচ্চতো…পে… ৰিপস্সতি অস্সাদেতি অভিনন্দতি, তং আরব্ভ সপ্পীতিকো রাগো উপ্পজ্জতি, দিট্ঠি উপ্পজ্জতি; অপ্পীতিকে খন্ধে চ পীতিঞ্চ আরব্ভ সপ্পীতিকা খন্ধা উপ্পজ্জন্তি. (২)

অপ্পীতিকো ধম্মো সপ্পীতিকস্স চ অপ্পীতিকস্স চ ধম্মস্স আরম্মণপচ্চযেন পচ্চযো – অপ্পীতিকেন চিত্তেন দানং দত্ৰা সীলং…পে… উপোসথকম্মং…পে… সপ্পীতিকেন চিত্তেন পচ্চৰেক্খতি অস্সাদেতি অভিনন্দতি, তং আরব্ভ সপ্পীতিকা খন্ধা চ পীতি চ উপ্পজ্জন্তি, অপ্পীতিকা ঝানা…পে… মগ্গা…পে… ফলা ৰুট্ঠহিত্ৰা সপ্পীতিকেন চিত্তেন ফলং পচ্চৰেক্খতি, অরিযা সপ্পীতিকেন চিত্তেন নিব্বানং পচ্চৰেক্খন্তি, নিব্বানং সপ্পীতিকস্স গোত্রভুস্স, ৰোদানস্স, মগ্গস্স, ফলস্স, পীতিযা চ আরম্মণপচ্চযেন পচ্চযো; অরিযা সপ্পীতিকেন চিত্তেন অপ্পীতিকে পহীনে কিলেসে পচ্চৰেক্খন্তি, ৰিক্খম্ভিতে কিলেসে…পে… পুব্বে…পে… চক্খুং…পে… ৰত্থুং অপ্পীতিকে খন্ধে চ পীতিঞ্চ সপ্পীতিকেন চিত্তেন অনিচ্চতো…পে… ৰিপস্সতি অস্সাদেতি অভিনন্দতি, তং আরব্ভ সপ্পীতিকা খন্ধা চ পীতি চ উপ্পজ্জন্তি, অপ্পীতিকে খন্ধে চ পীতিঞ্চ আরব্ভ সপ্পীতিকা খন্ধা চ পীতি চ উপ্পজ্জন্তি. (৩)

১৫২. সপ্পীতিকো চ অপ্পীতিকো চ ধম্মা সপ্পীতিকস্স ধম্মস্স আরম্মণপচ্চযেন পচ্চযো – সপ্পীতিকে খন্ধে চ পীতিঞ্চ আরব্ভ সপ্পীতিকা খন্ধা উপ্পজ্জন্তি. (মূলং কাতব্বং.) সপ্পীতিকে খন্ধে চ পীতিঞ্চ আরব্ভ অপ্পীতিকা খন্ধা চ পীতি চ উপ্পজ্জন্তি.

(মূলং কাতব্বং.) সপ্পীতিকে খন্ধে চ পীতিঞ্চ আরব্ভ সপ্পীতিকা খন্ধা চ পীতি চ উপ্পজ্জন্তি. (৩)

অধিপতিপচ্চযো

১৫৩. সপ্পীতিকো ধম্মো সপ্পীতিকস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – সপ্পীতিকে খন্ধে গরুং কত্ৰা সপ্পীতিকা খন্ধা উপ্পজ্জন্তি. সহজাতাধিপতি – সপ্পীতিকাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

সপ্পীতিকো ধম্মো অপ্পীতিকস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – সপ্পীতিকে খন্ধে গরুং কত্ৰা অপ্পীতিকা খন্ধা চ পীতি চ উপ্পজ্জন্তি. সহজাতাধিপতি – সপ্পীতিকাধিপতি পীতিযা চ চিত্তসমুট্ঠানানঞ্চ রূপানং অধিপতিপচ্চযেন পচ্চযো. (২)

সপ্পীতিকো ধম্মো সপ্পীতিকস্স চ অপ্পীতিকস্স চ ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – সপ্পীতিকে খন্ধে গরুং কত্ৰা সপ্পীতিকা খন্ধা চ পীতি চ উপ্পজ্জন্তি. সহজাতাধিপতি – সপ্পীতিকাধিপতি সম্পযুত্তকানং খন্ধানং পীতিযা চ চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৩)

১৫৪. অপ্পীতিকো ধম্মো অপ্পীতিকস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – অপ্পীতিকেন চিত্তেন দানং…পে… সীলং…পে… উপোসথকম্মং…পে… অপ্পীতিকেন চিত্তেন তং গরুং কত্ৰা পচ্চৰেক্খতি অস্সাদেতি অভিনন্দতি, তং গরুং কত্ৰা অপ্পীতিকো রাগো উপ্পজ্জতি, দিট্ঠি উপ্পজ্জতি; অপ্পীতিকা ঝানা…পে… মগ্গা…পে… ফলা ৰুট্ঠহিত্ৰা অপ্পীতিকেন চিত্তেন ফলং গরুং কত্ৰা পচ্চৰেক্খতি; অরিযা অপ্পীতিকেন চিত্তেন নিব্বানং গরুং কত্ৰা পচ্চৰেক্খন্তি, নিব্বানং অপ্পীতিকস্স গোত্রভুস্স, ৰোদানস্স, মগ্গস্স, ফলস্স অধিপতিপচ্চযেন পচ্চযো; চক্খুং…পে… ৰত্থুং অপ্পীতিকে খন্ধে চ পীতিঞ্চ অপ্পীতিকেন চিত্তেন গরুং কত্ৰা অস্সাদেতি অভিনন্দতি, তং গরুং কত্ৰা অপ্পীতিকো রাগো উপ্পজ্জতি, দিট্ঠি উপ্পজ্জতি, অপ্পীতিকে খন্ধে চ পীতিঞ্চ গরুং কত্ৰা অপ্পীতিকা খন্ধা চ পীতি চ উপ্পজ্জন্তি. সহজাতাধিপতি – অপ্পীতিকাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (১)

অপ্পীতিকো ধম্মো সপ্পীতিকস্স ধম্মস্স অধিপতিপচ্চযেন পচ্চযো. আরম্মণাধিপতি – অপ্পীতিকেন চিত্তেন দানং…পে… সীলং…পে… উপোসথকম্মং…পে… (সংখিত্তং) নিব্বানং সপ্পীতিকস্স গোত্রভুস্স, ৰোদানস্স, মগ্গস্স, ফলস্স অধিপতিপচ্চযেন পচ্চযো; চক্খুং…পে… ৰত্থুং অপ্পীতিকে খন্ধে চ পীতিঞ্চ সপ্পীতিকেন চিত্তেন গরুং কত্ৰা অস্সাদেতি অভিনন্দতি, তং গরুং কত্ৰা সপ্পীতিকো রাগো উপ্পজ্জতি, দিট্ঠি উপ্পজ্জতি; অপ্পীতিকে খন্ধে চ পীতিঞ্চ গরুং কত্ৰা সপ্পীতিকা খন্ধা উপ্পজ্জন্তি. (২)

অপ্পীতিকো ধম্মো সপ্পীতিকস্স চ অপ্পীতিকস্স চ ধম্মস্স অধিপতিপচ্চযেন পচ্চযো. আরম্মণাধিপতি – দানং…পে… (সংখিত্তং) নিব্বানং সপ্পীতিকস্স গোত্রভুস্স, ৰোদানস্স, মগ্গস্স, ফলস্স, পীতিযা চ অধিপতিপচ্চযেন পচ্চযো; চক্খুং…পে… ৰত্থুং অপ্পীতিকে খন্ধে চ পীতিঞ্চ সপ্পীতিকেন চিত্তেন গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি অপ্পীতিকে খন্ধে চ পীতিঞ্চ গরুং কত্ৰা সপ্পীতিকা খন্ধা চ পীতি চ উপ্পজ্জন্তি. (৩)

১৫৫. সপ্পীতিকো চ অপ্পীতিকো চ ধম্মা সপ্পীতিকস্স ধম্মস্স অধিপতিপচ্চযেন পচ্চযো. আরম্মণাধিপতি – সপ্পীতিকে খন্ধে চ পীতিঞ্চ গরুং কত্ৰা সপ্পীতিকা খন্ধা উপ্পজ্জন্তি. (মূলং কাতব্বং.) সপ্পীতিকে খন্ধে চ পীতিঞ্চ গরুং কত্ৰা অপ্পীতিকা খন্ধা চ পীতি চ উপ্পজ্জন্তি. (মূলং কাতব্বং.) সপ্পীতিকে খন্ধে চ পীতিঞ্চ গরুং কত্ৰা সপ্পীতিকা খন্ধা চ পীতি চ উপ্পজ্জন্তি. (৩)

অনন্তরপচ্চযাদি

১৫৬. সপ্পীতিকো ধম্মো সপ্পীতিকস্স ধম্মস্স অনন্তরপচ্চযেন পচ্চযো – পুরিমা পুরিমা সপ্পীতিকা খন্ধা পচ্ছিমানং পচ্ছিমানং সপ্পীতিকানং খন্ধানং অনন্তরপচ্চযেন পচ্চযো. (মূলং কাতব্বং.) পুরিমা পুরিমা সপ্পীতিকা খন্ধা পচ্ছিমায পচ্ছিমায পীতিযা অনন্তরপচ্চযেন পচ্চযো – সপ্পীতিকং চুতিচিত্তং অপ্পীতিকস্স উপপত্তিচিত্তস্স, সপ্পীতিকং ভৰঙ্গং আৰজ্জনায, সপ্পীতিকা খন্ধা অপ্পীতিকস্স ৰুট্ঠানস্স, পীতিসহগতা ৰিপাকমনোৰিঞ্ঞাণধাতু কিরিযমনোৰিঞ্ঞাণধাতুযা, সপ্পীতিকং ভৰঙ্গং অপ্পীতিকস্স ভৰঙ্গস্স, সপ্পীতিকং কুসলাকুসলং অপ্পীতিকস্স ৰুট্ঠানস্স, কিরিযং ৰুট্ঠানস্স, ফলং ৰুট্ঠানস্স অনন্তরপচ্চযেন পচ্চযো. (মূলং কাতব্বং.) পুরিমা পুরিমা সপ্পীতিকা খন্ধা পচ্ছিমানং পচ্ছিমানং সপ্পীতিকানং খন্ধানং পীতিযা চ অনন্তরপচ্চযেন পচ্চযো. (৩)

১৫৭. অপ্পীতিকো ধম্মো অপ্পীতিকস্স ধম্মস্স অনন্তরপচ্চযেন পচ্চযো – পুরিমা পুরিমা পীতি পচ্ছিমায পচ্ছিমায পীতিযা অনন্তরপচ্চযেন পচ্চযো; পুরিমা পুরিমা অপ্পীতিকা খন্ধা পচ্ছিমানং পচ্ছিমানং অপ্পীতিকানং খন্ধানং অনন্তরপচ্চযেন পচ্চযো; অনুলোমং গোত্রভুস্স…পে… অপ্পীতিকায ফলসমাপত্তিযা পীতিযা চ অনন্তরপচ্চযেন পচ্চযো. (মূলং কাতব্বং.) পুরিমা পুরিমা পীতি পচ্ছিমানং পচ্ছিমানং সপ্পীতিকানং খন্ধানং অনন্তরপচ্চযেন পচ্চযো; অপ্পীতিকং চুতিচিত্তং সপ্পীতিকস্স উপপত্তিচিত্তস্স, আৰজ্জনা সপ্পীতিকানং খন্ধানং, অপ্পীতিকা খন্ধা সপ্পীতিকস্স ৰুট্ঠানস্স, ৰিপাকমনোধাতু সপ্পীতিকায ৰিপাকমনোৰিঞ্ঞাণধাতুযা, অপ্পীতিকং ভৰঙ্গং সপ্পীতিকস্স ভৰঙ্গস্স, অপ্পীতিকং কুসলাকুসলং সপ্পীতিকস্স ৰুট্ঠানস্স, কিরিযং ৰুট্ঠানস্স, ফলং ৰুট্ঠানস্স অনন্তরপচ্চযেন পচ্চযো; নিরোধা ৰুট্ঠহন্তস্স নেৰসঞ্ঞানাসঞ্ঞাযতনং সপ্পীতিকায ফলসমাপত্তিযা অনন্তরপচ্চযেন পচ্চযো. (২)

অপ্পীতিকো ধম্মো সপ্পীতিকস্স চ অপ্পীতিকস্স চ ধম্মস্স অনন্তরপচ্চযেন পচ্চযো – পুরিমা পুরিমা পীতি পচ্ছিমানং পচ্ছিমানং সপ্পীতিকানং খন্ধানং পীতিযা চ অনন্তরপচ্চযেন পচ্চযো. (৩)

১৫৮. সপ্পীতিকো চ অপ্পীতিকো চ ধম্মা সপ্পীতিকস্স ধম্মস্স অনন্তরপচ্চযেন পচ্চযো – পুরিমা পুরিমা সপ্পীতিকা খন্ধা চ পীতি চ পচ্ছিমানং পচ্ছিমানং সপ্পীতিকানং খন্ধানং অনন্তরপচ্চযেন পচ্চযো. (১)

সপ্পীতিকো চ অপ্পীতিকো চ ধম্মা অপ্পীতিকস্স ধম্মস্স অনন্তরপচ্চযেন পচ্চযো – পুরিমা পুরিমা সপ্পীতিকা খন্ধা চ পীতি চ পচ্ছিমায পচ্ছিমায পীতিযা অনন্তরপচ্চযেন পচ্চযো; সপ্পীতিকং চুতিচিত্তঞ্চ পীতি চ অপ্পীতিকস্স উপপত্তিচিত্তস্স… সপ্পীতিকং ভৰঙ্গঞ্চ পীতি চ আৰজ্জনায… সপ্পীতিকা খন্ধা চ পীতি চ অপ্পীতিকস্স ৰুট্ঠানস্স… সপ্পীতিকা ৰিপাকমনোৰিঞ্ঞাণধাতু চ পীতি চ কিরিযমনোৰিঞ্ঞাণধাতুযা… সপ্পীতিকং ভৰঙ্গঞ্চ পীতি চ অপ্পীতিকস্স ভৰঙ্গস্স… সপ্পীতিকং কুসলাকুসলঞ্চ পীতি চ অপ্পীতিকস্স ৰুট্ঠানস্স… কিরিযঞ্চ পীতি চ ৰুট্ঠানস্স… ফলঞ্চ পীতি চ ৰুট্ঠানস্স অনন্তরপচ্চযেন পচ্চযো. (২)

সপ্পীতিকো চ অপ্পীতিকো চ ধম্মা সপ্পীতিকস্স চ অপ্পীতিকস্স চ ধম্মস্স অনন্তরপচ্চযেন পচ্চযো – পুরিমা পুরিমা সপ্পীতিকা খন্ধা চ পীতি চ পচ্ছিমানং পচ্ছিমানং সপ্পীতিকানং খন্ধানং পীতিযা চ অনন্তরপচ্চযেন পচ্চযো. (৩)

সমনন্তরপচ্চযেন পচ্চযো… নৰ… সহজাতপচ্চযেন পচ্চযো… নৰ… অঞ্ঞমঞ্ঞপচ্চযেন পচ্চযো… নৰ… নিস্সযপচ্চযেন পচ্চযো… নৰ.

উপনিস্সযপচ্চযো

১৫৯. সপ্পীতিকো ধম্মো সপ্পীতিকস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সপ্পীতিকা খন্ধা সপ্পীতিকানং খন্ধানং উপনিস্সযপচ্চযেন পচ্চযো. (মূলং কাতব্বং.) সপ্পীতিকা খন্ধা অপ্পীতিকানং খন্ধানং পীতিযা চ উপনিস্সযপচ্চযেন পচ্চযো. (মূলং কাতব্বং.) সপ্পীতিকা খন্ধা সপ্পীতিকানং খন্ধানং পীতিযা চ উপনিস্সযপচ্চযেন পচ্চযো. (৩)

১৬০. অপ্পীতিকো ধম্মো অপ্পীতিকস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – অপ্পীতিকং সদ্ধং উপনিস্সায অপ্পীতিকেন চিত্তেন দানং দেতি, সীলং সমাদিযতি, উপোসথকম্মং করোতি; অপ্পীতিকং ঝানং…পে… ৰিপস্সনং… মগ্গং… অভিঞ্ঞং… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি; অপ্পীতিকং সীলং…পে… পঞ্ঞং… রাগং… দোসং… মোহং… মানং… দিট্ঠিং… পত্থনং… কাযিকং সুখং… কাযিকং দুক্খং… উতুং… ভোজনং… সেনাসনং… পীতিং উপনিস্সায অপ্পীতিকেন চিত্তেন দানং দেতি…পে… সমাপত্তিং উপ্পাদেতি, পাণং হনতি…পে… সঙ্ঘং ভিন্দতি; অপ্পীতিকা সদ্ধা…পে… সেনাসনং পীতি চ অপ্পীতিকায সদ্ধায…পে… পত্থনায… কাযিকস্স সুখস্স… কাযিকস্স দুক্খস্স… মগ্গস্স ফলসমাপত্তিযা পীতিযা চ উপনিস্সযপচ্চযেন পচ্চযো. (১)

অপ্পীতিকো ধম্মো সপ্পীতিকস্স ধম্মস্স উপনিস্সযপচ্চযেন পচ্চযো (তীণি উপনিস্সযা). অপ্পীতিকং সদ্ধং উপনিস্সায সপ্পীতিকেন চিত্তেন দানং দেতি…পে… অপ্পীতিকা ঝানা…পে… মানং জপ্পেতি, দিট্ঠিং গণ্হাতি; অপ্পীতিকং সীলং…পে… সেনাসনং পীতিং উপনিস্সায সপ্পীতিকেন চিত্তেন দানং দেতি…পে… সমাপত্তিং উপ্পাদেতি; সপ্পীতিকেন চিত্তেন অদিন্নং আদিযতি, মুসা…পে… পিসুণং…পে… সম্ফং…পে… সন্ধিং…পে… নিল্লোপং…পে… একাগারিকং…পে… পরিপন্থে…পে… পরদারং…পে… গামঘাতং…পে… নিগমঘাতং করোতি; অপ্পীতিকা সদ্ধা…পে… সেনাসনং পীতি চ সপ্পীতিকায সদ্ধায…পে… পঞ্ঞায রাগস্স, মোহস্স… মানস্স… দিট্ঠিযা… পত্থনায… মগ্গস্স, ফলসমাপত্তিযা উপনিস্সযপচ্চযেন পচ্চযো. (২)

অপ্পীতিকো ধম্মো সপ্পীতিকস্স চ অপ্পীতিকস্স চ ধম্মস্স উপনিস্সযপচ্চযেন পচ্চযো (তীণি উপনিস্সযা). অপ্পীতিকং সদ্ধং উপনিস্সায সপ্পীতিকেন চিত্তেন দানং দেতি…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি; অপ্পীতিকং সীলং…পে… সেনাসনং পীতিং উপনিস্সায সপ্পীতিকেন চিত্তেন দানং দেতি…পে… সমাপত্তিং উপ্পাদেতি; সপ্পীতিকেন চিত্তেন অদিন্নং আদিযতি…পে… (দুতিযৰারসদিসং) নিগমঘাতং করোতি; অপ্পীতিকা সদ্ধা…পে… সেনাসনং পীতি চ সপ্পীতিকায সদ্ধায…পে… পঞ্ঞায… রাগস্স… মোহস্স… মানস্স… দিট্ঠিযা… পত্থনায… মগ্গস্স, ফলসমাপত্তিযা পীতিযা চ উপনিস্সযপচ্চযেন পচ্চযো. (৩)

সপ্পীতিকো চ অপ্পীতিকো চ ধম্মা সপ্পীতিকস্স ধম্মস্স উপনিস্সযপচ্চযেন পচ্চযো (তীণিপি উপনিস্সযা). সপ্পীতিকা খন্ধা চ পীতি চ সপ্পীতিকানং খন্ধানং উপনিস্সযপচ্চযেন পচ্চযো. (মূলং কাতব্বং.) সপ্পীতিকা খন্ধা চ পীতি চ অপ্পীতিকানং খন্ধানং পীতিযা চ উপনিস্সযপচ্চযেন পচ্চযো. (মূলং কাতব্বং.) সপ্পীতিকা খন্ধা চ পীতি চ সপ্পীতিকানং খন্ধানং পীতিযা চ উপনিস্সযপচ্চযেন পচ্চযো. (৩)

পুরেজাতপচ্চযো

১৬১. অপ্পীতিকো ধম্মো অপ্পীতিকস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অপ্পীতিকেন চিত্তেন অনিচ্চতো…পে… ৰিপস্সতি, অস্সাদেতি অভিনন্দতি, তং আরব্ভ অপ্পীতিকো রাগো…পে… দোমনস্সং উপ্পজ্জতি, পীতি উপ্পজ্জতি, দিব্বেন চক্খুনা রূপং পস্সতি…পে… ফোট্ঠব্বাযতনং কাযৰিঞ্ঞাণস্স…পে…. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু অপ্পীতিকানং খন্ধানং পীতিযা চ পুরেজাতপচ্চযেন পচ্চযো. (১)

অপ্পীতিকো ধম্মো সপ্পীতিকস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং সপ্পীতিকেন চিত্তেন অনিচ্চতো…পে… ৰিপস্সতি, অস্সাদেতি অভিনন্দতি, তং আরব্ভ সপ্পীতিকো রাগো উপ্পজ্জতি, দিট্ঠি উপ্পজ্জতি. ৰত্থুপুরেজাতং – ৰত্থু সপ্পীতিকানং খন্ধানং পুরেজাতপচ্চযেন পচ্চযো. (২)

অপ্পীতিকো ধম্মো সপ্পীতিকস্স চ অপ্পীতিকস্স চ ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং সপ্পীতিকেন চিত্তেন অনিচ্চতো…পে… ৰিপস্সতি অস্সাদেতি অভিনন্দতি, তং আরব্ভ পীতি চ সম্পযুত্তকা খন্ধা চ উপ্পজ্জন্তি. ৰত্থুপুরেজাতং – ৰত্থু সপ্পীতিকানং খন্ধানং পীতিযা চ পুরেজাতপচ্চযেন পচ্চযো. (৩)

পচ্ছাজাতপচ্চযাদি

১৬২. সপ্পীতিকো ধম্মো অপ্পীতিকস্স ধম্মস্স পচ্ছাজাতপচ্চযেন পচ্চযো… তীণি… আসেৰনপচ্চযেন পচ্চযো… নৰ… কম্মপচ্চযেন পচ্চযো… ছ (সহজাতাপি নানাক্খণিকাপি কাতব্বা… দ্ৰে নানাক্খণিকা)… ৰিপাকপচ্চযেন পচ্চযো… নৰ… আহারপচ্চযেন পচ্চযো… চত্তারি… ইন্দ্রিযপচ্চযেন পচ্চযো… চত্তারি… ঝানপচ্চযেন পচ্চযো… নৰ… মগ্গপচ্চযেন পচ্চযো… চত্তারি… সম্পযুত্তপচ্চযেন পচ্চযো… ছ… ৰিপ্পযুত্তপচ্চযেন পচ্চযো… পঞ্চ… অত্থিপচ্চযেন পচ্চযো… নৰ (সংখিত্তং. সৰিতক্কদুকসদিসং কাতব্বং.)… নত্থিপচ্চযেন পচ্চযো… ৰিগতপচ্চযেন পচ্চযো… অৰিগতপচ্চযেন পচ্চযো… নৰ.