১. ৰিভঙ্গৰারো

হেতুপচ্চযো

১১৬. সৰিতক্কো ধম্মো সৰিতক্কস্স ধম্মস্স হেতুপচ্চযেন পচ্চযো – সৰিতক্কা হেতূ সম্পযুত্তকানং খন্ধানং হেতুপচ্চযেন পচ্চযো; পটিসন্ধিক্খণে…পে…. সৰিতক্কো ধম্মো অৰিতক্কস্স ধম্মস্স হেতুপচ্চযেন পচ্চযো – সৰিতক্কা হেতূ ৰিতক্কস্স চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে…. (মূলং কাতব্বং.) সৰিতক্কা হেতূ সম্পযুত্তকানং খন্ধানং ৰিতক্কস্স চ চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে… (৩)

অৰিতক্কো ধম্মো অৰিতক্কস্স ধম্মস্স হেতুপচ্চযেন পচ্চযো – অৰিতক্কা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে…. (১)

আরম্মণপচ্চযো

১১৭. সৰিতক্কো ধম্মো সৰিতক্কস্স ধম্মস্স আরম্মণপচ্চযেন পচ্চযো – সৰিতক্কে খন্ধে আরব্ভ সৰিতক্কা খন্ধা উপ্পজ্জন্তি. (মূলং কাতব্বং.) সৰিতক্কে খন্ধে আরব্ভ অৰিতক্কা খন্ধা চ ৰিতক্কো চ উপ্পজ্জন্তি. (মূলং কাতব্বং.) সৰিতক্কে খন্ধে আরব্ভ সৰিতক্কা খন্ধা চ ৰিতক্কো চ উপ্পজ্জন্তি. (৩)

১১৮. অৰিতক্কো ধম্মো অৰিতক্কস্স ধম্মস্স আরম্মণপচ্চযেন পচ্চযো – অরিযা অৰিতক্কা ঝানা ৰুট্ঠহিত্ৰা অৰিতক্কং ঝানং পচ্চৰেক্খন্তি, মগ্গা ৰুট্ঠহিত্ৰা মগ্গং পচ্চৰেক্খন্তি, ফলা ৰুট্ঠহিত্ৰা ফলং পচ্চৰেক্খন্তি, নিব্বানং পচ্চৰেক্খন্তি, নিব্বানং অৰিতক্কস্স মগ্গস্স, ফলস্স, ৰিতক্কস্স চ আরম্মণপচ্চযেন পচ্চযো; চক্খুং…পে… ৰত্থুং অৰিতক্কে খন্ধে চ ৰিতক্কঞ্চ অনিচ্চতো…পে… ৰিপস্সতি অস্সাদেতি অভিনন্দতি, তং আরব্ভ ৰিতক্কো উপ্পজ্জতি, দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, চেতোপরিযঞাণেন অৰিতক্কচিত্তসমঙ্গিস্স চিত্তং জানাতি, আকাসানঞ্চাযতনং…পে… আকিঞ্চঞ্ঞাযতনং…পে… রূপাযতনং চক্খুৰিঞ্ঞাণস্স…পে… ফোট্ঠব্বাযতনং…পে… অৰিতক্কা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স যথাকম্মূপগঞাণস্স, অনাগতংসঞাণস্স, ৰিতক্কস্স চ আরম্মণপচ্চযেন পচ্চযো; অৰিতক্কে খন্ধে চ ৰিতক্কঞ্চ আরব্ভ অৰিতক্কা খন্ধা চ ৰিতক্কো চ উপ্পজ্জন্তি. (১)

অৰিতক্কো ধম্মো সৰিতক্কস্স ধম্মস্স আরম্মণপচ্চযেন পচ্চযো – অরিযা অৰিতক্কা ঝানা ৰুট্ঠহিত্ৰা…পে… মগ্গা ৰুট্ঠহিত্ৰা…পে… ফলা ৰুট্ঠহিত্ৰা ফলং পচ্চৰেক্খন্তি, নিব্বানং পচ্চৰেক্খন্তি, নিব্বানং গোত্রভুস্স, ৰোদানস্স, সৰিতক্কস্স মগ্গস্স, ফলস্স, আৰজ্জনায আরম্মণপচ্চযেন পচ্চযো; চক্খুং…পে… ৰত্থুং অৰিতক্কে খন্ধে চ ৰিতক্কঞ্চ অনিচ্চতো…পে… ৰিপস্সতি অস্সাদেতি অভিনন্দতি, তং আরব্ভ রাগো উপ্পজ্জতি…পে… দোমনস্সং উপ্পজ্জতি; অৰিতক্কে খন্ধে চ ৰিতক্কঞ্চ আরব্ভ সৰিতক্কা খন্ধা উপ্পজ্জন্তি. (২)

অৰিতক্কো ধম্মো সৰিতক্কস্স চ অৰিতক্কস্স চ ধম্মস্স আরম্মণপচ্চযেন পচ্চযো – অরিযা অৰিতক্কা ঝানা ৰুট্ঠহিত্ৰা…পে… মগ্গা ৰুট্ঠহিত্ৰা…পে… ফলা ৰুট্ঠহিত্ৰা ফলং পচ্চৰেক্খন্তি, নিব্বানং পচ্চৰেক্খন্তি, নিব্বানং গোত্রভুস্স, ৰোদানস্স, সৰিতক্কস্স মগ্গস্স, ফলস্স, আৰজ্জনায, ৰিতক্কস্স চ আরম্মণপচ্চযেন পচ্চযো; চক্খুং…পে… ৰত্থুং অৰিতক্কে খন্ধে চ ৰিতক্কঞ্চ অনিচ্চতো…পে… ৰিপস্সতি অস্সাদেতি অভিনন্দতি, তং আরব্ভ সৰিতক্কা খন্ধা চ ৰিতক্কো চ উপ্পজ্জন্তি, অৰিতক্কে খন্ধে চ ৰিতক্কঞ্চ আরব্ভ সৰিতক্কা খন্ধা চ ৰিতক্কো চ উপ্পজ্জন্তি. (৩)

১১৯. সৰিতক্কো চ অৰিতক্কো চ ধম্মা সৰিতক্কস্স ধম্মস্স আরম্মণপচ্চযেন পচ্চযো – সৰিতক্কে খন্ধে চ ৰিতক্কঞ্চ আরব্ভ সৰিতক্কা খন্ধা উপ্পজ্জন্তি. (মূলং কাতব্বং.) সৰিতক্কে খন্ধে চ ৰিতক্কঞ্চ আরব্ভ অৰিতক্কা খন্ধা চ ৰিতক্কো চ উপ্পজ্জন্তি. (মূলং কাতব্বং.) সৰিতক্কে খন্ধে চ ৰিতক্কঞ্চ আরব্ভ সৰিতক্কা খন্ধা চ ৰিতক্কো চ উপ্পজ্জন্তি. (৩)

অধিপতিপচ্চযো

১২০. সৰিতক্কো ধম্মো সৰিতক্কস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – সৰিতক্কে খন্ধে গরুং কত্ৰা সৰিতক্কা খন্ধা উপ্পজ্জন্তি. সহজাতাধিপতি – সৰিতক্কাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

সৰিতক্কো ধম্মো অৰিতক্কস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – সৰিতক্কে খন্ধে গরুং কত্ৰা ৰিতক্কো উপ্পজ্জতি. সহজাতাধিপতি – সৰিতক্কাধিপতি ৰিতক্কস্স চ চিত্তসমুট্ঠানানঞ্চ রূপানং অধিপতিপচ্চযেন পচ্চযো. (২)

সৰিতক্কো ধম্মো সৰিতক্কস্স চ অৰিতক্কস্স চ ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – সৰিতক্কে খন্ধে গরুং কত্ৰা সৰিতক্কা খন্ধা চ ৰিতক্কো চ উপ্পজ্জন্তি. সহজাতাধিপতি – সৰিতক্কাধিপতি সম্পযুত্তকানং খন্ধানং ৰিতক্কস্স চ চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৩)

১২১. অৰিতক্কো ধম্মো অৰিতক্কস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – অরিযা অৰিতক্কা ঝানা ৰুট্ঠহিত্ৰা…পে… মগ্গা ৰুট্ঠহিত্ৰা…পে… ফলা ৰুট্ঠহিত্ৰা ফলং গরুং কত্ৰা পচ্চৰেক্খন্তি, নিব্বানং গরুং কত্ৰা পচ্চৰেক্খন্তি, নিব্বানং অৰিতক্কস্স মগ্গস্স, ফলস্স, ৰিতক্কস্স চ অধিপতিপচ্চযেন পচ্চযো; চক্খুং…পে… ৰত্থুং অৰিতক্কে খন্ধে চ ৰিতক্কঞ্চ গরুং কত্ৰা অস্সাদেতি অভিনন্দতি, তং গরুং কত্ৰা ৰিতক্কো উপ্পজ্জতি. সহজাতাধিপতি – অৰিতক্কাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (১)

অৰিতক্কো ধম্মো সৰিতক্কস্স ধম্মস্স অধিপতিপচ্চযেন পচ্চযো. আরম্মণাধিপতি – অরিযা অৰিতক্কা ঝানা ৰুট্ঠহিত্ৰা…পে… মগ্গা ৰুট্ঠহিত্ৰা…পে… ফলা ৰুট্ঠহিত্ৰা ফলং গরুং কত্ৰা পচ্চৰেক্খন্তি, নিব্বানং গরুং কত্ৰা পচ্চৰেক্খন্তি, নিব্বানং গোত্রভুস্স, ৰোদানস্স, সৰিতক্কস্স মগ্গস্স, ফলস্স অধিপতিপচ্চযেন পচ্চযো; চক্খুং…পে… ৰত্থুং অৰিতক্কে খন্ধে চ ৰিতক্কঞ্চ গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি, অৰিতক্কে খন্ধে চ ৰিতক্কঞ্চ গরুং কত্ৰা সৰিতক্কা খন্ধা উপ্পজ্জন্তি. (২)

অৰিতক্কো ধম্মো সৰিতক্কস্স চ অৰিতক্কস্স চ ধম্মস্স অধিপতিপচ্চযেন পচ্চযো. আরম্মণাধিপতি – অরিযা অৰিতক্কা ঝানা ৰুট্ঠহিত্ৰা…পে… মগ্গা ৰুট্ঠহিত্ৰা…পে… ফলা ৰুট্ঠহিত্ৰা ফলং গরুং কত্ৰা পচ্চৰেক্খন্তি, নিব্বানং গরুং কত্ৰা পচ্চৰেক্খন্তি, নিব্বানং গোত্রভুস্স, ৰোদানস্স, সৰিতক্কস্স মগ্গস্স, ফলস্স, ৰিতক্কস্স চ অধিপতিপচ্চযেন পচ্চযো; চক্খুং…পে… ৰত্থুং অৰিতক্কে খন্ধে চ ৰিতক্কঞ্চ গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি; অৰিতক্কে খন্ধে চ ৰিতক্কঞ্চ গরুং কত্ৰা সৰিতক্কা খন্ধা চ ৰিতক্কো চ উপ্পজ্জন্তি. (৩)

সৰিতক্কো চ অৰিতক্কো চ ধম্মা সৰিতক্কস্স ধম্মস্স অধিপতিপচ্চযেন পচ্চযো. আরম্মণাধিপতি – সৰিতক্কে খন্ধে চ ৰিতক্কঞ্চ গরুং কত্ৰা সৰিতক্কা খন্ধা উপ্পজ্জন্তি. (মূলং কাতব্বং.) সৰিতক্কে খন্ধে চ ৰিতক্কঞ্চ গরুং কত্ৰা ৰিতক্কো উপ্পজ্জতি. (মূলং কাতব্বং.) সৰিতক্কে খন্ধে চ ৰিতক্কঞ্চ গরুং কত্ৰা সৰিতক্কা খন্ধা চ ৰিতক্কো চ উপ্পজ্জন্তি. (৩)

অনন্তরপচ্চযাদি

১২২. সৰিতক্কো ধম্মো সৰিতক্কস্স ধম্মস্স অনন্তরপচ্চযেন পচ্চযো – পুরিমা পুরিমা সৰিতক্কা খন্ধা পচ্ছিমানং পচ্ছিমানং সৰিতক্কানং খন্ধানং অনন্তরপচ্চযেন পচ্চযো. (১)

সৰিতক্কো ধম্মো অৰিতক্কস্স ধম্মস্স অনন্তরপচ্চযেন পচ্চযো – পুরিমা পুরিমা সৰিতক্কা খন্ধা পচ্ছিমস্স পচ্ছিমস্স ৰিতক্কস্স অনন্তরপচ্চযেন পচ্চযো; সৰিতক্কং চুতিচিত্তং অৰিতক্কস্স উপপত্তিচিত্তস্স অনন্তরপচ্চযেন পচ্চযো; আৰজ্জনা পঞ্চন্নং ৰিঞ্ঞাণানং অনন্তরপচ্চযেন পচ্চযো; সৰিতক্কা খন্ধা অৰিতক্কস্স ৰুট্ঠানস্স অনন্তরপচ্চযেন পচ্চযো; দুতিযস্স ঝানস্স পরিকম্মং দুতিযস্স ঝানস্স অনন্তরপচ্চযেন পচ্চযো; ততিযস্স ঝানস্স পরিকম্মং…পে… নেৰসঞ্ঞানাসঞ্ঞাযতনস্স পরিকম্মং নেৰসঞ্ঞানাসঞ্ঞাযতনস্স…পে… দিব্বস্স চক্খুস্স পরিকম্মং…পে… দিব্বায সোতধাতুযা পরিকম্মং…পে… ইদ্ধিৰিধঞাণস্স পরিকম্মং…পে… চেতোপরিযঞাণস্স পরিকম্মং…পে… পুব্বেনিৰাসানুস্সতিঞাণস্স পরিকম্মং…পে… যথাকম্মূপগঞাণস্স পরিকম্মং যথাকম্মূপগঞাণস্স…পে… অনাগতংসঞাণস্স পরিকম্মং অনাগতংসঞাণস্স অনন্তরপচ্চযেন পচ্চযো. গোত্রভু অৰিতক্কস্স মগ্গস্স… ৰোদানং অৰিতক্কস্স মগ্গস্স… অনুলোমং অৰিতক্কায ফলসমাপত্তিযা অনন্তরপচ্চযেন পচ্চযো. (২)

সৰিতক্কো ধম্মো সৰিতক্কস্স চ অৰিতক্কস্স চ ধম্মস্স অনন্তরপচ্চযেন পচ্চযো – পুরিমা পুরিমা সৰিতক্কা খন্ধা পচ্ছিমানং পচ্ছিমানং সৰিতক্কানং খন্ধানং ৰিতক্কস্স চ অনন্তরপচ্চযেন পচ্চযো. (৩)

১২৩. অৰিতক্কো ধম্মো অৰিতক্কস্স ধম্মস্স অনন্তরপচ্চযেন পচ্চযো – পুরিমো পুরিমো ৰিতক্কো পচ্ছিমস্স পচ্ছিমস্স ৰিতক্কস্স অনন্তরপচ্চযেন পচ্চযো; পুরিমা পুরিমা অৰিতক্কা খন্ধা পচ্ছিমানং পচ্ছিমানং অৰিতক্কানং খন্ধানং অনন্তরপচ্চযেন পচ্চযো; অৰিতক্কো মগ্গো অৰিতক্কস্স ফলস্স…পে… অৰিতক্কং ফলং অৰিতক্কস্স ফলস্স …পে… নিরোধা ৰুট্ঠহন্তস্স নেৰসঞ্ঞানাসঞ্ঞাযতনং অৰিতক্কায ফলসমাপত্তিযা অনন্তরপচ্চযেন পচ্চযো. (১)

অৰিতক্কো ধম্মো সৰিতক্কস্স ধম্মস্স অনন্তরপচ্চযেন পচ্চযো – পুরিমো পুরিমো ৰিতক্কো পচ্ছিমানং পচ্ছিমানং সৰিতক্কানং খন্ধানং অনন্তরপচ্চযেন পচ্চযো; অৰিতক্কং চুতিচিত্তং সৰিতক্কস্স উপপত্তিচিত্তস্স, অৰিতক্কং ভৰঙ্গং আৰজ্জনায, অৰিতক্কা খন্ধা সৰিতক্কস্স ৰুট্ঠানস্স অনন্তরপচ্চযেন পচ্চযো. (২)

অৰিতক্কো ধম্মো সৰিতক্কস্স চ অৰিতক্কস্স চ ধম্মস্স অনন্তরপচ্চযেন পচ্চযো – পুরিমো পুরিমো ৰিতক্কো পচ্ছিমানং পচ্ছিমানং সৰিতক্কানং খন্ধানং ৰিতক্কস্স চ অনন্তরপচ্চযেন পচ্চযো. (৩)

১২৪. সৰিতক্কো চ অৰিতক্কো চ ধম্মা সৰিতক্কস্স ধম্মস্স অনন্তরপচ্চযেন পচ্চযো – পুরিমা পুরিমা সৰিতক্কা খন্ধা চ ৰিতক্কো চ পচ্ছিমানং পচ্ছিমানং সৰিতক্কানং খন্ধানং অনন্তরপচ্চযেন পচ্চযো. (১)

সৰিতক্কো চ অৰিতক্কো চ ধম্মা অৰিতক্কস্স ধম্মস্স অনন্তরপচ্চযেন পচ্চযো – পুরিমা পুরিমা সৰিতক্কা খন্ধা চ ৰিতক্কো চ পচ্ছিমস্স পচ্ছিমস্স ৰিতক্কস্স অনন্তরপচ্চযেন পচ্চযো; সৰিতক্কং চুতিচিত্তঞ্চ ৰিতক্কো চ অৰিতক্কস্স উপপত্তিচিত্তস্স…পে… আৰজ্জনা চ ৰিতক্কো চ পঞ্চন্নং ৰিঞ্ঞাণানং…পে… সৰিতক্কা খন্ধা চ ৰিতক্কো চ অৰিতক্কস্স ৰুট্ঠানস্স অনন্তরপচ্চযেন পচ্চযো; দুতিযস্স ঝানস্স পরিকম্মঞ্চ ৰিতক্কো চ…পে… (হেট্ঠা লিখিতং লেখং ইমিনা কারণেন দট্ঠব্বং); অনুলোমঞ্চ ৰিতক্কো চ অৰিতক্কায ফলসমাপত্তিযা অনন্তরপচ্চযেন পচ্চযো. (২)

সৰিতক্কো চ অৰিতক্কো চ ধম্মা সৰিতক্কস্স চ অৰিতক্কস্স চ ধম্মস্স অনন্তরপচ্চযেন পচ্চযো – পুরিমা পুরিমা সৰিতক্কা খন্ধা চ ৰিতক্কো চ পচ্ছিমানং পচ্ছিমানং সৰিতক্কানং খন্ধানং ৰিতক্কস্স চ অনন্তরপচ্চযেন পচ্চযো. (৩)

সমনন্তরপচ্চযেন পচ্চযো… সহজাতপচ্চযেন পচ্চযো… নৰ… অঞ্ঞমঞ্ঞপচ্চযেন পচ্চযো… নৰ… নিস্সযপচ্চযেন পচ্চযো… নৰ.

উপনিস্সযপচ্চযো

১২৫. সৰিতক্কো ধম্মো সৰিতক্কস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সৰিতক্কা খন্ধা সৰিতক্কানং খন্ধানং উপনিস্সযপচ্চযেন পচ্চযো. (মূলং কাতব্বং.) সৰিতক্কা খন্ধা অৰিতক্কানং খন্ধানং ৰিতক্কস্স চ উপনিস্সযপচ্চযেন পচ্চযো. (মূলং কাতব্বং.) সৰিতক্কা খন্ধা সৰিতক্কানং খন্ধানং ৰিতক্কস্স চ উপনিস্সযপচ্চযেন পচ্চযো. (৩)

১২৬. অৰিতক্কো ধম্মো অৰিতক্কস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – অৰিতক্কং সদ্ধং উপনিস্সায অৰিতক্কং ঝানং উপ্পাদেতি, মগ্গং উপ্পাদেতি, অভিঞ্ঞং উপ্পাদেতি, সমাপত্তিং উপ্পাদেতি; অৰিতক্কং সীলং…পে… পঞ্ঞং… কাযিকং সুখং… কাযিকং দুক্খং… উতুং… ভোজনং… সেনাসনং ৰিতক্কং উপনিস্সায অৰিতক্কং ঝানং উপ্পাদেতি, মগ্গং…পে… অভিঞ্ঞং…পে… সমাপত্তিং উপ্পাদেতি; অৰিতক্কা সদ্ধা…পে… সেনাসনং ৰিতক্কো চ অৰিতক্কায সদ্ধায…পে… পঞ্ঞায… কাযিকস্স সুখস্স… কাযিকস্স দুক্খস্স… অৰিতক্কস্স মগ্গস্স… ফলসমাপত্তিযা উপনিস্সযপচ্চযেন পচ্চযো. (১)

অৰিতক্কো ধম্মো সৰিতক্কস্স ধম্মস্স উপনিস্সযপচ্চযেন পচ্চযো (তীণিপি উপনিস্সযা সব্বত্থ কাতব্বা). অৰিতক্কং সদ্ধং উপনিস্সায দানং দেতি, সীলং সমাদিযতি, উপোসথকম্মং করোতি; সৰিতক্কং ঝানং উপ্পাদেতি, ৰিপস্সনং…পে… মগ্গং…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি; অৰিতক্কং সীলং…পে… সেনাসনং ৰিতক্কং উপনিস্সায দানং দেতি…পে… সমাপত্তিং উপ্পাদেতি, পাণং হনতি…পে… সঙ্ঘং ভিন্দতি; অৰিতক্কা সদ্ধা…পে… সেনাসনং ৰিতক্কো চ সৰিতক্কায সদ্ধায…পে… পঞ্ঞায… রাগস্স…পে… পত্থনায সৰিতক্কস্স মগ্গস্স, ফলসমাপত্তিযা উপনিস্সযপচ্চযেন পচ্চযো. (২)

অৰিতক্কো ধম্মো সৰিতক্কস্স চ অৰিতক্কস্স চ ধম্মস্স উপনিস্সযপচ্চযেন পচ্চযো – অৰিতক্কং সদ্ধং উপনিস্সায দানং দেতি…পে… (দুতিযৰারে লিখিতপদা সব্বে কাতব্বা) সমাপত্তিং উপ্পাদেতি, মানং জপ্পেতি, দিট্ঠিং গণ্হাতি; সীলং…পে… পঞ্ঞং…পে… সেনাসনং ৰিতক্কং উপনিস্সায দানং দেতি…পে… পাণং হনতি…পে… সঙ্ঘং ভিন্দতি; অৰিতক্কা সদ্ধা…পে… সেনাসনং ৰিতক্কো চ সৰিতক্কায সদ্ধায…পে… পঞ্ঞায… রাগস্স …পে… পত্থনায সৰিতক্কস্স মগ্গস্স, ফলসমাপত্তিযা ৰিতক্কস্স চ উপনিস্সযপচ্চযেন পচ্চযো. (৩)

১২৭. সৰিতক্কো চ অৰিতক্কো চ ধম্মা সৰিতক্কস্স ধম্মস্স উপনিস্সযপচ্চযেন পচ্চযো – সৰিতক্কা খন্ধা চ ৰিতক্কো চ সৰিতক্কানং খন্ধানং উপনিস্সযপচ্চযেন পচ্চযো. (মূলং কাতব্বং.) সৰিতক্কা খন্ধা চ ৰিতক্কো চ অৰিতক্কানং খন্ধানং ৰিতক্কস্স চ উপনিস্সযপচ্চযেন পচ্চযো. (মূলং কাতব্বং.) সৰিতক্কা খন্ধা চ ৰিতক্কো চ সৰিতক্কানং খন্ধানং ৰিতক্কস্স চ উপনিস্সযপচ্চযেন পচ্চযো. (৩)

পুরেজাতপচ্চযো

১২৮. অৰিতক্কো ধম্মো অৰিতক্কস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অনিচ্চতো…পে… ৰিপস্সতি অস্সাদেতি অভিনন্দতি, তং আরব্ভ ৰিতক্কো উপ্পজ্জতি, দিব্বেন চক্খুনা রূপং পস্সতি…পে… ফোট্ঠব্বাযতনং কাযৰিঞ্ঞাণস্স…পে…. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু অৰিতক্কানং খন্ধানং ৰিতক্কস্স চ পুরেজাতপচ্চযেন পচ্চযো.

অৰিতক্কো ধম্মো সৰিতক্কস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অনিচ্চতো…পে… ৰিপস্সতি অস্সাদেতি অভিনন্দতি, তং আরব্ভ সৰিতক্কা খন্ধা উপ্পজ্জন্তি. ৰত্থুপুরেজাতং – ৰত্থু সৰিতক্কানং খন্ধানং পুরেজাতপচ্চযেন পচ্চযো.

অৰিতক্কো ধম্মো সৰিতক্কস্স চ অৰিতক্কস্স চ ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অনিচ্চতো…পে… ৰিপস্সতি, অস্সাদেতি অভিনন্দতি, তং আরব্ভ সৰিতক্কা খন্ধা চ ৰিতক্কো চ উপ্পজ্জন্তি. ৰত্থুপুরেজাতং – ৰত্থু সৰিতক্কানং খন্ধানং ৰিতক্কস্স চ পুরেজাতপচ্চযেন পচ্চযো. (৩)

পচ্ছাজাতাসেৰনপচ্চযা

১২৯. সৰিতক্কো ধম্মো অৰিতক্কস্স ধম্মস্স পচ্ছাজাতপচ্চযেন পচ্চযো (তীণি, পচ্ছাজাতা)… আসেৰনপচ্চযেন পচ্চযো… নৰ.

কম্মপচ্চযাদি

১৩০. সৰিতক্কো ধম্মো সৰিতক্কস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – সৰিতক্কা চেতনা সম্পযুত্তকানং খন্ধানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – সৰিতক্কা চেতনা ৰিপাকানং সৰিতক্কানং খন্ধানং কম্মপচ্চযেন পচ্চযো. (এৰং চত্তারি, সহজাতাপি নানাক্খণিকাপি কাতব্বা.)

ৰিপাকপচ্চযেন পচ্চযো… নৰ… আহারপচ্চযেন পচ্চযো… চত্তারি… ইন্দ্রিযপচ্চযেন পচ্চযো… চত্তারি… ঝানপচ্চযেন পচ্চযো… নৰ… মগ্গপচ্চযেন পচ্চযো… নৰ… সম্পযুত্তপচ্চযেন পচ্চযো… ছ.

১৩১. সৰিতক্কো ধম্মো সৰিতক্কস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং). (১)

অৰিতক্কো ধম্মো অৰিতক্কস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং (সংখিত্তং). অৰিতক্কো ধম্মো সৰিতক্কস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং (সংখিত্তং). অৰিতক্কো ধম্মো সৰিতক্কস্স চ অৰিতক্কস্স চ ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং. সহজাতং – পটিসন্ধিক্খণে ৰত্থু ৰিতক্কস্স সম্পযুত্তকানঞ্চ খন্ধানং ৰিপ্পযুত্তপচ্চযেন পচ্চযো. পুরেজাতং – ৰত্থু ৰিতক্কস্স সম্পযুত্তকানঞ্চ খন্ধানং ৰিপ্পযুত্তপচ্চযেন পচ্চযো. (৩)

সৰিতক্কো চ অৰিতক্কো চ ধম্মা অৰিতক্কস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং).

অত্থিপচ্চযাদি

১৩২. সৰিতক্কো ধম্মো সৰিতক্কস্স ধম্মস্স অত্থিপচ্চযেন পচ্চযো (একং, পটিচ্চসদিসং). সৰিতক্কো ধম্মো অৰিতক্কস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং (সংখিত্তং). সৰিতক্কো ধম্মো সৰিতক্কস্স চ অৰিতক্কস্স চ ধম্মস্স অত্থিপচ্চযেন পচ্চযো (পটিচ্চসদিসং). (৩)

অৰিতক্কো ধম্মো অৰিতক্কস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং (সংখিত্তং). অৰিতক্কো ধম্মো সৰিতক্কস্স ধম্মস্স অত্থিপচ্চযেন পচ্চযো – সহজাতং, পুরেজাতং (সংখিত্তং). অৰিতক্কো ধম্মো সৰিতক্কস্স চ অৰিতক্কস্স চ ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – ৰিতক্কো সম্পযুত্তকানং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো; পটিসন্ধিক্খণে ৰিতক্কো সম্পযুত্তকানং খন্ধানং কটত্তা চ রূপানং অত্থিপচ্চযেন পচ্চযো, পটিসন্ধিক্খণে ৰত্থু ৰিতক্কস্স সম্পযুত্তকানঞ্চ খন্ধানং অত্থিপচ্চযেন পচ্চযো. পুরেজাতং – চক্খুং…পে… ৰত্থুং অনিচ্চতো…পে… ৰিপস্সতি অস্সাদেতি অভিনন্দতি, তং আরব্ভ ৰিতক্কো চ সম্পযুত্তকা চ খন্ধা উপ্পজ্জন্তি, ৰত্থু ৰিতক্কস্স সম্পযুত্তকানঞ্চ খন্ধানং অত্থিপচ্চযেন পচ্চযো. (৩)

১৩৩. সৰিতক্কো চ অৰিতক্কো চ ধম্মা সৰিতক্কস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – সৰিতক্কো একো খন্ধো চ ৰিতক্কো চ তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা চ…পে…. সহজাতো – সৰিতক্কো একো খন্ধো চ ৰত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা চ…পে… (পটিসন্ধিক্খণে সহজাতাপি দ্ৰেপি কাতব্বা). (১)

সৰিতক্কো চ অৰিতক্কো চ ধম্মা অৰিতক্কস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং. সহজাতা – সৰিতক্কা খন্ধা চ ৰিতক্কো চ চিত্তসমুট্ঠানানং রূপানং অত্থিপচ্চযেন পচ্চযো. সহজাতা – সৰিতক্কা খন্ধা চ ৰত্থু চ ৰিতক্কস্স অত্থিপচ্চযেন পচ্চযো (পটিসন্ধিক্খণে, তীণি). পচ্ছাজাতা – সৰিতক্কা খন্ধা চ ৰিতক্কো চ পুরেজাতস্স ইমস্স কাযস্স অত্থিপচ্চযেন পচ্চযো. পচ্ছাজাতা – সৰিতক্কা খন্ধা চ ৰিতক্কো চ কবল়ীকারো আহারো চ ইমস্স কাযস্স অত্থিপচ্চযেন পচ্চযো. পচ্ছাজাতা – সৰিতক্কা খন্ধা চ ৰিতক্কো চ রূপজীৰিতিন্দ্রিযঞ্চ কটত্তারূপানং অত্থিপচ্চযেন পচ্চযো. (৩)

সৰিতক্কো চ অৰিতক্কো চ ধম্মা সৰিতক্কস্স চ অৰিতক্কস্স চ ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – সৰিতক্কো একো খন্ধো চ ৰিতক্কো চ তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো…পে… দ্ৰে খন্ধা চ…পে…. সহজাতো – সৰিতক্কো একো খন্ধো চ ৰত্থু চ তিণ্ণন্নং খন্ধানং ৰিতক্কস্স চ অত্থিপচ্চযেন পচ্চযো…পে… দ্ৰে খন্ধা চ…পে… (পটিসন্ধিযাপি দ্ৰে). (৩)

নত্থিপচ্চযেন পচ্চযো… ৰিগতপচ্চযেন পচ্চযো… অৰিগতপচ্চযেন পচ্চযো.