১. ৰিভঙ্গৰারো

নহেতুপচ্চযো

১৪৪. সপ্পীতিকং ধম্মং পটিচ্চ সপ্পীতিকো ধম্মো উপ্পজ্জতি নহেতুপচ্চযা – অহেতুকং সপ্পীতিকং একং খন্ধং পটিচ্চ তযো খন্ধা…পে… দ্ৰে খন্ধে…পে…. সপ্পীতিকং ধম্মং পটিচ্চ অপ্পীতিকো ধম্মো উপ্পজ্জতি নহেতুপচ্চযা – অহেতুকে সপ্পীতিকে খন্ধে পটিচ্চ পীতি চ চিত্তসমুট্ঠানঞ্চ রূপং. সপ্পীতিকং ধম্মং পটিচ্চ সপ্পীতিকো চ অপ্পীতিকো চ ধম্মা উপ্পজ্জন্তি নহেতুপচ্চযা – অহেতুকং সপ্পীতিকং একং খন্ধং পটিচ্চ তযো খন্ধা পীতি চ চিত্তসমুট্ঠানঞ্চ রূপং…পে… দ্ৰে খন্ধে…পে…. (৩)

অপ্পীতিকং ধম্মং পটিচ্চ অপ্পীতিকো ধম্মো উপ্পজ্জতি নহেতুপচ্চযা – অহেতুকং অপ্পীতিকং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পীতিং পটিচ্চ চিত্তসমুট্ঠানং রূপং; অহেতুকপটিসন্ধিক্খণে অপ্পীতিকং একং খন্ধং পটিচ্চ তযো খন্ধা কটত্তা চ রূপং…পে… দ্ৰে খন্ধে পটিচ্চ দ্ৰে খন্ধা কটত্তা চ রূপং, খন্ধে পটিচ্চ ৰত্থু, ৰত্থুং পটিচ্চ খন্ধা, একং মহাভূতং…পে… (যাৰ অসঞ্ঞসত্তাপি) ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো. অপ্পীতিকং ধম্মং পটিচ্চ সপ্পীতিকো ধম্মো উপ্পজ্জতি নহেতুপচ্চযা – অহেতুকং পীতিং পটিচ্চ সপ্পীতিকা খন্ধা. (মূলং কাতব্বং.) পীতিং পটিচ্চ সপ্পীতিকা খন্ধা চিত্তসমুট্ঠানঞ্চ রূপং. (৩)

১৪৫. সপ্পীতিকঞ্চ অপ্পীতিকঞ্চ ধম্মং পটিচ্চ সপ্পীতিকো ধম্মো উপ্পজ্জতি নহেতুপচ্চযা – অহেতুকং সপ্পীতিকং একং খন্ধঞ্চ পীতিঞ্চ পটিচ্চ তযো খন্ধা…পে… দ্ৰে খন্ধে চ…পে…. সপ্পীতিকঞ্চ অপ্পীতিকঞ্চ ধম্মং পটিচ্চ অপ্পীতিকো ধম্মো উপ্পজ্জতি নহেতুপচ্চযা – অহেতুকে সপ্পীতিকে খন্ধে চ পীতিঞ্চ পটিচ্চ চিত্তসমুট্ঠানং রূপং, অহেতুকে সপ্পীতিকে খন্ধে চ মহাভূতে চ পটিচ্চ চিত্তসমুট্ঠানং রূপং. সপ্পীতিকঞ্চ অপ্পীতিকঞ্চ ধম্মং পটিচ্চ সপ্পীতিকো চ অপ্পীতিকো চ ধম্মা উপ্পজ্জন্তি নহেতুপচ্চযা – অহেতুকং সপ্পীতিকং একং খন্ধঞ্চ পীতিঞ্চ পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে চ…পে… অহেতুকং সপ্পীতিকং একং খন্ধঞ্চ পীতিঞ্চ পটিচ্চ তযো খন্ধা…পে… দ্ৰে খন্ধে চ…পে… অহেতুকে সপ্পীতিকে খন্ধে চ পীতিঞ্চ মহাভূতে চ পটিচ্চ চিত্তসমুট্ঠানং রূপং. (৩)