১-৪. পচ্চযানুলোমাদি

হেতুপচ্চযো

১১৫. সৰিতক্কং ধম্মং সংসট্ঠো সৰিতক্কো ধম্মো উপ্পজ্জতি হেতুপচ্চযা – সৰিতক্কং একং খন্ধং সংসট্ঠা তযো খন্ধা…পে… দ্ৰে খন্ধে…পে… পটিসন্ধিক্খণে…পে…. সৰিতক্কং ধম্মং সংসট্ঠো অৰিতক্কো ধম্মো উপ্পজ্জতি হেতুপচ্চযা – সৰিতক্কে খন্ধে সংসট্ঠো ৰিতক্কো; পটিসন্ধিক্খণে…পে…. সৰিতক্কং ধম্মং সংসট্ঠো সৰিতক্কো চ অৰিতক্কো চ ধম্মা উপ্পজ্জন্তি হেতুপচ্চযা – সৰিতক্কং একং খন্ধং সংসট্ঠা তযো খন্ধা ৰিতক্কো চ…পে… দ্ৰে খন্ধে…পে… পটিসন্ধিক্খণে…পে…. (৩)

অৰিতক্কং ধম্মং সংসট্ঠো অৰিতক্কো ধম্মো উপ্পজ্জতি হেতুপচ্চযা – অৰিতক্কং একং খন্ধং সংসট্ঠা তযো খন্ধা…পে… দ্ৰে খন্ধে…পে… পটিসন্ধিক্খণে…পে…. অৰিতক্কং ধম্মং সংসট্ঠো সৰিতক্কো ধম্মো উপ্পজ্জতি হেতুপচ্চযা – ৰিতক্কং সংসট্ঠা সম্পযুত্তকা খন্ধা; পটিসন্ধিক্খণে…পে…. (২)

সৰিতক্কঞ্চ অৰিতক্কঞ্চ ধম্মং সংসট্ঠো সৰিতক্কো ধম্মো উপ্পজ্জতি হেতুপচ্চযা – সৰিতক্কং একং খন্ধঞ্চ ৰিতক্কঞ্চ সংসট্ঠা তযো খন্ধা…পে… দ্ৰে খন্ধে…পে… পটিসন্ধিক্খণে…পে…. (১) (সংখিত্তং.)

হেতুযা ছ, আরম্মণে ছ, অধিপতিযা ছ (সব্বত্থ ছ) অৰিগতে ছ.

অনুলোমং.

সৰিতক্কং ধম্মং সংসট্ঠো সৰিতক্কো ধম্মো উপ্পজ্জতি নহেতুপচ্চযা. (এৰং ছ পঞ্হা কাতব্বা অনুলোমসদিসা, অহেতুকাতি নিযামেতব্বা, তীণিযেৰ, মোহো উদ্ধরিতব্বো.)

নহেতুযা ছ, নঅধিপতিযা ছ, নপুরেজাতে ছ, নপচ্ছাজাতে ছ, নআসেৰনে ছ, নকম্মে চত্তারি, নৰিপাকে ছ, নঝানে একং, নমগ্গে ছ, নৰিপ্পযুত্তে ছ.

পচ্চনীযং.