১-৪. পচ্চযানুলোমাদি

১৪৭. সপ্পীতিকং ধম্মং পচ্চযা সপ্পীতিকো ধম্মো উপ্পজ্জতি হেতুপচ্চযা. (সংখিত্তং. যথা সৰিতক্কদুকে অনুলোমপচ্চযৰারং, এৰং পৰত্তিপটিসন্ধি নৰ পঞ্হা পরিপুণ্ণা পীতি নিন্নানাকরণা.)

হেতুযা নৰ, আরম্মণে নৰ, অধিপতিযা নৰ…পে… অৰিগতে নৰ.

অনুলোমং.

সপ্পীতিকং ধম্মং পচ্চযা সপ্পীতিকো ধম্মো উপ্পজ্জতি নহেতুপচ্চযা… তীণি (পটিচ্চসদিসা).

অপ্পীতিকং ধম্মং পচ্চযা অপ্পীতিকো ধম্মো উপ্পজ্জতি নহেতুপচ্চযা. (পৰত্তিপটিসন্ধি কাতব্বা পটিচ্চৰারসদিসা, যাৰ অসঞ্ঞসত্তা.) চক্খাযতনং পচ্চযা চক্খুৰিঞ্ঞাণং…পে… কাযাযতনং পচ্চযা কাযৰিঞ্ঞাণং, ৰত্থুং পচ্চযা অহেতুকা অপ্পীতিকা খন্ধা পীতি চ, ৰিচিকিচ্ছাসহগতে উদ্ধচ্চসহগতে খন্ধে চ ৰত্থুঞ্চ পচ্চযা ৰিচিকিচ্ছাসহগতো উদ্ধচ্চসহগতো মোহো. (অনুলোমসদিসা নৰ পঞ্হা, পৰত্তিযেৰ পটিসন্ধি নত্থি, একোযেৰ মোহো.)

নহেতুযা নৰ, নআরম্মণে তীণি, নঅধিপতিযা নৰ, নঅনন্তরে তীণি…পে… নউপনিস্সযে তীণি, নপুরেজাতে নৰ, নপচ্ছাজাতে নৰ, নআসেৰনে নৰ, নকম্মে নৰ, নৰিপাকে নৰ, নআহারে একং, নইন্দ্রিযে একং, নঝানে একং, নমগ্গে নৰ, নসম্পযুত্তে তীণি, নৰিপ্পযুত্তে ছ, নোনত্থিযা তীণি, নোৰিগতে তীণি.

পচ্চনীযং.